AMAKURU

UKWEZI
ubumwe

Uruganda Steel Rw rwo mu karere ka Rwamagana rwahagaritswe by’ agateganyo

Uruganda Steel Rw rwo mu karere ka Rwamagana rwahagaritswe by’ agateganyo
9-08-2019 saa 07:51' | By Nsanzimana Ernest | Yasomwe n'abantu 2585 | Ibitekerezo 3

Ikigo cy’ igihugu cyo kurengera ibidukikije REMA cyahagaritse by’ agateganyo inganda ebyiri zo mu karere ka Rwamagana arizo Steel Rw na Water Tank.

Ni nyuma y’ uko abaturage bo mu karere ka Rwamagana bari binubiye ko uruganda Steel Rw rukora ibyuma rwitwikira amasaha y’ ijoro rugasohora ibyotsi byinshi bigakwira mu baturage batuye hafi yarwo.

Abaturage bavugaga ko ibyo byotsi bibabuza gusunzira ndetse abana babo bagahora barwaye inkorora n’ ibicurane.

Umwe muri bo yagize ati “Abana tubyara barimo baravukana ibibazo tutazi ahantu bituruka”.

Mugenzi we ati “Ariko byo mu by’ ukuri tumerewe nabi. Uriya mugabo aravuze ngo abana tubyara, bo kuko babyuka bakigendera ni twebwe bigiraho ingaruka cyane. Umwana agahumeka nabi umwana agakorora ukabona umwana abuze amahoro. Bikunze kuba nimugorora cyangwa se bwenda gucya”.

Icyo gihe mu mpera z’ umwaka ushize wa 2018, Meya wa Rwamagana Radjab Mbonyumuvunyi yabwiye TV1 ko icyo kibazo cyarangiye ndetse ko abakozi b’ akarere bashinzwe kurengera ibidukikije bagenzuye bagasanga icyo kibazo kitagihari.

Ati “Icyo kibazo cyari kiriho mu gihe cy’ amezi nk’ atatu ashize, icyo kibazo cyarakemutse uyu munsi nta gihari. Na inspection zacu z’ akarere zagiyeyo zisanga iyo myotsi itagihari ubwo wenda ni abaturage bakeya bataramenya ayo makuru”

Iki kibazo kikimara kugera mu itangazamakuru , REMA yagiye gukora ubugenzuzi bwimbitse isanga ibyo abaturage bavuze ari ukuri.

Umuyobozi wa REMA Coletha Ruhamya ati “Twakoze ingenzura ritunguranye mu ijoro turabibona ni uko turabafungira”.

Izi nganda zombi Steel Rw na Water Tank rukora ibigega bya plastike zafungiwe kubera kurekura ibyuka bihumanya ikirere. Ibyo byuka byabangamiraga abaturage.

Nyuma y’ uko izi nganda zifungiwe abaturage bafite akanyamuneza kuko ubuzima bwabo butakiri mu kaga ndetse ngo basigaye barwama bagasinzira.

REMA ivuga ko izi nganda nizimara gukosora icyo kibazo REMA izongera igakora ubundi bugenzuzi yasanga izi nganda zarakosoye iki kibazo zigafungurwa.


INKURU ZA :
Tanga Igitekerezo
Ibitekerezo 3
Rwanda Kuya 9-08-2019

Mu kanya ngo mushaka abashiramari mu kandi kanya ngo turabafungiye, ariko ubwo mutekereza ku nguzanyo baba barafashe?, mutekereza ku bantu izo nganda zitunze, mutekereza ku misoro yishyurwa n’andi mafaranga adasobanutse mugenda musaba.
Ubundi se kuki Rema itabegera ngo ibafashe mbere yo gufunga?

Nzaba ndeba ni umwana w’umunyarwanda.

Rwanda Kuya 9-08-2019

Mu kanya ngo mushaka abashiramari mu kandi kanya ngo turabafungiye, ariko ubwo mutekereza ku nguzanyo baba barafashe?, mutekereza ku bantu izo nganda zitunze, mutekereza ku misoro yishyurwa n’andi mafaranga adasobanutse mugenda musaba.
Ubundi se kuki Rema itabegera ngo ibafashe mbere yo gufunga?

Nzaba ndeba ni umwana w’umunyarwanda.

biraguma Kuya 9-08-2019

Gufunga izo nganda ni igisubizo ariko kitahoraho kuko zigomba gukora zikabyara umusaruro zigateza igihugu imbere, harebwa niba abo baturage bakwimurwa bagahabwa ingurane cg bagatuzwa ahandi

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...