AMAKURU

UKWEZI
pax

Amashirakinyoma ku byavuzwe ko Minisitiri Bamporiki afite akabari gakora muri iki gihe utundi dufunze - VIDEO

Amashirakinyoma ku byavuzwe ko Minisitiri Bamporiki afite akabari gakora muri iki gihe utundi dufunze - VIDEO
20-10-2020 saa 10:51' | By Chief Editor | Yasomwe n'abantu 17695 | Ibitekerezo 10

Mu ntangiriro z’icyumweru gishize, ku mbuga nkoranyambaga hacicikanye amakuru y’uko Edouard Bamporiki, Umunyamabanga wa Leta muri Minisiteri y’Urubyiruko n’Umuco, yaba afite akabari gakora mu gihe utundi twafunzwe mu kubahiriza amabwiriza yo kwirinda icyorezo cya Coronavirus. Ibi byanashimangiwe n’umunyamakuru Byansi Samuel Baker wavuze ko yanakagiyemo agasanga koko gakora. Ku rundi ruhande ariko twasuye aha hiswe akabari, dusanga hitwa Hotel ndetse uhayobora agaragaza uburyo serivisi batanga banafitiye ibyangombwa ntaho zihuriye n’akabari.

Umunyamakuru Samuel Byansi Baker uri mu batangaje bwa mbere kuri Twitter ko Hon. Edouard Bamporiki afite akabari gakora utindi dufunzwe, yanabishimangiye mu kiganiro na Ukwezi TV aho yagize ati : "Kuri twitter navuze ko hari akabari kari gukora mu gihe cya Covid kandi k’umuyobozi. Nibyo ako kabari karakoraga, ubu sinzi nyuma y’uko mbivuze uko bimeze ariko karakoraga... Akabari ni aka Honorable Bamporiki, kari ku muhanda uva mu Busanza, karakora. Narahanyuze mbona abantu baricaye, ndinjira ndicara nanjye, ndangije mbona karakora, ntacyo bibabwiye. Kandi ikiba kibabaje, araza agasubira inyuma akaba ari we uvuga ngo abaturage bafunge utubari bose"

REBA VIDEO Y’IKIGANIRO CYOSE HANO :

Nyuma y’uko ibi bitangajwe na Samuel Byansi Baker, hari andi makuru yageze ku kinyamakuru Ukwezi avuga ko aho hantu hitwa Nyungwe Hotel, atari akabari ahubwo ari ahantu hatangirwa serivisi za hoteli kandi bikaba byemewe muri ibi bihe. Ninabyo byatumye umunyamakuru wacu agera aho bakorera mu Busanza mu murenge wa Kanombe mu karere ka Kicukiro.

Muri Nyungwe Hotel, hari amacumbi, ubusitani bwakira ibirori nk’ubukwe ndetse bakagira n’icyumba cy’inama cyangwa amahugurwa. Twanaganiriye kandi n’umuyobozi waho wadutangarije byinshi kuri serivisi bakora, anaboneraho kuvuga ko inyubako ari iza Bamporiki Edouard ariko hakaba hari umushoramari wundi ukoreramo utari uwo muyobozi. Gusa ngo abantu bakomeza kuhita kwa Bamporiki n’ubwo atari we ukoreramo.

IREBERE VIDEO IBIGARAGAZA BYOSE HANO :


INKURU ZA :
Tanga Igitekerezo
Ibitekerezo 10
kamanzi Kuya 28-10-2020

Honorable Bamporiki ni umurokore nta kabari yakora

kwitonda Kuya 22-10-2020

Ntago muzi abayobozi ibyobirirwa bikorahanzaha byasi ubworero abaye mubi koko avuze bacumugani go byihorere

uwimbabazi sylvia Kuya 22-10-2020

Nimuceceke mwebwe ibyomuvuga nimubizu

Senesbent Kuya 22-10-2020

Byansi ntabwo ari inkuru yashakaga gukora ahubwo we yari yarabuze uko amenyekana nyuma yuko afunzwe. Murumva kugira umuntu amenyekane akira cyangwa akavuga ibintu biterekeye nukuri.

Jm Kuya 21-10-2020

Ariko abantu b’amatiku mwagiye mureka kubaha umwanya wo kurangaza abantu. Ubu se ahera he yemeza ko akabari ari ak’uwo muyobozi ? Kwivugira gusa ! Ubwo urumva Hon. BAMPORIKI yakora ikosa nk’iryo ? Wapi azi ko byamukoraho

Francis Mugisha Kuya 21-10-2020

Ese iyumuntakodesheje inzu yawe business ayikoreramo zirakwitirirwa kuki iyingirwa munyamakuru yihutiye kutabaza akoresha izina rya Bampoliki nubugome nubujajwa cya nishyali afitiye uyu muyoboziI ibyaribyose byose nubugome burimo kandi ndizerako nuburere buke burimo

Musa Kuya 20-10-2020

ariko nkuwo munyamakuru aba yarize itangazamakuru kuburyo ahurutura ibigambo ashaka gusebya UMUYOBOZI. ubundi se uwahakodesheje ahagize akabari Bamporiki ntabimenye niwe byabarwaho afata ubukode bwe ni umugenzuzi w’abakodesha iwe. uwo si umunyamakuru ni umunyamatiku

Ernize Kuya 20-10-2020

Arikose uwa byansi ni umunyamakuru ? Ntamunyamakuru ukora ibyo yakoze, uku nugusebya iryo zina.

rwunguko Kuya 20-10-2020

ubwo two mute uranze uwawuteze natege undi

Lisa Kuya 20-10-2020

Ariko amatiku amashyari yabantu azabagezahe !?ubu Hon.Bamporiki muramutangiye kuko mubona yitwara neza mukazi !abanyamakuru weee !!!!bamwe bakwambika nurwababyaye ubusa kubera amagambo

IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA