konka coffee
KONKA

AMAKURU

UKWEZI

Benjamin Mkapa wayoboye Tanzania yavuze igituma Kagame agirirwa icyizere n’amahanga

Benjamin Mkapa wayoboye Tanzania yavuze igituma  Kagame agirirwa icyizere n’amahanga
12-12-2017 saa 13:26' | By Akayezu Jean de Dieu | Yasomwe n'abantu 2472 | Ibitekerezo

Benjamin William Mkapa wigeze kuba Perezida wa Tanzania , yavuze ko bimwe mu bituma Perezida w’u Rwanda, Paul Kagame yuhabwa kandi akizerwa na Afurika ndetse n’isi yose muri rusange ari imiyoborere myiza, uburyo yitaye ku banyarwanda ndetse n’uburyo akomeje gukunda Abanyafurika n’umugabane wabo.

Benjamin Mkapa yagarutse kuri ubu butumwa mu kiganiro yahaye abitariye inama mpuzamahanga yiga ku kwibohora kwa Afurika, gutera imbere kwayo no kwihesha agaciro. Iyi nama iri mu bikorwa bitandukanye byateguwe bijyanye n’Isabukuru y’Imyaka 30 Umuryango RPF Inkotanyi umaze ubayeho.

Umuyobozi mukuru wungirije w’Umuryango RPF Inkotanyi, Christophe Bazivamo yavuze ko uyu munsi Abanyarwanda na Afurika muri rusange batakiri insina ngufi kandi ko ibihugu bya Afurika bikwiye kujya bisangira ubuyobozi hatabayeho kwiharira ku watsinze amatora mu rwego rwo kwirinda umwiryane udindiza iterambere rya Afurika.

Ubwo yatangizaga ku mugaragaro iyi nama mpuzamahanga, Visi Perezida w’Umuryango RPF Inkotanyi , Christophe Bazivamo yavuze ko kuva ku gihe cy’urugamba rwo kubohora u Rwanda kugeza ubu, RPF Inkotanyi yakomeye ku butumwa bwayo bugamije kugira Umunyarwanda umwe wiyumva mu gihugu cye no kuziririza amacakubiri aho ava akagera.

Benjamin William Mkapa wigeze kuba Perezida wa Tanzania ndetse akanayobora ishyaka Chama Cha Mapinduzi riri ku butegetsi muri Tanzania imyaka isaga 10, yashimiye cyane Perezida Kagame w’u Rwanda, kubw’imiyoborere myiza, uburyo yitaye ku banyarwanda ndetse n’uburyo akomeje gukunda Abanyafurika n’umugabane wabo ari nabyo byatumye abanyafurika bose bamuha icyubahiro.

Benjamin Mkapa yavuze ko RPF Inkotanyi ifite amateka akomeye ariko yo kwigirwaho n’andi mashyaka ya Afurika, avuga ko byose Kagame abigeraho kuko afite abaturage beza kandi bamufasha muri uru rugamba. Mkapa kandi yavuze ko amashyaka nka RPF na CCM (Chama Cha Mapinduzi) ajya kuba amwe n’ubwo RPF ifite umwihariko wo guhagarika Jenoside.

Yagize ati “RPF yararwanye kandi itsinda urugamba rwo kubohora igihugu, gushyira iherezo kuri Jenoside n’ ivangura iryo ariryo ryose, kuri ubu u Rwanda ni igihugu kiri gutera imbere nyuma ya Jenoside yahagaritswe na RPF Inkotanyi.”

Yunzemo ati “Gutsinda kwiza burya ni ubuyobozi bwiza, n’ubwo abasirikare bajya ku rugamba bakarwana ariko baramutse badashyigikiwe n’abaturage iyo ntsinzi ntabwo bayigeraho. Ibyagezweho biyobowe n’abanyarwanda bayobowe na Perezida Paul Kagame, ni urugero rwiza Afurika yagakwiye kwigiraho, ninayo mpamvu mushimira kuko burya RPF ntaho itandukaniye na CCM (Chama Cha Mapinduzi) haba mu rugendo rwo kubohora igihugu ndetse n’inzira y’iterambere gusa aho dutandukaniye ni uko u Rwanda rwahuye n’ibihe bibi bya Jenoside.”

Mkapa kandi yavuze ko ibihugu bya Afurika bidafite aho bizajya gukoroniza ahubwo icyo bikwiye gukora ari ugushyiraho uburyo bw’imikorere iteza imbere ubuzima bw’abaturage b’ibihugu byabo na Afurika muri rusange.

Benjamin William Mkapa wigeze kuba Perezida wa Tanzania

Umuyobozi mukuru wungirije w’Umuryango RPF Inkotanyi, Christophe Bazivamo

Iyi nama kandi yitabiriwe na Madamu wa Perezida wa Repubulika w’u Rwanda, Jeannette Kagame

AMAFOTO:Bunani Janvier


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...