konka coffee
KONKA

AMAKURU

UKWEZI

Eng. Didier Sagashya afunganywe n’abandi bakozi babiri b’Umujyi wa Kigali

Eng. Didier Sagashya afunganywe n’abandi bakozi babiri b’Umujyi wa Kigali
17-11-2017 saa 10:39' | By Chief Editor | Yasomwe n'abantu 5997 | Ibitekerezo 1

Eng Didier Sagashya wari umaze amezi macye ari Umunyamabanga Nshingwabikorwa w’Umujyi wa Kigali, arafunzwe nyuma y’uko yirukanywe burundu kuri aka kazi kubera imyitwarire mibi nk’uko byanzuwe n’Inama Njyanama y’Umujyi wa Kigali. Afunganywe kandi n’abandi bakozi babiri basanzwe bakorera Umujyi wa Kigali.

Inama Njyanama y’Umujyi yateranye kuri uyu wa Kabiri tariki 14 Ugushyingo 2017, niyo yanzuye ko Eng. Didier Sagashya wari Umunyamabanga Nshingwabikorwa w’Umujyi wa Kigali, ahagarikwa ku mirimo ye kubera imyitwarire mibi yagiye imuranga akihanangirizwa ariko ntiyisubireho.

Mu myitwarire mibi ashinjwa, harimo gusuzugura inzego z’ubuyobozi bakoranaga ndetse no kuba yaraciye amadosiye y’Umujyi wa Kigali ajyanye n’imyubakire nk’uko byatangajwe na Athanase Rutabingwa, Perezida wa Njyanama y’Umujyi wa Kigali, mu kiganiro n’Ikinyamakuru Ukwezi.com

Rutabingwa yabwiye Ukwezi.com ko Eng. Didier Sagashya yategetse abakozi yayoboraga kujya mu biro by’undi mukozi w’Umujyi wa Kigali atabizi, bagaca impapuro zijyanye n’iby’imyubakire mu mujyi wa Kigali. Nyuma yo yaje kubyemera anabivuganaho na Meya w’Umujyi, amusaba ko ahana abo bakozi ariko amara ibyumweru bibiri ntacyo abikozeho, abajijwe avuga ko aho kubahana azemera akegura ku mirimo ye, ibintu Rutabingwa avuga ko ari amakosa adashobora kwihanganirwa.

Umuvugizi Mukuru wa Polisi y’u Rwanda, ACP Theos Badege, yemereye Ikinyamakuru Ukwezi.com ko Eng Didier Sagashya afunganywe n’abakozi babiri b’Umujyi wa Kigali, abo bakaba ari Merard Mpabwanamaguru na Twahirwa Enos. Aba bose bakurikiranyweho icyaha cyo kuzimangatanya ibimenyetso no konona inyandiko kigaragara mu ngingo.

JPEG - 90.7 kb

Umuyobozi ushinzwe gukurikirana ibikorwa ry’igishushanyo mbonera mu Mujyi wa Kigali, Merard Mpabwanamaguru

Ingingo ya 571 mu gitabo cy’amategeko ahana ibyaha mu Rwanda ivuga ko gutwika, kurigisa, guhisha cyangwa kwangiza ku buryo ubwo ari bwo bwose inyandiko ya Leta cyangwa bwite cyangwa ikindi kintu cyashoboraga koroshya itahurwa ry’icyaha, imenyekana ry’abatangabuhamya cyangwa ihanwa ry’abakoze icyaha.

Uwakoze iki cyaha ahanishwa igifungo kuva ku mwaka umwe kugeza ku myaka itatu n‘ihazabu y’amafaranga y’u Rwanda kuva ku bihumbi magana atatu kugeza kuri miliyoni imwe.

Ingingo ya 609 yo ivuga ko umuntu wese uhimba cyangwa uhindura mu buryo ubwo ari bwo bwose inyandiko, ashyiraho umukono cyangwa igikumwe bitari byo, yonona inyandiko cyangwa imikono, asimbuza abantu abandi, ahimba amasezerano, imiterere y‟ingingo zayo, igitegetswe gukorwa cyangwa icyarangije kwemeranywa, ahanishwa igifungo kirenze imyaka itanu kugeza ku myaka irindwi n’ihazabu y‟amafaranga y’u Rwanda kuva ku bihumbi magana atatu kugeza kuri miliyoni eshatu.

Eng Didier Sagashya wahoze ari Umuyobozi Mukuru w’Ikigo cy’igihugu gishinzwe imyubakire (RHA) kuva muri Kanama 2015, hagati muri Gashyantare uyu mwaka nibwo yatsindiye kuba Umunyamabanga Nshingwabikorwa w’Umujyi wa Kigali asimbuye Matabaro Jean Marie wari Umunyamabanga Nshingwabikorwa w’Umujyi wa Kigali kuva muri 2010, akaza kwandika ibaruwa isezera kuwa 6 Gashyantare 2017.


INKURU ZA :
Tanga Igitekerezo
Ibitekerezo 1
elie Kuya 17-11-2017

rwose abo bose bafata akazi bakakagira akarima kabo bagakora uko bishakiye baba bakwiye gukurikiranwa./ reka ubutabera bukore ibikwiye

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...