konka coffee
KONKA

AMAKURU

UKWEZI

Dr Kaberuka yavuze uburyo RPF yirinze kuba nka Dawidi na Goriyati

Dr Kaberuka yavuze uburyo RPF yirinze kuba nka Dawidi na Goriyati
15-12-2017 saa 11:44' | By Akayezu Jean de Dieu | Yasomwe n'abantu 1243 | Ibitekerezo 1

Dr Donald Kaberuka, Impuguke muby’ubukungu akaba yarigeze no kuba umuyobozi wa Banki Nyafurika itsura Amajyambere (BAD), akaba n’umwarimu muri Kaminuza ya Havard, yavuze ko kuva mu mwaka w’i 1990 ubwo RPF Inkotanyi yatangiraga urugamba yirinze umuco wo kuba aka Dawidi na Goriyati maze ishyigikiye ubufatanye no gukorera hamwe.

Ibi yabigarutseho kuri uyu wa Gatanu tariki 15 Ukuboza 2017, ku munsi wa kabiri w’inama nkuru y’Umuryango RPF Inkotanyi, iri kubera ku cyicaro gikuru cy’umuryango,i Rusororo mu karere ka Gasabo mu Mujyi wa Kigali.

Dr Kaberuka wagarutse cyane ku kuba n’ubwo hari byinshi u Rwanda rutarageraho ngo abanyarwanda bakwiye kwiyumvamo ubushobozi bwo kubigeraho,mazze abihuza n’uburyo muri za 1993 yigeze kumva uwari Perezida w’u Rwanda icyo gihe abazwa impamvu u Rwanda rudafite televiziyo maze asubiza ko u Rwanda rukennye rudafite ubushobozi. Yanavuze ko bidakwiye ko Abanyarwanda bumva ko badashoboye n’ubwo hari ibyo tudafite dukwiye guharanira kubigeraho.

Agaruka ku buryo Isi na Afurika byari bimeze ubwo RPF yatangiraga urugamba muri 1990, Dr Kaberuka yavuze ko Afurika yari igeze ahantu imyumvire yari ikiri hasi aho wasangaga n’amahanga avuga ko atari uko Abanyafurika badashoboye ko ahubwo ari imyumvire iri hasi cyane.

Dr Kaberuka yagarutse ku nama yigeze kubera mu Bufaransa ahitwa La Bone, yahuzaga Perezida w’Abafaransa n’ibihugu bya Afurika hagamijwe kureba icyo Afurika yakorerwa, ibintu we abona ko byabaga bisa no gufata Abanyafurika nk’aho ntacyo bakwishoboza ubwabo.

Dr Kaberuka yavuze ko mu myaka 30 RPF ibayeho yafashe ubutegetsi muri 1994, ariko yagerageje gukemura ibibazo byose bijyanye n’imyumvire, ikindi kandi uyu muryango ngo wari ufite ingamba zo kugira Abaturage bamwe hatabayeho guheza.

Yagize ati “[...] RPF yakoze ibintu byinshi ariko hari ibintu birimo guhindura imyumvire y’abanyafurika muri rusange, icya mbere kwari ukuvuga ngo dufite ikibazo ariko ntabwo dushaka kwikubira n’ubwo dufite ibibazo byacu ariko reka dukorane.Ikindi kintu mbona RPF yagizemo uruhare rukomeye, abantu bari hano basoma Bibiliya, u Rwanda rwanze kuba aka Dawidi na Goliyati,muzi uko byagenze igihe Dawidi na Goliyati barwana? Abanyafurika bashaka kumera nka Dawidi na Goliyati

Francis Gatare yavuze ko mu myaka 30 Ishize RPF yabayeho mu bihe Afurika yari ifite ibibazo bikomeye harimo n’uko hari haradutse icyorezo cy’agakoko gatera Sida ari na kimwe mu byo RPF Inkotanyi yagombaga guhangana nabyo kugira ngo igire abaturage bazima kandi bafite ubuzima bwiza.

Yagize ati “RPF yatangiye igamije kugira ngo ibitekerezo byabo bishingiye ku guhuza abanyarwanda bose, ibyo kandi byajyanye n’uko RPF yagombaga kwishakamo ibisubizo, Ikindi kandi ni uko icyo gihe isi cyane cyane muri Afurika twari twugarijwe na Virus itera Sidaku buryo uwayanduraga yabaga aziko ubuzima burangiye"

Yakomeje agira ati “RPF yari izi ko umutungo u Rwanda ruzubakiraho ari abaturage ndetse haje andi mahitamo y’uko RPF yagombaga kumenya ko igomba kurinda abaturage indwara ikagira abanyamuryango bazima bafite ubuzima bwiza”


INKURU ZA :
Tanga Igitekerezo
Ibitekerezo 1
Ndaya Kuya 17-12-2017

Kaberuka izabaze neza ndumva 1993 u Rwanda rwari rufite TV.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...