konka coffee
KONKA

AMAKURU

UKWEZI

Abahize abandi mu marushanwa y’imivugo isingiza Intwari bagiye gutorwamo abazahembwa

Abahize abandi mu marushanwa y’imivugo isingiza Intwari bagiye gutorwamo abazahembwa
22-01-2019 saa 16:20' | By Chief Editor | Yasomwe n'abantu 651 | Ibitekerezo

Urwego rushinzwe Intwari z’Igihugu, Imidari n’Impeta by’Ishimwe, rwamaza gusuzuma iby’ibanze byavuye mu marushanwa y’Imivugo isingiza Intwari z’u Rwanda ikanamamaza indangagaciro z’umuco w’ubutwari, aho abantu icumi ba mbere bagiye gutoranywamo batatu ba mbere bazahembwa ibihembo bishimishije.

Mu gihe twitegura kwizihiza umunsi w’Intwari z’igihugu uzaba tariki 1 Gashyantare 2019, Urwego rushinzwe Intwari z’Igihugu, Imidari n’Impeta by’Ishimwe (CHENO) rurimo gukoresha aya marusha mu rwego rwo kurushaho gukora ubukangurambaga no gufatanya n’izindi nzego kwigisha umuco w’ubutwari mu banyarwanda cyane cyane urubyiruko.

Aya marushunwa yatangiye tariki 2 Mutarama 2019, aho abarushanwa babanje kujyana imivugo yabo ku cyicaro cya CHENO i Remera cyangwa ababishoboye bikoherezwa hakoreshejwe ikoranabuhanga kuri email.

Ibihangano byatanzwe byatoranyijwemo imivugo 10 myiza hanyuma abayihanze ubu bakaba batumiwe ngo tariki 24 Mutarama 2019 bazanayivuge mu rwego rwo guhuza ubwiza bw’ibiyikubiyemo n’uburyo bwo kuyigeza ku bantu, hanyuma muri abo 10 hakazatoranywamo batatu ba mbere bazahembwa.

Aba nibo batoranyijwe ngo bazakomeze kurushanwa hashakwamo batatu ba mbere

Uwa mbere azahembwa amafaranga y’u Rwanda 500.000 anageze umuvugo we ku bazitabira igitaramo gisingiza Intwari z’igihugu tariki 31 Mutarama 2019, uwa kabiri azahembwa 300.000 naho uwa gatatu ahembwe 200.000. Ibihembo bizatangirwa muri icyo gitaramo gisingiza Intwari z’igihugu.

Umuvugo mwiza uzaba witezweho kuba wumvikanamo kurata no gusingiza Intwari z’u Rwanda mu byiciro byazo, kuvuga ibikorwa byaranze Intwari z’u Rwanda n’icyo buri Munyarwanda cyane cyane urubyiruko bakwiye kwigira ku ntwari. Uzaba werekana kandi indangagaciro z’ubutwari, wumvikanamo kwigisha, gususurutsa unafite injyana inogeye amatwi, ukaba unakozwe mu Kinyarwanda kinoze urimo n’ubuhanga mu buvangazo.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...