konka coffee
KONKA

AMAKURU

UKWEZI

Umusirikare warasiye abantu 11 mu kabari i Gicumbi agiye kugezwa mu rukiko rw’Ikirenga

Umusirikare warasiye abantu 11 mu kabari i Gicumbi agiye kugezwa mu rukiko rw’Ikirenga
4-09-2018 saa 13:49' | By Chief Editor | Yasomwe n'abantu 11171 | Ibitekerezo 5

Pte Munyembabazi Theogene umaze imyaka 4 arasiye mu kabari abantu 11 muri bo batanu bakahasiga ubuzima, agiye kugezwa mu rukiko rw’Ikirenga nyuma y’uko yari yarahamijwe icyaha agakatirwa igihano cy’igifungo cya burundu n’ihazabu y’amafaranga menshi yategetswe kwishyura ku giti cye n’umuryango we kuko atabikoze yabitumwe na Leta.

Mu ijoro ryo kuwa Gatandatu tariki 10 Kanama 2014, nibwo mu kabari kitwa Hunters Club Sport ko mu Kagari ka Gisuna, mu Murenge wa Byumba mu Karere ka Gicumbi, habereye ibara, aho abasore bagiranye amakimbirane ashingiye ku kurwanira abakobwa babyinishaga muri ako kabari, umwe muri bo wari umusirikare agira umujinya ajya kuzana imbunda arasamo abantu 11 barimo n’umukobwa yarwaniraga n’abandi basore, batanu barapfa naho abandi 6 barakomereka bikomeye.

Uyu musirikare yari yarakatiwe mu mwaka wa 2014 ahanishwa gufungwa burundu no gucibwa akayabo k’amamiliyoni y’indishyi ariko urubanza rwe rugiye kongera kuburanishwa mu bujurire mu rukiko rw’Ikirenga, dore ko impande zombi zitanyuzwe n’imyanzuro y’urukiko.

JPEG - 74 kb

Pte Munyembabazi Théogène imbere y’urukiko rwa gisirikare i Gicumbi muri 2014

Kayitesi Flavia wari umukinnyi w’amafilime nyarwanda, niwe wabaye intandaro y’amakimbirane yaje kuvamo ubu bwicanye. Uyu mukobwa wishwe afite imyaka 30 y’amavuko, yarwaniwe n’abasore bashakaga kubyinana nawe, maze umwe muri abo basore wari umusirikare witwa Pte Munyembabazi Théogène aza gusohorwa mu kabari na DJ witwa Karega Mussa maze undi ahita ajya mu kigo cya Gisirikare aciye mu nzira zitemewe afata imbunda yo mu bwoko bwa SMG ifite numero 1337 yari asanzwe akoresha nk’umusirikare maze aza kuyirashisha abo yari asize mu kabari.

Urukiko rwa gisirikare rwemeje ko yarashe amasasu agera muri 28 yose nyuma aza gusubira mu kigo anyuze mu nzira zitemewe nk’uko yari yabigenje ajya gutora imbunda, arangije araryama arasinzira ariko mu kwinjira mu kigo hari umusirikare mugenzi we wamubonye atanga amakuru. Uyu musirikare yaburanye yemera icyaha yakoze ariko akagisabira imbabazi.

Kayitesi Flavia bivugwa ko yari yanze kubyinisha uyu musirikare, yapfanye n’abasore bane ari bo Niyigena Placide, Uwimana Eric, Murengera Assouman na Nsengiyumva Emile. Abakomeretse cyane bahise bajyanwa mu bitaro ni Hategekimana Emmanuel, Bihoyiki, Nshizirungu Jean, Nkurikiye Ignace, Batayire Christine na Nshimiyimana Emmanuel.

Tariki 6 Ukwakira 2014, nibwo Urukiko rwa gisirikare i Gicumbi rwahamije Pte Munyembabazi icyaha, akatirwa gufungwa burundu ndetse anacibwa akayabo k’indishyi ku miryango yabuze ababo. Umuryango wa Kayitesi Flavia wagenewe indishyi zingana na miliyoni 7 n’ibihumbi 500, uwa Murangira Assoumani ugenerwa arenga miliyoni 41 naho uwa Nsengiyumva Emile ugenerwa miliyoni 31. Imiryango ya Hagenimana Assouman na Niyigena Placide nayo yashakaga guhabwa indishyi z’akababaro ariko urukiko rusanga iyo miryango itarigeze itanga ikirego izisaba.

Urukiko icyo gihe rwemeje kandi ko rwasuzumye neza rwasanze nta burangare Leta yagize mu gikorwa Munyembabazi yagize cyo kwica abantu kuko yabikoze atari mu kazi, bityo rugasanga nta mpamvu yatuma Leta itanga indishyi nk’uko ingingo ya ya 260 mu gika cyayo cya gatatu mu gitabo cy’amategeko mbonezamubano igira iti “Ba shebuja n’abakoresha baryozwa ibyangijwe n’abakozi babo igihe bakora imirimo babashinze”.

Tariki 17 Nzeri 2018, nibwo urubanza ruregwamo Pte Munyembabazi ruzongera kuburanishwa mu rukiko rw’ikirenga, nk’uko byatangajwe n’uru rukiko muri gahunda y’imanza zizaburanishwa muri uku kwezi kwa Nzeri. Uretse kuba hari abatarishimiye igihano cye aho bumvaga yari gukatirwa igihano cya burundu y’umwihariko, hari abatarishimiye ibijyanye n’ihazabu ndetse no kuba nyir’ubwite n’abamwunganira barasabaga ko Leta yamutangira indishyi kuko yifashishije ibikoresho by’akazi ka Leta mu gukora icyaha n’ubwo atari yabitumwe. Mu baregeye indishyi kandi harimo n’imiryango y’abakomerekejwe na Munyembabazi.


INKURU ZA :
Tanga Igitekerezo
Ibitekerezo 5
Rwabishingwe Kuya 7-09-2018

Umusirikare nigihe ki a batari mukazi iyo yujuje igihe cye cya conge agatanga ibikoresho bya gisirikare akajya iwe cg iwabo 2)igihe yujuje imyaka yubukure ijyanye na ipeti afite akajya muzabukuru ngaho aho umusirikare abatari mukazi leta nayishyize kuko niyo yabikoze

hghg Kuya 5-09-2018

nonese yari mu kiruhuko kizwi? ntabwo yari mu kazi? ahubwo ni mwishyure. urukiko rwarabogamye rwose, Leta niyo igomba kwishyura.

Karake Kuya 5-09-2018

Imana itubuza KWICA.Tujye twibuka ko imana yaturemye mu ishusho yayo.Bible ivuga ko abicanyi bose,kimwe n’abajura,abasambanyi,etc...batazaba mu bwami bw’
imana (1 Abakorinto 6:9,10).Bisobanura ko bo batazazuka ku Munsi w’Imperuka uri hafi.

Nisabwa Abdoul Kuya 4-09-2018

Nibyokoko Uyumusirikare Yarakosheje,ark,iria Hazabu Yaciwe Nimenshi Cyane.Leta Niyishyure Kuko Hakoreshejwe Imbunda Yareta,nubwo Atari Mukazi.

hakiziman Kuya 4-09-2018

mubasabire imbabaz

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...