AMAKURU

UKWEZI

Uwasebeje Miss Ariane n’umukobwa wagaragaye kuri moto yasinze bari gushakishwa na RIB

Uwasebeje Miss Ariane n’umukobwa wagaragaye kuri moto yasinze bari gushakishwa na RIB
9-10-2018 saa 12:43' | By Chief Editor | Yasomwe n'abantu 12927 | Ibitekerezo 11

Mu minsi ishize hari amafoto y’umukobwa wagaragaye yasinze ari kuri moto aho yari afashwe n’umukarani kuko we atabashaga kwiyicaza neza, hakaba hari ibihuha byari byatangajwe by’uko yaba ari Miss Uwimana Ariane wigeze kwiyamamariza kuba Miss Rwanda. Iperereza ryakozwe n’Urwego rw’Igihugu rw’Ubugenzacyaha ryagaragaje ko atari we, ndetse uru rwego rwatangaje ko rukomeje iperereza ngo uwo mukobwa amenyekane ahanirwe icyaha cyo gusinda mu ruhame naho uwazanye ibihuha by’uko ari Miss Ariane we ahanirwe icyaha cyo gusebanya.

Itangazo Urwego rw’Igihugu rushinzwe Iperereza (RIB) rwashyize ahagaragara kuri uyu wa Kabiri tariki 9 Ukwakira 2018, rivuga ko Miss Arian Uwimana yatanze ikirego muri uru rwego arega umuntu ukoresha Youtube yiyita Thecatvevo250, amushinja kuba yaramwandagaje avuga ko ari we mukobwa wagaragaye ku mbuga nkoranyambaga ari kuri moto yasinze.

Iri tangazo rikomeza rivuga ko uwo muntu yakoresheje umutwe ugira uti “MISS ARIANE YASINZE ARINYARIRA MU MUHANDA UMUKARANI ARAMUCYURA” yarangiza agashyiraho amashusho y’uwo mukobwa wari wasinze. RIB ngo yakoze iperereza kuri iki kibazo iza gusanga uwo mukobwa atari Miss Ariane UWIMANA nk’uko byari byatangajwe na TheCatVevo250.

Modeste Mbabazi, umuvugizi wa RIB wasohoye iri tangazo, avuga ko harimo gukorwa iperereza kuri uwo wandagaje Miss Ariane UWIMANA ariko hakaba harimo no gukorwa iperereza ku mukobwa nyawe wari kuri moto agaragara ko yasinze, kugirango akurikiranyweho icyaha cyo gusinda mu ruhame.

Ingingo ya 268 y’Itegeko riteganya ibyaha n’ibihano mu Rwanda, ivuga ko umuntu wese usinda ku mugaragaro, mu muhanda, mu kibuga, mu nzira, mu kabari, mu nzu y’imikino cyangwa ahandi hose hateranira abantu, aba akoze icyaha, ikanashimangira ko iyo abihamijwe n’urukiko, ahanishwa igifungo kitari munsi y’iminsi umunani ariko kitarenze amezi abiri n’ihazabu y’amafaranga y’u Rwanda atari munsi y’ibihumbi makumyabiri ariko atarenze ibihumbi ijana cyangwa kimwe gusa muri ibyo bihano.


INKURU ZA :
Tanga Igitekerezo
Ibitekerezo 11
Xavier Kuya 21-10-2018

Wowe Wiyita Rubyogo ndabona ufite ubwenge bufunguye kuki uvuga ngo RIB ntizakurikirana ibyandikwa kumbuga nkoranyambaga?
Ubushobozi bwayo urabuzi?
Uwatangaje ibitaribyo agomba guhanwa kandi nuwasindiye muruhame ni uko

Nina Kuya 12-10-2018

@Rubyogo. Izina niryo muntu koko. Nawe uri Rubyogo nka Nabali wo muri Bible. Uzabanze umenye ububasha bw’inzego ubone kuvuga ko inzego z’ibanze bakurikirana ibyaha.
@KM. Media ni powerful nibyo, ariko si powerful kurusha itegeko ku gihugu kigendera ku mategeko. Rero RIB ifite ubushobozi bwo guha umurongo media, media yabirengaho igahanwa. Ça C’est simple.

Rubyogo Kuya 10-10-2018

RIB yabuze akazi cg ni amavamuhira? ??muzakurikirana amafoto yose yo kuri medias muzabivamo?uyu mukobwa muzabwirwa n iki ko atari arwaye? Ese ko yasindiye kuri moto ni muruhame? Ko nta kabari katagira abasinzi niho muzajya mwibera? Inzego z ibanze ntizikibaho?

Rubyogo Kuya 10-10-2018

RIB yabuze akazi cg ni amavamuhira? ??muzakurikirana amafoto yose yo kuri medias muzabivamo?uyu mukobwa muzabwirwa n iki ko atari arwaye? Ese ko yasindiye kuri moto ni muruhame? Ko nta kabari katagira abasinzi niho muzajya mwibera? Inzego z ibanze ntizikibaho?

Rubyogo Kuya 10-10-2018

RIB yabuze akazi cg ni amavamuhira? ??muzakurikirana amafoto yose yo kuri medias muzabivamo?uyu mukobwa muzabwirwa n iki ko atari arwaye? Ese ko yasindiye kuri moto ni muruhame? Ko nta kabari katagira abasinzi niho muzajya mwibera? Inzego z ibanze ntizikibaho?

Rubyogo Kuya 10-10-2018

RIB yabuze akazi cg ni amavamuhira? ??muzakurikirana amafoto yose yo kuri medias muzabivamo?uyu mukobwa muzabwirwa n iki ko atari arwaye? Ese ko yasindiye kuri moto ni muruhame? Ko nta kabari katagira abasinzi niho muzajya mwibera? Inzego z ibanze ntizikibaho?

Rubyogo Kuya 10-10-2018

RIB yabuze akazi cg ni amavamuhira? ??muzakurikirana amafoto yose yo kuri medias muzabivamo?uyu mukobwa muzabwirwa n iki ko atari arwaye? Ese ko yasindiye kuri moto ni muruhame? Ko nta kabari katagira abasinzi niho muzajya mwibera? Inzego z ibanze ntizikibaho?

KM Kuya 9-10-2018

Njyewe ntekereza ko inzego za Leta ari nzego ntayegayezwa ,zireberera abaturage kandi zifite inshingano zihambaye cyane. Ibi mbivugiye ko urwego rw igihugu rutazajya ruhaguruka kubera ko bafotoye umuntu atwaye amaraso muri gare, minister ahita abaizamo yirukane abakoze kandi ba Directuer chef de nursing bahari, Dr Kayumba yanditse kuri twitter ,Police yi gihugu itangire kumusubiza ,cg umurwayi avuge ko batamwakiriye neza kuri facebook minister wa Sante ahaguruke agende ,noneho kandi ikindi abantu muri week end babe bagize ibihe byo kwinezeza bafotore kuri whattsapp RIb ihaguruke ijye kureba ,njye numva bino bintu byakagombye guharirwa inzego zo hasi zikajya zibikemura kuko social media yabaye very powerfull very soon nta nu umwanya wazaboneka wo kujya kureba ibyo abantu bafotoye ngo babisubize .Cyari igitekerezo cyanjye

Mami Kuya 9-10-2018

RIB rwose mwaziye igihe, mukora akazi keza. Ikinyamakuru cya Uganda, BigEye cyavuze ko byabereye Musanze Rwanda, kandi ari drogue bahaye uyu mwana. Ahubwo RIB yanareba ko ari drogue koko, byaba aribyo uwabikoze agahanwa n’umwicanyi, kuko yaba yarahemutse.

Xxx Kuya 9-10-2018

Ahubwo kubwanjye uwo mutype wo kuri Youtube yakagombye kuba byibuze ari gusoza igifungo kuko kuva nambere ibintu ashyiraho byibasira abantu

Xxx Kuya 9-10-2018

Ahubwo kubwanjye uwo mutype wo kuri Youtube yakagombye kuba byibuze ari gusoza igifungo kuko kuva nambere ibintu ashyiraho byibasira abantu

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...