AMAKURU

UKWEZI
ubumwe

Uwishe CSP Gashagaza n’ uwishe Alexia Mupende ntibarafatwa

Uwishe CSP Gashagaza n’ uwishe Alexia Mupende ntibarafatwa
30-04-2019 saa 09:03' | By Nsanzimana Ernest | Yasomwe n'abantu 4309 | Ibitekerezo 1

Urwego rw’ Igihugu rw’ ubugenzacyaha RIB rwatangaje ko rugikomeje iperereza ku rupfu rwa Nyakwigendera Rtd Gashagaza Hubert wigeze kuba umuvugizi wa Polisi na nyakwigendera Uwera Alexia Mupende, umunyamideli wishwe akaswe ijosi.

Umurambo wa CSP Gashagaza wabonetse mu gitondo cya 18 Nzeri 2018, uri mu modoka mu karere ka Gasabo mu mujyi wa Kigali mu muhanda ujya I Ndera.

Mupende witeguraga gushyingiranwa n’umukunzi we Allan Rwamo Kweli mu birori byari biteganyijwe ku wa 16 Gashyantare 2019, yishwe Babura igihe gito ngo akore ubukwe. Uyu munyamideli wari warabigize umwuga yishwe tariki ya 8 Mutarama 2019.

Mu kiganiro RIB yagiranye n’ abanyamakuru, tariki 29 Mata 2019, Umunyamabanga Mukuru wayo Jannot Ruhunga yavuze ko uwishe Mupenge n’ uwishe Gashagaza batarafatwa, yongeraho ko iyo baba barafashwe baba bareretswe itangazamakuru.

Yagize ati “Iyo haba harafashwe ababikoze twari kubahamagara tukabibabwira. Ni ibyaha by’ubugome ndengakamere byakozwe, uwabikoze agaragaye nta kuntu tutamugaragariza Abanyarwanda kandi nta bundi buryo twabikora uretse kwifashisha itangazamakuru.”

Gashagaza wishwe afite imyaka 53, nyuma y’ imyaka ibiri kuko yasezerewe muri Polisi y’Igihugu (afite ipeti rya Chief Supertendent of Police-CSP) muri Kanama 2016.

Gashagaza yakoze mu Ishami rya Polisi rishinzwe Ubugenzacyaha, anarikoramo ubwo yari mu butumwa bwa Loni bwo kubungabunga amahoro muri Repubulika ya Centrafrique. Yishwe akora mu Nkeragutabara.



INKURU ZA :
Tanga Igitekerezo
Ibitekerezo 1
Kkk Kuya 1-05-2019

Imana irabazi izabahora ubugome bwabo ntakabuza kndi amaherezo bazapfanabi.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...