AMAKURU

UKWEZI
ubumwe

Abacamanza bavuye kureba niba Col Tom Byabagamba na bagenzi be bafunzwe nabi

Abacamanza bavuye kureba niba Col Tom Byabagamba na bagenzi be bafunzwe nabi
6-06-2019 saa 10:49' | By Chief Editor | Yasomwe n'abantu 8034 | Ibitekerezo 3

Kuri uyu wa Gatatu tariki 5 Kamena 2019, Urukiko rw’ubujurire i Kigali rwagiye gusuzuma uko Col Tom Byabagamba na bagenzi be bafunzwe, nyuma yuko barubwiye ko bafunze nabi kandi binyuranye n’amategeko. Abaregwa bari bashingiye kuri ibi basaba ko baba bafunguwe.

Mu minsi micye ishize, uru rukiko rwatangiye kuburanisha ubujurire bwa Col Tom Byabagamba wahoze akuriye abarinda Perezida Paul Kagame na ’Jenerali’ uri mu zabukuru Frank Rusagara n’umushoferi we Sergeant François Kabayiza.

Aba mu mwaka wa 2016 bakatiwe gufungwa bahamijwe ibyaha birimo guteza imvururu muri rubanda, kwamamaza nkana ibihuha bangisha abaturage ubutegetsi buriho n’icyaha cyo gusuzugura ibendera ry’igihugu - ibyaha abaregwa bahakanaga.

Col Byabagamba warindaga Kagame avuga ko afunze uko bitagenwe n’urukiko.

Ubushize mu rukiko ubushinjacyaha bwavuze ko ubujurire bwabo budakwiye kwakirwa kuko hari ibyo butujuje, ariko bo bavuze ko bafunze nabi kandi mu buryo bunyuranyije n’amategeko.

Mu iburanisha riheruka, uru rukiko rwanzuye ko ubusabe bw’ubushinjacyaha nta shingiro bufite. Abacamanza bavuze ko urukiko rugiye kugenzura ibyavuzwe n’abaregwa ko bafunze nabi.

Col Byabagamba ufungiye kuri gereza ya gisirikare ya Mulindi, yavuze ko amaze imyaka itanu afungiye mu kato n’itatu adasurwa, naho Frank Rusagara yinubiye ko afungiye mu kigo cya gisirikare cya Kanombe kandi urukiko rwarategetse ko afungirwa muri gereza ya gisirikare ya Mulindi.

Abacamanza bavuze ko urubanza ruzakomeza ku itariki 13 y’uku kwezi kwa gatandatu, urukiko rugaragaza uko rwasanze abaregwa bafunze n’iburanisha rigakomeza. Muri iri buranisha ninabwo hazatangazwa ibyavuye mu isuzuma ryakozwe n’Urukiko rw’ubujurire ku bijyanye n’uburyo abaregwa bafunzwemo hakananzurwa ibijyanye n’uko bafungurwa nk’uko bo babisabye.


INKURU ZA :
Tanga Igitekerezo
Ibitekerezo 3
Manzi Kuya 7-06-2019

Ariko turasaba ko hasuzumwa impamvu umuntu arangiza ibihano aho gufungurwa akajyanwa muyindi gereza nukuri urukiko rwikirenga ibi birababaje murenganure abarengana nkuko mwabirahiriye mushobora kutabona iyi message arko harahari bibaye ngombwa twababwira

Papa Eliane Kuya 7-06-2019

Igisubizo ngewe sinzicyaricyo ariko ndahamya ko aricya politique ataricyabacamanza. Abacamanza bacu ni rwo rwego rurihasi kurushizindi mu Rwanda. Ntibigenga. kandi tuzi neza ko hari inzego zigenga.

Evariste Kuya 6-06-2019

Igisubizo ntegereje Nziko aricyo

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...