konka coffee
KONKA

AMAKURU

UKWEZI

Aho bizaba ngombwa gufata ibyemezo bikomeye tuzabifata- Perezida Kagame

Aho bizaba ngombwa gufata ibyemezo bikomeye tuzabifata- Perezida Kagame
16-12-2017 saa 19:05' | By Akayezu Jean de Dieu | Yasomwe n'abantu 1968 | Ibitekerezo

Perezida wa Repubulika y’u Rwanda akaba na Chairman w’Umuryango RPF Inkotanyi, Paul Kagame yavuze ko bihe bikomeye aho byasabye RPF gufata ibyemezo bikomeye hatigeze habaho gutinya anashimangira ko uyu muryango uzakomeza gufata ibi byemezo bikakaye aho bizaba ngombwa

Ibi Perezida Kagame yabigarutseho kuri uyu wa Gatandatu, ku cyicaro gikuru cya RPF Inkotanyi giherereye mu murenge wa Rusororo mu karere ka Gasabo mu Mujyi wa Kigali, muri Kongere y’iminsi yatangiye ku wa Kane w’iki Cyumweru tariki 14 Ukuboza ikaba iteganijwe gusozwa kuri uyu wa Gatandatu tariki 16 Ukuboza 2017.

Perezida Kagame yavuze ko uyu munsi hizihizwa imyaka 30 ishize Umuryango RPF Inkotanyi abereye umuyobozi ubayeho hari byinshi byagezweho ariko nanone urugendo rukiri rurerure, Kagame kandi yavuze ko mu rugendo rw’imyaka 30 Ishize habayeho ibibazo byinshi ndetse bimwe byasabaga uyu gufata ibyemezo bikakaye

Yagize ati “Mu myaka 30 tumaze, twageze kuri byinshi, ariko haracyari urugendo rwo kugera kuri byinshi twifuza birenze ibyo dufite. Muri iyi myaka 30 ariko twanahuye na byinshi twigiyemo, byaduhaye amasomo azakomeza no kutuyobora mu minsi iri imbere”

Yakomeje agira ati “Mu bihe bikomeye, aho byasabye RPF gufata ibyemezo bikomeye ntitwatinye. Tuzakomeza gufata ibyemezo nk’ibyo aho bibaye ngombwa. Ntabwo tuzatinya igufata mwene ibi byemezo bitubereye no guhangana n’ingaruka zabyo”

Perezida Kagame kandi yavuze ko urubyiruko rukwiye gukoresha imbaraga mu guteza imbere igihugu. Ati “Turasaba abato n’urubyiruko gukoresha imbaraga nyinshi mu guteza imbere igihugu cyacu. Turanasabasa kugira umuco w’ubwiyoroshye mu byo dukora byose kuko nibwo ibyo dukora bizaramba”

Yakomeje agira ati “Ibyiza by’u Rwanda tuzakomeza kubisangiza abandi Banyafurika. N’abandi banyafurika bagombye kubikora batyo bikaba urujya n’uruza. Nk’uko Abanyarwanda badutegerejeho byinshi, nta tandukaniro kuko n’abandi banyafurika, bateze byinshi ku banyafurika babo”

Perezida Kagame kandi yavuze ko abanyamuryango ba RPF Inkotanyi bakwiye guhira bazirikana ko intego nini z’uyu muryango ari izo kwibohora no guteza imbere abanyarwanda.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...