konka coffee
KONKA

AMAKURU

UKWEZI

Adeline Rwigara ngo yararembye, Diane Rwigara yitabye wenyine ntiyaburanishwa

Adeline Rwigara ngo yararembye, Diane Rwigara yitabye wenyine ntiyaburanishwa
7-11-2017 saa 08:56' | By Chief Editor | Yasomwe n'abantu 23859 | Ibitekerezo 8

Kuri uyu wa Kabiri tariki 7 Ugushyingo 2017, Diane Rwigara yitabye urukiko rukuru ngo aburanishwe mu bujurire ku bijyanye n’ifungwa n’ifungurwa ry’agateganyo, nyuma y’uko yari yakatiwe gufungwa by’agateganyo iminsi 30 mu gihe iperereza ku byaha akurikiranyweho rikomeje. Yitabye urukiko atambaye imyenda ye isanzwe, kuko noneho yari yambaye impuzankano y’ibara ry’irosa yambarwa n’ifungwa.

Kuwa Mbere tariki 23 Ukwakira 2017, nibwo hasomwe urubanza ku ifungwa n’ifungurwa ry’agateganyo, ruregwamo Mukangemanyi Adeline Rwigara, Uwamahoro Anne Rwigara na Diane Nshimiyimana Rwigara, umucamanza yemeza ko babiri mu baregwa bagomba gufungwa iminsi 30 y’agateganyo mu gihe iperereza rikomeje ngo hazabone gutangira kuburanisha urubanza mu mizi, naho umwe we asabirwa gufungurwa agakurikiranwa ari hanze.

Abacamanza bagaragaje ko Mukangemanyi Adeline Rwigara na Diane Nshimiyimana Rwigara, hari impamvu zikomeye zituma bakekwaho ibyaha bashinjwa n’Ubushinjacyaha kandi bakagaragaza ko ibisobanuro batanze bidafite ishingiro. Urukiko kandi rwagaragaje ko bashobora gutoroka cyangwa gusibanganya ibimenyetso. Byarangiye urukiko rutegetse ko aba bafungwa iminsi 30 y’agateganyo mu gihe iperereza rigikomeje. Aba bombi bahise bajuririra iki cyemezo. Ubujurire bwa Diane Rwigara, kuri uyu wa Kabiri nibwo bwaburanishijwe mu rukiko rukuru.

Mu iburanisha ryo kuri uyu wa Kabiri, Diane Rwigara yitabye urukiko atariki kumwe na nyina Mukangemanyi Adeline Rwigara. Me Buhuru Pierre Celestin wunganira Diane Rwigara nawe ntiyabonetse mu rukiko. Diane Rwigara yasabye urukiko ko urubanza rwasubikwa kuko ataburana atari kumwe n’umwunganira, kuko ngo yari afite urundi rubanza yagiyemo.

Me Gatera Gashabana wunganira Mukangemanyi Adeline Rwigara, we yageze mu rukiko avuga ko uwo yunganira arwaye, ndetse uregwa yanditse ibaruwa isobanura iby’uko atabonetse kubera uburwayi, ngo yararembye ntiyashobora kugera mu rukiko. Me Gatera yasabye ko nawe umukiriya we ataburanishwa kuko atabonetse, ko urubanza rwasubikwa.

N’ubwo urukiko rwasanze ibaruwa ya Mukangemanyi Adeline Rwigara atari ikimenyetso gihagije cyerekana uburwayi bwe ndetse n’Ubushinjacyaha bukaba bwemeye ko urubanza rwasubikwa, Urukiko rwanzuye ko ruzaburanishwa tariki 16 Ugushyingo 2017.

Iburanisha ry’uyu munsi rimaze gusubikwa, Diane Rwigara yajyanywe mu modoka y’Urwego rw’imfungwa n’abagororwa

Abavandimwe be barimo Anne Uwamahoro Rwigara bari bafunganywe bari bari ku rukiko


INKURU ZA :
Tanga Igitekerezo
Ibitekerezo 8
Ambrose Kuya 10-11-2017

Urushize kera ruhinyuza intwari.intambara y’abagore nzaba mbarirwa!

joelle Kuya 7-11-2017

icyamuvuyeho ni umusatsi gusa.ntakindi.she looks strong always.

joelle Kuya 7-11-2017

icyamuvuyeho ni umusatsi gusa.ntakindi.she looks strong always.

Nkongolo Kuya 7-11-2017

Jye ikintu kinsetsa ni turiya duhungu tuba twumviriza tugendagenda iruhande rw’ abantu. Mbega akazi kabi.

jojo Kuya 7-11-2017

haha
nimwiza
tu

jojo Kuya 7-11-2017

haha
nimwiza
tu

Rukundo Lucky Brice Kuya 7-11-2017

aha nidanje

tom Kuya 7-11-2017

Ariko nimpamo y’Imana uyu mwana w’umukobwa ni mwiza!! Urabona ukuntu kabaye akanyarwandakazi nyabu!! Ndavuga Diane!!

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...