konka coffee
KONKA

AMAKURU

UKWEZI

Gen. James Kabarebe yahishuye ibibazo 4 urubyiruko rwa none rugomba guhangana nabyo

Gen. James Kabarebe yahishuye ibibazo 4 urubyiruko rwa none rugomba guhangana nabyo
26-11-2017 saa 13:23' | By Akayezu Jean de Dieu | Yasomwe n'abantu 4097 | Ibitekerezo 1

Minisitiri w’Ingabo mu Rwanda , General James Kabarebe yavuze ko hari imbogamizi zigera kuri enye urubyiruko rw’u Rwanda rwa none rufite harimo kuba benshi muri bo baravutse nyuma ya Jenoside ikindi kandi bakaba barakuriye mu buyobozi bwa Perezida Kagame basabwa kwitegura neza kugira ngo bazamuheshe ishema ubwo azaba yavuye ku mirimo ye akayibasigira.

Ibi ni ibikubiye mu butumwa Minisitiri Kabarebe yahaye abitabiriye inama nkuru y’urugaga rw’urubyiruko rushamikiye ku rugaga rw’Umuryango wa RPF Inkotanyi yabaye kuri iki cyumweru tariki 26 Ugushyingo 2017, i Rusororo ku kicaro gikuru cy’Umuryango RPF Inkotanyi.

Ubwo yabazwaga ibibazo ku bijyanye n’uburyo abona urubyiruko rw’ejo hazaza ndetse na zimwe mu nzitizi rukunze guhura nazo mu iterambere, Minisitiri Kabarebe yavuze ko uyu munsi wa none urubyiruko rw’u Rwanda rufite ibibazo bine kuri we avuga ko ari imbogamizi zikomeye kandi zitagomba kubuza urubyiruko gukora rujya mbere mu iterambere.

Ku ikubitiro, Minisitiri Kabarebe yavuze ko kuba urubyiruko rw’uyu munsi rwaravutse nyuma y’uko u Rwanda rubohorwa ari ikibazo gikomeye cyane ko urubyiruko rusabwa gukoresha imbaraga nyinshi kugirango rubashe gusigasira uko kubohorwa kw’igihugu cyabo. Aha kandi Minisitiri Kabarebe yavuze ko hari icyizere cyane ko urubyiruko rw’u Rwanda rufite inyota yo kubaka igihugu kandi rukaba rufite na Nyakubahwa Paul Kagame ubashyigikiye.

Ikindi kibazo Minisitiri Kabarebe yavuze urubyiruko rufite kuri ubu nk’imbogamizi ni uko ari urubyiruko rwa nyuma ya Jenoside, aho yavuze ko urubyiruko rusabwa kumenya ngo ni uruhe ruhare rwacu mu kubaka igihugu cyasenywe na Jenoside yakorewe Abatutsi?

Indi mbogamizi ikomeye yagaragajwe na Minisitiri Kabarebe ni ukuba ari urubyiruko rukuriye mu miyoborere ya Perezida Paul Kagame aho urubyiruko rufite inshingano zo kumenya iba koko rwiteguye gukomeza umurage azarugira kugira ngo igihe azaba yavuye kuri izi nshingano amaze kugera mu zabukuru atazicuza ndetse akifuza gusubira mu bihe bye bya hise kugira ngo yongere ayobore u Rwanda kuko azaba abona abo yasigiye inshingano byabananiye. Aha niho Kabarebe yahereye asaba urubyiruko kwitoza no gutegura kuzagera ikirenge mu cya Perezida Kagame.

Ikindi Kabarebe yavuze ko urubyiruko rufite inshingano zo gusigasira ibyagezweho ariko ikba kandi ikaba ari n’imbogamizi cyane ko basabwa kubikorera no gukora cyane kugirango u Rwanda rwa none isi yose ibona nk’igihugu kiri mu iterambere, kiri munzira nziza bitazaba ikibazo gikomeye ubwo rwa Rwanda rwari rushaka kuba igihangange mu bukundu n’imibereho myiza y’abaturage bitazasubira inyuma.

Minisititi Kabarebe yavuze kandi ko hari n’izindi mbogamizi zitazigera zihinduka abanyarwanda by;umwihariko urubyiruko rugomba gukoreramo.

Ati “Hari Ingengabitekerezo ya Jenoside, kuba Jenoside yarabaye mu Rwanda hakabaho ingengabitekerezo yahembewe mu banyarwanda ikanashyirwa mu bikorwa, rero mwiteguye gute guhangana. Ikindi ni Ingengabitekerezo ya Jenoside iri ku isi hose kuko yarenze imipaka y’u Rwanda, kuko abayihembereye n’abayiteguye bari ku isi hose duhora duhanganye nabo n’ubu baracyakomeje iyo ngengabitekerezo yabo.”

Yakomeje agira ati “Ibyo tuzabyaza mu gihugu ntabwo ari byinshi cyane, ariko ikibazo dufite ni aho dutuye ntabwo tugera ku Nyanja, kugira ngo tugere ku Nyanja tugomnba kubana neza n’ibihugu duturanye nukuvuga ko aho dutuye hagati ni imbogamizi kandi tugomba kubana nayo, ndetse ntihagarike umuvuduko wacu, icyo dufite ariko ni mwebwe urubyiruko, ni imyumvire, nta munsi n’umwe RPF itahuye n’imbogamizi ariko imbogamizi nizo ziduha imbaraga namwe rero izo mbogamizi zirabareba”

Minisitiri w’Ingabo, General James Kabarebe yasoje avuga ko ubutumwa bw’umwihariko ku rubyiruko rwa RPF Inkotanyi n’urubyiruko rw’u Rwanda ni uko bafite amahirwe y’ababitangiye aribo RPA yabohoye u Rwanda kandi bakaba bafite ubuyobozi bwiza buyobowe na Perezida Kagame.


INKURU ZA :
Tanga Igitekerezo
Ibitekerezo 1
Ahimana Fidele Kuya 26-11-2017

Twubake.Urwanda dusigasira ibyagezweho

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...