konka coffee
KONKA

AMAKURU

UKWEZI

Hari Abanyarwanda bagaragaje ko Trump wise ibihugu bya Afurika ’IMISARANE’ afite ukuri

Hari Abanyarwanda bagaragaje ko Trump wise ibihugu bya Afurika ’IMISARANE’ afite ukuri
22-01-2018 saa 16:26' | By Karegeya Jean Baptiste | Yasomwe n'abantu 7697 | Ibitekerezo 19

Impuguke n’abasasenguzi mu bya Politiki haba muri Afurika no mu karere muri rusange bakomeje kugenda bagaragaza ibitekerezo byabo ndetse n’uko bakiriye imvugo iherutse gukoreshwa na Perezida wa Leta Zunze Ubumwe za Amerika, Donald Trump aho yagereranyije igihugu cya Haiti, El Salvador ndetse n’ibihugu bya Afurika n’Imisarane (Shitholes).

Abahanga mu bya Politiki hano mu Rwanda bakomeje kugaragaza ko hari bimwe mu bituma Abanyafurika batumva ubabwiye nabi cyangwa uberetse ko atabashaka, aho ku isonga haza ; Green card, yirukirwa na bamwe mu bize, abacuruzi n’abari mu nzego z’ubuyobozi, ikindi izi mpuguke zishyira mu majwi ni Uburezi, aho higishwa amateka n’ubumenyi kuri Amerika n’Uburayi kurusha kwigisha ibireba Afurika.

Ikindi kandi ngo imyumvire y’abanyafurika y’uko Amerika n’Uburayi ariho bigisha neza, bazi kuvura, hari kandi ngo n’Abanyapolitiki n’imiryango itari iya Leta, bagera mu myanya ntibavuge ngo badasubira aho bavuye.

Ibi ni bimwe mu byagarutsweho mu kiganiro ‘Urubuga rw’Itangazamakuru’ , gitambuka kuri Radiyo na Televiziyo Isango Star no ku ma radiyo y’abaturage arimo, Izuba, Ishingiro, Isangano na Huguka. Kikaba cyaratambutse kuri ki Cyumweru, tariki 21 Mutarama 2018, ahagarutswe ku bituma Afurika ikomeza gufatwa nk’umugabane ukiri inyuma imbere y’abazungu.

Abari batumiwe muri iki kiganiro ni Ngendahimana Ladilas , umwe mu baharanira agaciro n’iterambere rya Afurika, akaba n’Umukozi wa Minisiteri y’Ubutegetsi bw’igihugu mu Rwanda, na Muganwa Gonzague, Umunyamakuru akaba n’Umunyamabanga Nshingwabikorwa w’Ishyirahamwe Nyarwanda ry’abanyamakuru, ARJ.

Bagaruka ku ijambo rya Trump wagereranyije ibihugu bya Afurika, Haiti na El Salvador n’imisarane (shitholes), aba basesenguzi basanze ririmo ukuri Abanyafurika bagombye gufatira ingamba bityo bakikubita agashyi.

Green Card yahuruje intiti, abanyemari n’abayobozi

Mu kwiyumvisha ishingiro ry’ibyo Trump yavuze, Ladislas atangazwa n’Abanyafurika bashigukira Green Card (ikarita y’icyatsi), tombola ikorwa buri mwaka igamije guha uwayitsinze amahirwe yo kujya kuba muri Leta Zunze Ubumwe za Amerika.

Ngendahimana Ladislas ati “Trump ahera ku bantu babyiganira Green Card bava muri Afrika ngo bagiye kuba muri Amerika. Barimo abize (kuko utarize we ntiyemererwa), abacuruzi ndetse n’abari mu nzego z’ubuyobozi”.

Aha atanga urugero rw’umuntu wagurishije inzu ebyiri muri Kicukiro akajya kuba muri Amerika, nyuma y’umwaka ubuzima bwaho buramunanira agaruka mu Rwanda, atangirira kuri zeru.

Hari n’abatanze ingero za bamwe mu bayobozi b’imirenge bari muri iyi gahunda ya Green Card, ndetse ngo hari n’Umunyamabanga uhoraho muri Minisiteri imwe wicaranye iyi Green Card ngo igihe icyo aricyo cyose abe yajya kwibera muri USA.

Higishwa imisozi n’imigezi ya USA, kurusha ibyiza nyaburanga bya Afurika

Muri iki kiganiro, Ladislas yagaragaje ko atangazwa no kuba umunyeshuri wo mu Rwanda aba azi amashyamba n’imigezi yo muri Amerika, aho kumenya isoko ya Nil, Agahunga k’Abarashi cyangwa ibisi bya Benginzage.

Mu ntegenyanyigisho zo mu Rwanda, usangamo amazina y’abantu n’ahantu bitari ibyo mu Rwanda, aho gusangamo amazina nka Gashumba, Mutware n’andi cyangwa amazina y’ahantu nka Ngarama, Nyabarongo n’ayandi.

Ikindi kigaragaza ko Afurika nayo igira uruhare mu kwitesha agaciro, ni uko izo ntegenyanyigisho usanga zaranditswe n’abanyamahanga nk’aho Abanyarwanda n’Abanyafurika badashoboye kwandika.

Muganwa Gonzague ati “Mu mashuri yisumbuye twigaga ubuhinzi bwo muri Canada, tukamara igihembwe cyose, (…..), Nta bya Kawa (ikawa) ya Maraba cyangwa urutoki rwa Gatore”.

Akomeza agira ati “Iyo umuyobozi afashe umwana we wiga amashuri abanza akamwohereza kwiga muri Amerika, ubwo aba ayobora iki niba atabasha kubaka ishuri ribereye umwana we?”

Ikindi ni uko n’umwana wiga mu Rwanda usanga ashishikarizwa kumenya indimi z’amahanga, ururimi kavukire akaruvuga uko abonye.

Ubukoloni bwo mu mutwe, imyumvire nyafrica

Benshi mu bayobozi bo muri Afurika bashyirwaho ari uko Uburayi na Amerika babigizemo uruhare. Ikindi amakosa yo kugundira ubutegetsi agaragara kuri benshi mu bayobozi b’ibihugu bya Afurika.

Aha niho abatumirwa bashingira bavuga ko Abaperezida ba Afurika batitabiriye kugira icyo bavuga ku magambo ya Trump, bakabiharira abahagarariye USA muri Afurika.

Kuruca bakarumira, ni bimwe mu biranga benshi mu banyapolitiki bo muri Africa, baba badashaka kwikura n’aho bari bari.

Ladislas ati, “Abari mu mashyaka ya politiki, bahabwa imyanya bakumva ko bazamuwe mu cyiciro bakuwe mu kindi, bityo ntibavuge ngo badasubizwa muri cya kindi. Ni cyo kimwe n’abanyamadini n’imiryango itari iya Leta, ntacyo bavuga kuko bakura amafaranga mu banyamahanga, bakishimira nabo kuba mu cyiciro kimwe n’abategetsi ntibavugire abo mu byiciro byo hasi”.

Bimwe mu byo Trump yaba ashingiraho avuga ko Afurika ari nk’umusarane, ni uko bamwe mu bayobozi bayo bishimira kujya kuruhukira mu gihugu cye, bakoherezayo imiryango yabo, bakivurizayo, n’abagore babo niho bajya kubyarira.

Ku bwa Muganwa, ibi byagombye kuba bifatirwa ingamba, nk’uko byagenze mu Bushinwa, “Kwirinda kuzongera gusuzugurwa”.

Ati, “aAanyafrica bagombye gufata ingamba zihamye, bagahaha ubumenyi ariko baganisha mu kugira ishuri nk’iryo muri Amerika, ivuriro nk’iryaho”.

Urugero ni uko mu Bushinwa bakora ibintu byinshi, Muganwa ati, “Abashinwa baragendaga bakagura imashini muri Amerika, bakayishwanyaguza kugeza babonye uko ikoze, bagahita bayigana”.

Ukuri gushirira mu biganiro

Umwe mu bakurikiye ikiganiro, avuga ko Abanyafrica badakunda ibyabo, agatanga urugero rw’ukuntu muri kaminuza y’u Rwanda aho yigaga, batigeraga bareba televiziyo nyarwanda, bakareba iz’amahanga. Ati, “N’iyo wageragezaga kubisaba bagufataga nk’utazi iterambere”.

Uko biri kose, hari abasanga Trump yaravuze ukuri, n’ubwo yakuvuze yahuranyije. “Yavuze ibyo benshi batekereza, ariko batavuga”.

Ikindi ni uko bamwe mu bagana ibyo bihugu byateye imbere ngo baba bashaka umutekano urambye, kuko mu by’Afrika hatajya harenga imyaka 30 hatavutse akaduruvayo gaterwa n’abamaranira ubutegetsi.


INKURU ZA :
Tanga Igitekerezo
Ibitekerezo 19
Lebanon Kuya 29-01-2018

Ntibakavuge Africa ngo musimbukire abayobozi plz twese dufatikanye turebe uburyo Africa yaba Nziza dushyigikire H E Paul Kagame watorewe kuyobora Africa yunzubumwe gusiga ashyizeho icyerekezo Cyiza kuri Africa nabayituye.

Mukoti Kuya 24-01-2018

Uwumva ko Trump yavuze ukuri yibuke ko niba ibihugu ari imisarane, we ari ikiba mu musarane. niba abyemera ubwo nawe afite ibibazo.

Habumugisha peter Kuya 24-01-2018

Byose biterwa nubuyobozi bubi nawe se muzarebe igundira ryubutegetsi riba muri Afric yewe utibagiwe intambara ziziturukaho; kubura akazi kurubyiruko noe turenda tujya guterura ibyo munganda zabazungu arko iwacu tuhanze ? Trump numuntu wumusaza yavuze ukuri nawe se ngumuntu ni pres arko ugasanga igihugu ategeka atakibamo yibira iyo mubakire noe ngo babavuze nabi.

LUCLYN Kuya 23-01-2018

IBYO YAVUZE MUGIFARANSA NI TROUS DE MERDE.
NI MUSESENGURE TROUS DE MERDE.

luclyn Kuya 23-01-2018

ibya vugiwe mubiro bya TRUMP,HARIMO IBIJYANYE N ABIMUKIRA BO MURI AFRICA, BOSE BAVUGAGA AFRICA NABI IKIMENYETSO N UKO BAMWE BA BASABYE GUHAMYA IBYO tRUMP, YAVUZE ATI: NTI TWIBUKA.
ntitwibuka., ntitwibuka.NI MUSESENGURE IRI JAMBO NTITWIBUKA.
UNDI UTAMUKOZWA ATI : Y ABIVUZE. KUBERA KO BAZUNGU BAVUGA KO BATARAMENYA NEZA AHO ABAGANISHYA.(ICYEREKEZO). UMUSESENGUNZI UMWE WO MURI u s ati abonye amanuta.

LUCLYN Kuya 23-01-2018

ibintu n ukubirebera mumateka y. ububata(ubucyakara) ubukoloni. gusahura Africa gukomeje, kuhateza intambara z urudacya. kugendera kumirongo y abazungu,kugendera kubyo badushyize mumitwe bifite inkomoko yubucyakar,.ubukoloni byateye ihahamuka, na complexe ya inferiorite na allination mentale. TRUMP, AZIRA KO ABAZUNGU BATABONA NEZA IYO ABAGANISYA MUNYUNGU BAZA Z AMANYANGA
UMUNSI AZATANGIRA GUTEZA INTAMBARA BAZAMUKUNDA UBWO UMUGATI UZABA UBONETSE. ATI:YAVUZE NABI SIWE WABIVUZE NIZO MVUGU ZABO KURI AFRICA KUBANYAFRICA, KUVA IGIHE CYUBUCYAKARA....KUGEZA N UBU. NIWE WAVUGAGA NGO ESE UMWIRABURA NAIWE NUMUNTU. IBYO YAVUZE

LUCLYN Kuya 23-01-2018

ibintu n ukubirebera mumateka y. ububata(ubucyakara) ubukoloni. gusahura Africa gukomeje, kuhateza intambara z urudacya. kugendera kumirongo y abazungu,kugendera kubyo badushyize mumitwe bifite inkomoko yubucyakar,.ubukoloni byateye ihahamuka, na complexe ya inferiorite na allination mentale. TRUMP, AZIRA KO ABAZUNGU BATABONA NEZA IYO ABAGANISYA MUNYUNGU BAZA Z AMANYANGA
UMUNSI AZATANGIRA GUTEZA INTAMBARA BAZAMUKUNDA UBWO UMUGATI UZABA UBONETSE. ATI:YAVUZE NABI SIWE WABIVUZE NIZO MVUGU ZABO KURI AFRICA KUBANYAFRICA, KUVA IGIHE CYUBUCYAKARA....KUGEZA N UBU. NIWE WAVUGAGA NGO ESE UMWIRABURA NAIWE NUMUNTU. IBYO YAVUZE

Mutunzi Kuya 23-01-2018

Ngo iyo utazi kuvuga icyo gereza n igifaransa uba uri injiji! !!!ngo nta bwenge uzi.Ko abashinwa n,abarusiya bakoresha indimi zabo gusa ninde ubarusha gutera imbere? ??indimi zabo ni ubukoloni burenze @

Mutunzi Kuya 23-01-2018

Ngo iyo utazi kuvuga icyo gereza n igifaransa uba uri injiji! !!!ngo nta bwenge uzi.Ko abashinwa n,abarusiya bakoresha indimi zabo gusa ninde ubarusha gutera imbere? ??indimi zabo ni ubukoloni burenze @

Mutunzi Kuya 23-01-2018

Ngo iyo utazi kuvuga icyo gereza n igifaransa uba uri injiji! !!!ngo nta bwenge uzi.Ko abashinwa n,abarusiya bakoresha indimi zabo gusa ninde ubarusha gutera imbere? ??indimi zabo ni ubukoloni burenze @

The patriot Kuya 23-01-2018

This is humiliation and it’s much obvious that Trump’s racist. let’s value our beautiful continent. let’s rehabilitate our infrastructures and educate our kids in Africa, get healthcare in Africa. Our Africa is tremendously rich and awesome.

Gahima Kuya 23-01-2018

Ibyo Trump yavuze nibyo cyane kandi cyane Africa yicwa nababayobozi bayo,ngaho biba africa bajya kundayo ngaho imiryango yabo niho yibera ugiye kureba abayobozi hafi ya bose b’urwanda imiryango yabo niho iba nabatabayo abana babo bigayo, nabadafite abana bigayo cyangwa babayo bahafite amazu
Sha iyo mbonye ukuntu dusugurwa cyane birambabaza cyane,abayobozi ba africa batesheje abanyafrica agaciro cyane kuburyo mwabibona mugeze muri Asia,byakabaye byiza ariya magambo Trump yavuze adusigiye isomo kandi bikaba byiza Paul kagame atanze itegeko Ko nta muntu uzongera kujya mu boyobozi afite umuryango uba hanze cyangwa ufite inzu hanze ( uretse Ko ariwe wakwiheraho kuko niwe ufiteyo amazu atagira ingano)

eddy ropper Kuya 23-01-2018

Presida Trump ndamukunda pe. numugabo cyane ubundi umuntu ugutera gutekereza neza ntakuryarya ahubwo akubwiza ukuri .kd ukuri kurasharira ariko kuriza iyaba nabandi barabwije ukuri izi ndangare zirirwa ziraramiye amahanga ubu Afurika iba arumucyo ahokuba umwanda ibyo p Trump avuga nukuri rero umuntu ahunga umwanda ntamuntu uhunga isuku.igihe yiyamamazaga yagize ati ngiye kugira america igihugu gikomeyee kd.ahubwo ndabona ngaze umugisha akazongera gutorerwa indimanda yazavaho hari ibihuga bamaze gukanguka.ndahamyako Trump atapfa kwita uRwanda izina yishakiye atabanje kumenya uko abandi bavuga nabiriya bihugu yavuze amazina nuko afite uko ibizi cyane. murekeraho kuraramira ibyabandi bikoreye ngo mujye kubibamo ahubwo mukunde iwanyu.Trump oyeeeee.make america great again,

john Kuya 23-01-2018

Trump avugisha ukuri kweruye nawe reba ibiri kubera muri RDC ubwo c ni he africa itari umusarane koko, muzajye bannyahe, cyahafi nandi ma quartier yu mwanda muzarebe ko atarushwa isuku ni misarane yo muri hotel

Rukundo Kuya 23-01-2018

Aliko mbibalize ikintu kimwe. Abahanga babanyafurika bajya iBuraya no muli Amerika gukorayo Ali uko abategetsi/abayobozi babanyafurika bababonabo ubwo buhanga bwabo bakabuha agaciro kuburyo butanga umusaruro mu bihugu byabo no muli Afurika. Birababaje ko abo basesenguzi birengagije impamvu zikomeye zituma abanyafurika bajya iyo za Burayi bakemera kutikirira mu nyanja. Ubushomeri leta zo muli Afrika zidashakira ibisubizo birambye niyo mpamvu nyamukuru ituma urubyiruko rwirukira muli ibyo bihugu bifite akazi ko guterura amakarito! Icya 2 abo basesenguzi birengagije nkana ni ubutegetsi/ ubuyobozi bubi. Ibi bibazo 2 bikemutse najye ubwajye nagaruka kuba muli Afrika nkanahishimira kuko ntahantu nahamwe hakurutira iwanyu.

uwizeye Kuya 23-01-2018

@natacha ntukansetse aho isi igeze ugirango bisaba gukandagira ahantu kugirango umenye ibyaho?cg ntabwo uziko America ifite abatasi buzuye afrika ngo barigisha za primary,...no mu byaro hose barahajagajaze,byongeye ibyogajuru nka 80% ni ibyabo nawe uracyari mu mandazi mbega wowe.

Joseph Kuya 22-01-2018

Twabera Abanyafrica tubonye umuprezida
wa USA utubwiza ukuri. Nimwemere batubwire uko turi kuko twe ntitwiyizi. Ikindi kandi aya magambo ya Trump tuyakuremo amasomo aho kugira NGO turakare, kd ntacyo byahindura Ku myumvire yabo.

Natacha Kuya 22-01-2018

Trump jye ndahamya ko ataragera muri Africa. Kuko abaye yarahageze ntiyavuga kuriya. Ikindi nuko umuntu nka trump nubwo ari prezida nta ndangagaciro nimwe agira. Ni umuntu ubana n’umugore wa gatatu, utagira rutangira mubyo avuga. Ni prezida ufite ufite ubwenge buke nabonye kuva nabaho.

ndabamenye Kuya 22-01-2018

Birababaje abo wita abanyabwenge batumva neza icyo Trump yababwiye. Abamushyigikiye bazajye kubanawe. Ibyo nabo bavuga biteye agahinda nkibyo Trump yavuze. Harya amerika igeze aho igeze ataruko abacakara bo muri Afrika bagize uruhare rukomeye mukubakorera? Biriya byose Trump atunze ntibyavuye kubutaka bwa afrika? Ababyubatse ni abanyamerika cyangwa ni abo yita ko baturutse mu misarane. Trump twaramukijije none yibagiwe gukinga.

IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...