konka coffee
KONKA

AMAKURU

UKWEZI

Hari abasize bakoze Jenoside bageze hanze bahindura amazina abandi babeshya ko bapfuye

Hari abasize bakoze Jenoside bageze hanze bahindura amazina abandi babeshya ko bapfuye
12-02-2018 saa 16:59' | By Akayezu Jean de Dieu | Yasomwe n'abantu 1345 | Ibitekerezo

Bimaze kugaragara ko hari bamwe mu basize bagize uruhare muri Jenoside yakorewe Abatutsi mu Rwanda muri Mata 1994, kuri ubu bakaba barahungiye mu bihugu by’amahanga bagezeyo bahabwa ubwenegihugu abandi bahindura amazina hari n’abavuga ko bapfuye kandi ari bazima.

Ibi ni ibyagarutsweho kuri uyu wa Mbere tariki 12 Gashyantare 2018, Ubwo abagize Inteko Ishinga Amategeko imitwe yombi gabezwagaho raporo ya Komisiyo y’Ububanyi n’Amahanga, Ubutwererane n’Umutekano n’uhagarariye Guverinoma ku gukurikirana abakekwaho kugira uruhare muri Jenoside ndetse n’amasezerano yo guhererekanya abakekwaho ibyaha.

Hon. Rugema Michel uhagarariye iyi Komisiyo yavuze ko hari abakekwaho kugira uruhare muri Jenoside yakorewe Abatutsi bahungiye mu bindi bihugu ariko kugeza ubu Leta y’u Rwanda ikaba ikomeje kugirana amasezerano yo guhererekanya abakekwaho ibyaha n’ibihugu bitandukanye n’ibyo bihugu bibacumbikiye

Hon. Rugema yagize ati “Muri rusange u Rwanda rumaze kohereza ubusabe bwo kugirana amasezerano yo guhererekanya abakurikiranyweho ibyaha mu bihugu bigera kuri 38 ariko ibihugu 6 ni byo bimaze gusubiza”

Igihugu kandi kigenera ubufasha abagira uruhare mu gutanga amakuru kuri aba bagize uruhare muri Jenoside batarashyikirizwa ubutabera abenshi bakaba bari muri ibi bihugu bitandukanye.

Hon. Uyisenga Charles yavuze ko Ihuriro rigizwe n’abadepite n’abasenateri rishobora kuba umuyoboro wafasha gukurikirana aba basize bagize uruhare muri Jenoside dore ko hari aba barahinduye ibikorwa byabo n’abahindura amazina abandi bakavuga ko bapfuye

Hon. Uyisenga kandi yavuze ko ku rwego rwa Tekinike bagomba gukurikirana bakibutsa bati ese ya dosiye twabandikiye igeze he? Akenshi iyo wibutsa bigera aho bakavuga bati menya ba bantu babikeneye Hari ibihugu byamaze kugirana amasezerano n’u Rwanda ku kohereza abakekwaho uruhare muri Jenoside
Senateri Michel Rugema Perezida w’Inteko Ishinga Amategeko Umutwe wa Sena, Bernard Makuza


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...