AMAKURU

UKWEZI
cheno 2020

IBUKA irashinja Diyosezi ya Kabgayi ibyaha birimo gupfobya no guhakana Jenoside

IBUKA irashinja Diyosezi ya Kabgayi ibyaha birimo gupfobya no guhakana Jenoside
27-06-2016 saa 21:15' | By Chief Editor | Yasomwe n'abantu 4889 | Ibitekerezo 1

Umuryango IBUKA urengera inyungu z’abarokotse Jenoside yakorewe abatutsi n’imiryango iwugize, uravuga ko ubabajwe cyane n’icyemezo cyafashwe na diyoseze ya Kabgayi cyo gukorera Yubile abapadiri bahamwe n’ibyaha bya Jenoside.

Nk’uko bigaragara mu itangazo rya IBUKA dufitiye kopi, uyu muryango uvuga ko bamwe mu bihaye Imana bagize uruhare runini mu mateka ya Jenoside yakorewe abatutsi, aho abenshi muri aba bishwe biciwe muri za Kiliziya no mu nsengero, ibi bikaba ari amateka adakwiye kwibagirana, ariko hakaba haherutse kugaragara ubutumire buvuga ko hari abapidiri bazizihirizwa Yubile nyamara barakatiwe kubera ibyaha bya Jenoside.

IBUKA ivuga ko nk’uko bigaragara mu butumire bwasakajwe ahantu hatandukanye, tariki 16 Nyakanga hari abapadiri 8 bo muri Diyosezi ya Kabgayi bazakorerwa Yubile y’imyaka 25 bamaze bahawe ubusaseridoti, muri bo hakaba harimo babiri bahamwe n’ibyaha bya Jenoside.

Ubu nibwo butumire bukomeje kutavugwaho rumwe

Abo ni Padiri Rukundo Emmanuel wahamijwe ibyaha bya Jenoside n’urukiko mpuzamahanga mpanabyaha rwa Arusha, agakatirwa ibifungo cy’imyaka 23, bimwe mu byaba byamuhamye hakaba harimo gusambanya abagore n’abakobwa b’abatutsikazi ku gahato no gufatanya n’Interahamwe kwica abatutsi, no kwicisha mugenzi we Padiri Mbuguje Alphonse. Undi ni Padiri Ndagijimana Joseph wahamwe n’ibyaha bya Jenoside akaba yarakatiwe igifungo cya burundu n’inkiko z’u Rwanda.

Umuryango IBUKA urasanga icyemezo cyo guha icyubahiro aba bapadiri binyuze muri Yubile kigaragaramo ibintu bibabaje birimo gupfobya no guhakana Jenoside yakorewe abatutsi, gushinyagurira abarokotse jenoside yakorewe abatutsi cyane cyane abahekuwe n’aba bapadiri, gutesha agaciro ibyemezo by’ubutabera no gushyigikira umuco wo kudahana waranze amateka mabi u Rwanda rwanyuzemo.

Amakuru agera ku kinyamakuru Ukwezi.com, aravuga ko Musenyeri Smaragde Mbonyintege uyobora Diyosezi ya Kabgayi ubu atari mu Rwanda, ariko akaba yabwiye ibinyamakuru byo mu Rwanda bitandukanye ko iby’ubu butumire atabuzi n’ubwo yemera ko gahunda ya Yubile ihari ariko akavuga ko abo bahamwe n’ibyaha bya Jenoside batarimo ndetse ko bo batarasohora ubutumire.


INKURU ZA :
Tanga Igitekerezo
Ibitekerezo 1
gg Kuya 28-06-2016

musenyeri aba yarize urubanza mbere yuko ruba urumva ukuntu aba ahise abuhindura track

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
  • Habyarimana Bosco Nyakubahwa nkiyo murebye umuyobozi wahawe kuyobora ikigo gishinzwe guteza imbere amakoperative RCA usanga imikorere ye ntaho izageza abanyarwanda bibumbiye mu makoperative bitewe nimikorere mibi igaragara muricyo kigo nkaho usanga bafata imyanzurayo ariko ntibakurikirane ishirwa mubikorwa ryayo.
    Urugero ni abakozi ayobora bakora igenzura babanje guhabwa amafaranga bakagira abantu abere kandi amakoperative yarahombye, urugero pfunda, Gakenke n’ahandi.
    Abakozi bakoranaga yirukanishije agendeye kugutonesha, Ibi byiyongera ko abakozi bashinzwe kugenzura amakoperative mu ntara bameze nk’abakomisiyoneri be nyuma yo gukora igenzura babaha igihembo nawe agafataho, urugero bazabaze uwitwa Safari Phillipe wayoboraga abamotari Rubavu.
    Muzakurikirane, umukozi Hamissi ibyo akora mu ntara y’iburengerazuba, muzagenzure uburyo koperative USPC KOPERATIVE UNITED yakorewe ubugenzuzi bukarangira 2015 ariko RCA ikaba yarahisemo kubihishira nyuma yogusanga iyo koperative abayobozi bayo baranyereje asaga miliyoni 40 000 000rwf nkuko muri raporo final bigaragara kandi nabo bayobozi ba uspc bakaba bakiyobora.
    Urugero ntanga n’ukwivuguruza kwagaragaye mu gushyiraho NGARAMBE Daniel umuyobozi FEDERATION Y’ABAMOTARI FERWACOTAMO nyamara nkuko bigaragazwa ninyandiko zigaragara yagiye yandikirwa na RCA bamuhagarika kubuyobozi bwakoperative ya GECOM bigakorwa inshuro zirenze imwe.
    NGARAMBE Daniel uyoboye FERWACOTAMO ubu yarafatiwe icyemezo cyo kwirukanwa mubayobozi b’amakoperative murwanda munama yabaye 20 Feb 2017 yari yahuriyemo inzego zitandukanye RURA ihagarariwe na Emmanuel ASABA KATABARWA, RCA yari hagarariwe na HABYARIMANA Gilbert, POLICE CSP BUTERA, NCCR ihagarariwe na KATABARWA ndetse nujyi wa KIGALI waruhagarariwe numuyobozi wungirize W’umujyi wa KIGALI BUSABIZWA Parfait .
    Muri uyu mwanzuro ufite nimero 13 uvuga ko abayobozi bose b’amakoperative y’abatwara abantu kuri moto bagaragayeho imikorere mibi batemerewe kuba mubundi buyobozi bwa koperative mu Rwanda, kandi ayo makoperative bavuze Koperative GECOM yayoborwaga na Ngarambe Daniel.
    Uyu muyobozi Ngarambe Daniel yari yahagaritswe na RCA kubuyobozi bwa Cooperative GECOM tariki 11 Gicurasi 2015, banasaba umwungirije gukoresha inama rusange umweguza ariko ntibyakorwa, tariki 29 Gicurasi 2015 RCA yirukana Komite yose itarashyize mu bikorwa ibyo yabasabye byo kwguza Ngarambe.
    ikibabaje nuko Ngarambe yakomeje gukingirwa ikibabaa n’ubuyobozi bwasimbuye Mugabo Damien bukagira ngarambe umutagatifu ndetse agakurwa kurutonde rw’abatemewe gutorwa nkuko biri mu mabaruwa yandiwe amweguza, n’imyanzuro y’umujyi wa kigari munama yabaye 2017 akongera agatorerwa kuyobora abamotari kurwego rw’igihugu.
    Ku rutonde 233 rwakozwe na RCA yayoborwaga na Habyarimana Gilbert rwakuyemo Ngarambe nyamara yari yarasabwe kwirukanwa no kutazongera kuyobora amakoperative.
    Imikorere ya Ngarambe nubu ikomeje kubera abamotari umuzigo kuko Airtel buri kwezi yishyura federation y’abamotari FERWACOTAMO miliyoni 10 ziburira mu mifuka y’abayobozi bavuga ko bishyura imyenda idashira.
    Aya mafaranga akaba ariyo akoresha mu guhonga bamwe mubayobozi bamuryamyeho barimo umuyobozi wa RCA ubu prof Halerimana Jean Bosco, nuwo yasimbuye bamuhishira Habyarimana Gilbert.
    Urugero ni uburyo Habyarimana wayoboraga RCA wari munama ifata umwnzuro wo kwirukana ku buyobozi Ngarambe yamuhishiriye akaguma kubuyobozi, ikindi Ngarambe avuga ko Prof halerimana ari inshuti ye cyane ntacyo yamusaba ngo akimwime.
    Twasoza tubabwira ko uretse aya makuru dutanze hari n’ibindi byinshi kandi abashinzwe gucukumbura ukuri bazabona.

    ">Nyakubahwa Perezida wa Repuburika mukomeze kwihanganira abo bayobozi babi bakomeje (...)
  • IZINDI NKURU WASOMA
    Loading...