AMAKURU

UKWEZI
ubumwe

Uwarindaga Gereza ya Nyarugenge umurambo we watoraguwe mu gisambu

Uwarindaga Gereza ya Nyarugenge umurambo we watoraguwe mu gisambu
11-06-2019 saa 11:53' | By Nsanzimana Ernest | Yasomwe n'abantu 4603 | Ibitekerezo 3

Nyakwigendera Caporal Jean Paul Mwiseneza umurambo we wabonetse mu gitondo cyo kuri uyu wa 10 Kamena 2019 nk’ uko byatangajwe n’ Urwego rw’ igihugu rushinzwe imfungwa n’ abagororwa.

RCS ivuga ko uyu mucungagereza yakoreraga mu karere ka Nyarugenge ariko avuka mu karere ka Bugesera mu Mudugudu wa Murambi mu Kagari ka Kayumba, mu Murenge wa Nyamata. Umurambo we wabonetse mu gisambi kiri hafi y’ aho avuka.

RCS ivuga ko Urwego rw’ igihugu rw’ ubugenzacyaha RIB rwatangiye iperereza kuri ubu bwicanyi.

Yagize iti “ Umubiri we wabonetse yajombaguwe ibyuma abamwishe baracyashakishwa na RIB,yavutse mu 1983 i Bugesera,yarokotse Jenoside yakorewe Abatutsi mu 1994 arokokana na mushiki we.Yari afite umugore n’umwana 1”

Umuvugizi w’ Urwego rw’ igihugu rw’ Ubugenzacyaha RIB Mbabazi Modetse yatangaje abishe nyakwigendera bataramenyana ariko RIB itanga icyizere ko amaherezo bazafatwa.

Mwiseneza yakoreraga RCS kuva muri 2011, yari yasabye uruhushya rw’ iminsi ibiri. Yari atuye mu karere ka Nyarugenge yasize umugore n’ umwana umwe.


INKURU ZA :
Tanga Igitekerezo
Ibitekerezo 3
Habimana Kuya 20-06-2019

imana imwacyire mu bayo.

Kadogo Kuya 15-06-2019

RCS SE YAKURIKIRANA DMI GUTE?UZIKO MUJYA MUNSETSA.

iganze Kuya 13-06-2019

Nyagasani aguhe iruhuko ridashira, azamurerere ikibondo asize kandi nihanganishije uwo mushiki we bari basigaranye.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...