konka coffee
KONKA

AMAKURU

UKWEZI

Hasohotse Raporo nshya igaragaza uruhare rw’Ubufaransa muri Jenocide yakorewe Abatutsi mu Rwanda

Hasohotse Raporo nshya igaragaza uruhare rw’Ubufaransa muri Jenocide yakorewe Abatutsi mu Rwanda
13-12-2017 saa 09:47' | By Vincent Nsengiyumva | Yasomwe n'abantu 2457 | Ibitekerezo

Leta y’u Rwanda yasohoye raporo nshya yakozwe n’Ikigo cyo muri Leta Zunze Ubumwe za Amerika cyitwa Cunningham Levy Muse igaragaza umugambi w’Ubufaransa ndetse n’uruhare rw’iki gihugu muri Jenoside yakorewe Abatutsi yahitanye abasaga miliyoni.

Iyi raporo yasohotse kuri uyu wa Gatatu, u Rwanda rwahise ruyishyikiriza Leta y’u Bufaransa aho abayobozi b’iki gihugu basabwa kugaragaza uruhare rwabo muri Jenocide yakorewe Abatutsi ndetse n’inyandiko n’amakuru bufite ku bikorwa byabo mu Rwanda mu gihe cya Jenoside kugira ngo abantu bamenye ukuri.

Iyi raporo igaragaza byinshi mu bikorwa bitandukanye byakozwe na Leta y’u Bufaransa mu gutiza imbaraga Leta y’u Rwanda y’icyo gihe mu gutegura no gushyira mu bikorwa Jenocide yahitanye imbaga y’inzirakarengane.

Byinshi mu Bikorwa bikubiye muri iyi Raporo yakozwe n’Abanyamerika bigaragaza uruhare rw’Abafaransa muri Jenocide yakorewe Abatutsi mu Rwanda harimo, kuba u Bufaransa bwaratanze ubufasha bwo gutanga intwaro ku bakoze Jenoside, kubarinda mbere na nyuma y’iminsi ijana ya Jenocide, guha ubwihisho abakoze Jenoside, kwinangira kohereza mu Rwanda abaregwa Jenoside barenga 10 ngo bakurikiranirwe aho bakoreye ibyaha n’ibindi bitandukanye.

U Rwanda rugaragaza ko iyi raporo y’Abanyamerika ihamya ndetse ikanashimangira uruhare rukomeye bamwe mu bayobozi b’u Bufaransa bagize mu itegurwa n’ishyirwa mu bikorwa rya Jenocide yakorewe Abatutsi mu Rwanda, dore ko bakomeje kumvikana babihakana bivuye inyuma.

Minisitiri w’Ububanyi n’Amahanga, Louise Mushikiwabo, aherutse gutangaza ko hakunze kubaho ibikorwa byo gukingira ikibaba no kurimanganya ku ruhande rw’u Bufaransa hagamijwe kurengera bamwe mu basirikare bakomeye b’Abafaransa ndetse n’ubufatanye mu bya politike mu gihe cya Jenocide.

Umwaka ushize nibwo Leta y’u Rwanda yatangije iperereza ku ruhare rwa bamwe mu bayobozi n’abasirikare b’Ubufaransa muri Jenoside yakorewe Abatutsi mu Rwanda. Iyi raporo ikaba ije ishimangira ibikorwa bigendanye n’iri perereza ryatangijwe.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...