konka coffee
KONKA

AMAKURU

UKWEZI

Hagaragajwe uburyo abagore n’abakecuru bagize uruhare mu rugamba rwo kubohora igihugu

Hagaragajwe uburyo abagore n’abakecuru bagize uruhare mu rugamba rwo kubohora igihugu
2-12-2017 saa 13:09' | By Akayezu Jean de Dieu | Yasomwe n'abantu 895 | Ibitekerezo

Madamu Oda Gasinzigwa wahoze ari Minisitiri w’Uburinganire n’Iterambere ry’Umuryango mu Rwanda, kuri ubu akaba ari Umudepite uhagarariye u Rwanda mu Nteko Ishinga Amategeko ya Afurika y’Uburasirazuba (EALA) yavuze ko kuva ku munsi wa mbere w’itegurwa ry’urugamba rwo kubohora igihugu ndetse no ku rugamba abagore bafatanyije n’abagabo muri uru rugamba kandi n’abasigaraga inyuma nabo bagize uruhare rukomeye harimo n’abakecuru basigaraga ku rugo bafashe iry’iburyo abandi bari gusengera abana babo n’abuzukuru bagiye ku rugamba.

Oda Gasinzigwa yakomoje kuri aya mateka kuri uyu wa Gatandatu tariki 02 Ukuboza 2017, Ubwo yatangaga ikiganiro cyari gifite umutwe uvuga ngo ‘Uruhare rw’umugore mu kubohora igihugu no kubaka u Rwanda twifuza’, Iki kiganiro kibanze cyane ku kugaragaza ubwitange n’uruhare umugore yagize ku rugamba rwo kubohora igihugu ndetse no kugaragaza aho umugore ageze uyu munnsi n’uburyo ahabwa ijambo ugereranije na Leta zabayeho mu Rwanda mu bihe byashize.

Iki kiganiro cyayobowe n’umunyamakuru Sandirina Isheja wa Kiss Fm cyari kirimo Oda Gasinzigwa, umudepite uhagarariye u Rwanda mu muryango wa Afurika y’Iburasirazuba, Guverineri w’Intara y’Amajyepfo, Mureshyankwano Marie Rose ndetse na Rwiyemezamirimo w’umugore ufite kompanyi ikora ibijyanye no gutunganya amazi, Kwizera Christella.

Madamu Oda Gasinzigwa wagarutse cyane ku ruhare umugore yagize ku rugamba rwo kubohora igihugu, yavuze ko bitari byoroshye mu gihe cyo kubohora igihugu ariko nanone avuga ko Nyuma ya 1990, imishyikirano imaze kunanirana, nta yindi nzira yari ihari uretse gutabara igihugu, kubohoza igihugu, kandi nta mahitamo abanyarwanda bari bafite uretse kongera gusubira mu gihugu cyabo aho yavuze ko kuva ku ikubitiro umugore atigeze asigara inyuma nawe yafatanije n’abandi muri uru rugamba.

Yagize ati “Kuva ku ikubitiro umugore yari kumwe n’abandi haba mu itegurwa ry’urugamba rwo kubohora igihugu icyo gihe habaho kuganira kubera ko RPF yari igizwe no kuganira, umugore rero yajyanye n’abandi rugikubita”

Yakomeje agira ati “Abagore bagiye no ku gikorwa gikomeye kijyanye no gushaka uburyo, kuko icyo gihe nta byo kurya nta n’indi mibereho, abagore badodaga imyenda yo mu budodo kugira ngo babigurishe babone ibyo kurya boherereza abari ku rugamba”

Yongeyeho ati “Abagore rero bahakoze akazi kanini, kuko nab a nyogokuru basirgaraga ku rugo bafashe iry’iburyo bagasigara basenga, abagiye ku rugamba ba bana b’abakobwa bafashe imbunda bararasa, abo bandi batagiye gufata imbunda, hariho abasigaye bakora akazi kanini. Muzi abasirikare bakomerekeraga ku rugamba, muzi abagore batangaga care (bakita kuri abo bakomeretse)”.turatekereza abagiye ku rugamba ariko hari abari bakiri bato, basigaranye abana bato ariko ntabwo bigeze bahemukira abagabo babo, ntabwo basigaye inyuma ngo biyandarike, ngo bakoze isoni abagabo babo, abo duha ayo manota, bari n’abayobozi agomba gukora akazi agatanga raporo akareba n’umuryango”

Oda yavuze ko ibintu bitari gukorwa mu kajagari, ati ‘kuva ku ikubitiro RPF yahoze ifite gahunda yo kudaheza, bavugaga bati ‘Abagore barihe, urubyiruko ruri he? Urumva ko no mu buyobozi abagore bari barimo

Mu bukangurambaga higishwaga ukwitanga, ubunyangamugayo, ibyo byose rero umugabo n’umugore babigizemo uruhare.

Agaruka ku cyateraga aba bagore imbaraga n’umuhate Madamu Oda Gasinzigwa yavuze ko ubuyobozi bwa FPR Inkotanyi bwahoze buha agaciro umugore kandi bukumva ibitekerezo yatangaga ari nayo politiki ya FPR kugeza uyu munsi.
Yagize ati “Twari dufite ubuyobozi bwiza, ubuyobozi bwa RPF bwari bufite intego, burya n’ahadashobotse uyu munsi hazashoboka ejo, ikindi kandi hari n’ubufatanye. Hari ikintu nibuka gikomeye cyane amahame y’umuryango n’imyitwarire myiza, ayo mahame rero yatumaga n’ahashobora kuba ibibazo hari ukuntu abayobozi basubiza ibintu kuri gahunda, ikindi kandi gukorera hamwe no kutikunda”

Oda Gasinzigwa yasoje agira ati “Mu ngingo umunani zatumye Umuryango FPR Inkotanyi ubaho zarimo gusubiza igihugu abanyarwanda ndetse nyuma haza kuzaho n’iya cyenda yo guhagarika Jenoside yakorewe Abatutsi, izi zose kuri ubu hizihizwa imyaka 30 zagezweho”

Guverineri w’Intara y’Amajyepfo, Mureshyantwari Marie Rose yavuze ko yavukiye muri iki gihugu akagikuriramo ariko mbere ya Jenoside, umugore nta gaciro yari afite nta jambo , ndetse n’iyo umwana w’umukobwa yatsindaga amashuri afite n’amanota meza ntiyajyaga kwiga, abagore kandi barahohoterwaga agaharikwa ntagire kivugira.
Guverineri kandi yashimye cyane abashinze FPR Inkotanyi bo bahaye ijambo umugore kuri ubu umugore akaba agira uruhare rukomeye mu kubaka igihugu cye adahejwe.

Rwiyemezamirimo Kwizera Christella yavuze ko amahirwe agira ari uko atigeze abuzwa amhirwe yo kwiga kandi ngo yakuranye na musaza we bose bajya kwiga biga na kaminuza avuga ko amahirwe yagize muri iki gihugu ari uko yarakuriye muri iki gihugu kitavutsa umukobwa uburenganzira kandi igihugu gifite umutekano n’indangagaciro


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...