konka coffee
KONKA

AMAKURU

UKWEZI

Bamwe mu bagororwa bakuwe muri gereza ya Kimironko nyuma y’imyigaragambyo bakoze

Bamwe mu bagororwa bakuwe muri gereza ya Kimironko nyuma y’imyigaragambyo bakoze
18-04-2017 saa 09:19' | By Chief Editor | Yasomwe n'abantu 6160 | Ibitekerezo

Imwe mu miryango y’abagororwa bari basanzwe bafungiwe muri gereza ya Gasabo iri ku Kimironko mu mujyi wa Kigali, ivuga ko ihangayikishijwe no kuba batazi aho abantu babo bimuriwe, nyuma y’uko ubuyobozi bw’amagereza mu Rwanda bufashe icyemezo cyo kwimurira bamwe muri aba bagororwa mu zindi gereza zitandukanye, icyemezo cyaje gikurikiye inkongi y’umuriro n’imyigaragambyo yabaye muri iyi gereza.

Mu mpera z’ukwezi gushize kwa Werurwe, gereza ya Kimironko yafashwe n’inkongi y’umuriro hanyuma hashize iminsi micye abagororwa baza kwigaragambya bavuga ko babangamiwe n’ubuzima babayemo, aho bavugaga ko batitabwaho ngo bahabwe ubutabazi bw’ibanze n’ubwo ubuyobozi bw’amagereza bwo bwemezaga ko bahawe imfashanyo zirimo ibikoresho by’ibanze.

Ikinyamakuru Rwanda Today gisobanura ko mu cyumweru gishize, hari amakamyo yashyizwemo abagororwa bamwe akabimurira mu zindi gereza zitandukanye mu gihugu, kuburyo hari imiryango yabo yagiye kubasura ikababura igahangayikishwa n’uko batazi aho abantu babo bagiye.

Umwe muri abo wari wagiye gusura umugabo we ufungiwe muri iyi gereza, yitwa Kankindi Mukamusoni. Yagize ati: "Twaje hano kuwa Gatanu tubona barimo kubimura. Ntabwo twakwemeza niba abantu bacu bakiri hano cyangwa niba baroherejwe ahandi, abayobozi bari batubwiye ko tuzagaruka ku Cyumweru. Tugarutse ku Cyumweru, nabwo batubwiye ko hari ibigikorwa n’ubuyobozi".

Gusa ubuyobozi bw’amagereza yo mu Rwanda bwo bwemeza ko abimuwe ari abagororwa bacye, na bo biganjemo abakekwaho kuba baragize uruhare mu myigaragambyo yabaye mu minsi ishize. CIP Sengabo Hillary, umuvugizi w’amagereza yo mu Rwanda, yavuze ko nyuma y’ibyabaye muri iyi gereza, hatangiye igikorwa cyo kugenda babimura. Gusa yahakanye iby’uko imiryango ifite abantu bafungiwe muri iyi gereza yahishwe aho abantu babo bimuriwe cyangwa ibijyanye no kumenya niba abantu babo bakiri muri gereza ya Kimironko.

JPEG - 112.1 kb

CIP Sengabo Hillary, umuvugizi w’amagereza yo mu Rwanda

Yagize ati: "Ubuyobozi bwa gereza bufite urutonde rw’abagororwa bimuwe n’aho bimuriwe. Ndashishikariza imiryango ifite abantu bari bafungiwemo kujya kubaza ubuyobozi bwa gereza, ntabwo ayo ari amakuru dushobora kwimana."

CIP Sengabo Hillary kandi yavuze ko ubuyobozi bw’urwego rw’amagereza mu Rwanda, rwamaze gutahura abagororwa bagize uruhare mu myigaragambyo iherutse kuba muri gereza ya Gasabo iri mu murenge wa Kimironko, kandi bakaba bagomba kuburanishwa kuri ibi byaha byabahama bakazahabwa ibihano biziyongera ku byo basanzwe bakurikiranyweho.

Uyu muvugizi w’amagereza yo mu Rwanda, CIP Sengabo Hillary, avuga ko abagororwa bagera kuri 39 byamaze gutahurwa ko ari bo ba nyirabayazana b’imyigaragambyo iherutse kuba muri gereza ya Kimironko, kandi ngo abenshi muri aba uretse kuba basanzwe bafite imyitwarire idahwitse, nta n’ubwo bari bagizweho ingaruka n’inkongi y’umuriro iherutse kuba.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
  • munyemana Muli 2 Petero 3:13,Bible yigisha ko dutegereje "Ijuru rishya n’Isi Nshya".Abantu benshi beza,"bazasigara" kandi bature mu isi ya Paradizo iteka ryose.Naho ababi bose bazakurwa mu isi,bapfe burundu.Bisome muli Imigani 2:21,22 na Zaburi 37:29.Abandi beza bazajya mu Ijuru,nibo bazategeka Isi izaba Paradizo.Bisome muli Daniel 7:27 na Ibyahishuwe 5:10.Gehinomu,ni Igiheburayo "Ge Hinnom",bisobanura "Ikibaya cya Hinnom",cyabaga hafi n’i Yeruzalemu.Bahoraga batwikiramo imyanda n’intumbi z’abantu,bakaba ivu.YESU yavuze ko abanyabyaha bazajya muli Gehinomu,ashaka kuvuga ko "bazapfa burundu ntibongere kubaho".Byari ikigereranyo cy’icyo kibaya.Muli Abaroma 6:23,Bible ivuga ko igihano cy’icyaha ari "URUPFU" rwa burundu,nta kongera kubaho.Ntabwo ari Umuriro utazima.Bigenda gute iyo dupfuye?Ese tujya mu Ijuru?Nta hantu na hamwe Bible yigisha ko umuntu upfuye aba yitabye imana.Dore uko Bible yigisha ku Rupfu.Upfuye ntabwo aba yumva (Umubwiriza 9:5).None se yakitaba imana gute kandi atumva?Umwuka Imana yashyize muli Adamu,ntabwo ari Roho itekereza nkuko benshi bibeshya.Ahubwo ni “neshamah “ mu Giheburayo (breath mu Cyongereza,Souffle mu Gifaransa).Uwo mwuka imana yashyize muli Adamu,siwo utekereza.Hatekereza “ubwonko gusa†.Umwuka uba mu mubiri wacu,ni imbaraga zidukoresha.Twabigereranya n’amashanyarazi akoresha Radio.Ntabwo rero umwuka wakitaba imana kandi “udatekereza†.Iyo dupfuye,uwo mwuka uragenda,nkuko amashanyarazi nayo agenda,RADIO ntiyongere kuvuga.Dore urugero rwiza rwerekana ko iyo dupfuye tutaba twitabye imana: Igihe Yakobo bamubwiraga ko umuhungu we witwaga YOZEFU yapfuye,ntabwo yavuze ko umwana we yitabye imana.Ahubwo yavuze ko azasanga umwana we mu gitaka (Itagiriro 37:35).Bible yigisha ko upfuye yakoraga ibyo imana idusaba,azazuka “ku munsi w’imperuka†,agahembwa ubuzima bw’iteka muli paradizo (Yohana 6:40).Ni Yesu ubwe wabivuze.Abantu bapfa biberaga mu byisi gusa,biba birangiye batazazuka kuko imana ibafata nk’abanzi bayo (Yakobo 4:4 ).Barabora bikarangira (Abagalatiya 6:8).

    ">Wakoze kutubwira Ijambo ry’Imana.Ariko reka nkosore bimwe mu byo wanditse.Ndasaba abasomyi (...)
  • IZINDI NKURU WASOMA
    Loading...