konka coffee
KONKA

AMAKURU

UKWEZI

Habyarimana yatorewe kuba Meya wa Rubavu asimbura Sinamenye weguye nyuma yo gufungwa

Habyarimana yatorewe kuba Meya wa Rubavu asimbura Sinamenye weguye nyuma yo gufungwa
17-11-2017 saa 12:42' | By Chief Editor | Yasomwe n'abantu 5607 | Ibitekerezo 2

Habyarimana Gilbert, ni we watorewe kuba Umuyobozi mushya w’akarere ka Rubavu, nyuma y’uko uwakayoboraga mu minsi ishize yeguye kuri aka kazi, icyemezo yafashe nyuma y’igihe gito afunzwe. Aya matora ya Meya mushya wa Rubavu, yabaye kuri uyu wa Gatanu tariki 17 Ugushyingo 2017.

Gilbert Habyarimana yagize amajwi 210 naho uwo bahatanaga agira amajwi 20, amajwi agera ku 10 aba imfabusa, mu gihe inteko itora yari igizwe n’abajyanama 240. Ni umuyobozi mushya w’akarere ka Rubavu, gakunze kurangwaho kuba katarambana umuyobozi w’akarere ukurikije ibyagiye bigaragara ku bamubanjirije. Asimbuye Sinamenye Jeremie wari uherutse kwegura.

Habyarimana Gilbert ni we watorewe kuyobora Akarere ka Rubavu ku majwi 91,2 %

Sinamenye Jeremie wahoze ari umuyobozi w’akarere ka Rubavu, yeguye ku mirimo ye no muri njyanama y’aka karere tariki 29 Kanama 2017 nyuma y’igihe gito afunguwe, dore ko mu gihe cyo kwiyamamaza ku bahataniraga umwanya wa Perezida wa Repubulika, yafunzwe akurikiranyweho kubangamira bamwe mu bakandida.

Sinamenye Jeremie yari yaragiye kuri uyu mwanya tariki ya 29 Gicurasi 2015, asimbuye Sheikh Bahame Hassan wegujwe kuwa 27 Werurwe 2015, uyu nawe akaba yari yavuye ku buyobozi akurikiranyweho ibyaba bifitanye isano na ruswa.

Sinamenye Jeremie wari umaze imyaka ibiri ayobora akarere ka Rubavu, mbere yo kuba Meya yahoze ari umwarimu, akaba yari n’umuyobozi w’Urwunge rw’Amashuri Gatolika rwa Kanama ruherereye muri aka karere ka Rubavu.


INKURU ZA :
Tanga Igitekerezo
Ibitekerezo 2
Arex Kuya 21-11-2017

Uyu nawe Gereza irafunguye 2

rui Kuya 17-11-2017

Bose nabo kuturya imitsi gusa,abayobozi binzego zibanze wajyirango babyawe numubyeyi umwe ,guhera mukarere kumanura nibamwe kbsa .

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...