konka coffee
KONKA

AMAKURU

UKWEZI

Ibaruwa ifunguye umubyeyi ubabaye yandikiye Perezida Paul Kagame

Ibaruwa ifunguye umubyeyi ubabaye yandikiye Perezida Paul Kagame
4-05-2017 saa 12:56' | By Jerome Munyentwari | Yasomwe n'abantu 26966 | Ibitekerezo 21

Muraho Banyamakuru b’ikinyamakuru Ukwezi.com. Ndi umusomyi w’ikinyamakuru cyanyu ndetse n’ibindi bitangazamakuru binyuranye byo mu Rwanda no mu mahanga. Ndubatse mfite imyaka 56, mfite abana batatu, umwe muri bo yiga muri Kaminuza. Nkunda uburyo mukunze gufasha abaturage mu kugaragaza ibitagenda neza ndetse n’ibigenda neza mukabitugezaho byose bigamije kubaka u Rwanda rwacu, igihugu cyacu dukunda. Ndabasabye mungereze ubu butumwa ku Ntore izirusha intambwe, Nyakubahwa Perezida Paul Kagame, kuko njyewe kumubona biragoye ntabwo nabishobora kubera imirimo myinshi agira, ariko nizeye ko abashobora kumubona hafi ye bazamutubwirira (aramutse atabonye akanya ko gusoma icyifuzo cyanjye) akamenya agahinda ababyeyi dufite.

Nyakubahwa Perezida wacu, iterambere mwagejeje ku Rwanda nta muntu ufite ubwenge ushobora kurihakana cyangwa ngo arihinyure, imihanda yubatswe, amavuriro, amashuri, inganda, ubukerarugendo, urwego rw’ubuzima, umutekano n’ibindi byinshi.

Nyakubahwa Perezida wa Repubulika, ikiruta ibindi ni agaciro umunyarwanda afite hirya no hino ku isi nyuma y’icuraburindi rya Jenoside yakorewe abatutsi wahagaritse ku mugaragaro ku giti cyawe uyoboye ingabo zahoze ari iza RPF-Inkotanyi. Ibi byose turabigushimira.

Ntore izirusha intambwe, ibi byose twagezeho nk’abanyarwanda ni uko twashyize hamwe, dukura amaboko mu mifuka turakora maze nk’uko umwe mu mirongo y’Umuryango RPF Inkotanyi uvuga buri munyarwanda azamukana n’undi mu iterambere ntawe usigaye.

Mubyeyi, ababyeyi twakoze ibishoboka dushyira abana bacu mu mashuri dore ko mwari mumaze gukuraho inzitizi zose zakumiraga abana b’u Rwanda kwiga, abana bacu barize ndetse ubu bari bageze muri Kaminuza zitandukanye.

Muri Werurwe 2017, nibwo aho abana bacu bari bari kwiga muri za Kaminuza twagiye kumva ngo zahagaritswe nk’ababyeyi tutazi impamvu zahagaritswe. Kuri izi kaminuza twatanze amafaranga atagira ingano, twagurishije amasambu, abana bacu bahatakarije igihe n’ibindi byinshi bikenerwa kugirango abana bacu bige.

Nyakubahwa Perezida wa Repubulika, uku gufunga aya mashuri byaratugwiririye bikomeye tugwa mu kantu, nk’umubyeyi mukuru dufite mu gihugu cyacu namwe murabyumva. Icyo gihe bamwe muri twe twari tuzi ko iki kibazo kizamara iminsi micye ishoboka.

Nyakubahwa Perezida wa repubulika, kugeza ubu amezi arenda kuba abiri abana bacu bari mu rugo, tuzinduka tujya gushakisha imibereho mu rwego rwo gusigasira umuco mwadutoje wo kwigira, twataha tukabasanga mu rugo ntacyo bakora bari gupfa ubusa.

Iyo tugerageje kubaza inzego za Kaminuza aba banyeshuri bacu bigagaho, batubwira ko bategereje ko Minisiteri y’Uburezi izabagenzura kuko ngo hari ibyo babasabye ko buzuza kugirango amasomo akomeze.

Minisiteri y’Uburezi nayo iherutse gutangaza urutonde yerekana aho bohereje abana bacu, mu mashuri atandukanye, nkatwe nk’ababyeyi izi mvugo zose ziraducanga tugahera mu rungabangabo, abana bacu bagakomeza kuhadindirira nta kosa na rimwe bakoze.

Nyakubahwa Perezida wa Repubulika, aho abana bacu babohereje naho ntabwo ari shyashya, kuko nk’umubyeyi nibaza byinshi: ese bafite ibikoresho bihagije, abarimu, amashuri, ingengo y’imari bitunguranye bizafasha abana bacu kwiga neza dore ko ibi byabaye byatunguranye? Byatuyobeye.

Nyakubahwa Perezida wacu, ibi bibazo twahuye nabyo twebwe nk’ababyeyi biratubabaza ndetse ntawabura kuvuga ko byadusubije inyuma kuburyo bukomeye, abana bacu babuze amashuri, bari hanze aha mu buzima bukomeye aho bahura n’andi mabi ashobora kubangiza.

Mu gusoza Nyakubahwa Perezida wa Repubulika, tuzi neza ko uri umuyobozi urebera buri munyarwanda cyane cyane umuturage wo hasi nkatwe ababyeyi, mubyeyi turagusabye nk’uko ufata ibyemezo bidufitiye inyungu turwaneho abana bacu bongere bige.

Nyakubahwa, iki kibazo twabonye abayobozi benshi batakivugaho cyangwa ngo bagishakire umuti uhamye niyo mpamvu ari mwe tubona utuba hafi muri byose, dushyize ugutakamba kwacu mu maboko yanyu.

Nyakubahwa Perezida wa Repubulika, twizeye ubushishozi bwanyu, ububasha ndetse no gusubiza ibintu mu buryo, mubyeyi, ababyeyi dutegereje igisubizo cyanyu.

Murakoze.


INKURU ZA :
Tanga Igitekerezo
Ibitekerezo 21
Niyonkuru Kuya 17-05-2017

uyumubyeyi mumureke pe ibyo avuga nibyo kandi koko birababaje cyane, wowe uvugango amashuri atujuje ibisabwa nikibazo nka Rusizi nonese Rusizi iyo uvuga imaze iminsi ingahe ifunguye ihawe ibyangombwa, mineduc se na hec bari barabafunze, nibavane akajagari muburezi bareke twige mumahoro numutekano abaforomo barihanze aha abize igitwe bangana iki haruwari wafungwa yishe akazi ngonuko yize I gitwe, aba engeniers bize Ines banganaiki, haruwo Akazi kananiye ngonuko yize muri Ines? uburezi bwarabacanze nimureke umubyeyi yisabire Nyakubahwa Perezida wacu Wenda yadutabara.

F. Nkomeza Kuya 15-05-2017

Kwandikira H.E nibyo ariko se mbete hose ibyo bibazo ntibyagaragaraga? Icyakora nemeranywa n’uwavuze ko ireme ry’uburezi ryagombye gushakwa duhereye hasi: inshuke, primaire, na secondaire ubundi bakareba ko batabona aba universitaires nyabo!
Ikindi mbona ni uko hari abashaka kuvangira H.E cyangwa se bakaba babikora kugira ngo afate icyemezo mu rwego rwo kwetekana KO ari omnipotent ! Muzambwira!

Twizeyimana jdamascene Kuya 13-05-2017

muravuga muriministeri yuburezi!??iyubuhinzi se yambura abantu ibishanga bahingagamo ibihingwabitandukanye,ntigirenicyo ihakorera.kdi ahohantu harihatunze rubanda.nyakubahwa mufite urugamba rukomeye.kuko nka turiya dushanga dutoduto twafashaga abataribake.nkurugero:twashoboragakuhahinda imbuto ni mboga bikatugoboka mubihenkibibyinzara.nonenugutegereza ibyigasozi.ubwo izubaryabarirerire tukazahara.kukomugihe cyizuba twikingagamurutwodushanga

T.J.B Kuya 13-05-2017

Ariko se niba ibyo basabwaga barabyujuje
ni kuki ministeri itayafungura cg se ni ugushaka kutunaniza.

nkurunziza Kuya 13-05-2017

impinduka zaburigihe ziba muri ministeri yuburezi zo nikibazo kandi gikomeye kandi gikomeje kutudindiza nkabanyeshuri iyi ministeri ryose ndumva abayobozi bashoboye kuko ntayindi ihoramo ibibazo nkibi kandi nitwe ingarukazigeraho nkabanyeshuri ubwo ubuyobozi bubisuzume burebe ibitera ibibibazo kuko dushaka iterambere ryihuse

Emmanuel Kuya 5-05-2017

@Aroni Nyakubahwa na Nyagasani byose nikimwe,ijambo Nyagasani,nijambo ryakera ryakoreshwaga k’Umwami yitwaga "Nyagasani" hanyuma aha Abapadiri baxiye bagapinga Umwami w’Urwanda bavuga ko Umwami nyawe ari Yezu nibwo bamwatse icyo cyubahiro,ariko rero si no mu Rwanda gusa Abaswayire "Bwana"ikora ku bantu no ku Mana,Abongereza nabo "Lord" ikora ku bantu no ku Mana.

bikorimana Kuya 5-05-2017

nibyo arik0 yacyemuye ibirenze ibi

ndategereje Kuya 5-05-2017

nyamara mzehe wacu ndabona abo bayoborana bashaka kumuvangira kuko amatora ageze!nonese ngiyo muneduc ihitamo gufunga amashuli abana bari mwishuli wagirango ntabiruhuko biba mu rwand,ngizo za wasac zakoze stock yaza miliyari kdi abanyarwanda ubukene buranuma naho amashanyarazi yabaye ingume mumujyi wakigali umuntu aracana apoule imwe munzu yose kubera umuriro muke!abahinzi barashonje kubera kubura imbuto kdi ziriho ziborera muri stock ya minisiteri,nyamara banyarwanda turafite urugamba rwabayobozi babi bashobora kuba bihishe muri gvnmt?nibyo nkeka kuko ntibisanzwe nuwa atarize ahanitse ibirigukorwa sibyirwanda

mushimiyimana chantal. Kuya 5-05-2017

nukuri nukudutabara abanyeshuri bagasubira mumasomo

mucanzigo deogratias Kuya 5-05-2017

Mubandi , wagize neza ariko be paccient is incorrect (wrong) correct ward is: be patient not paccient as you have written. the quality of education is still a problem to you, not on campus

lg Kuya 5-05-2017

ibintu bikwiye gukorwa, uko bigomba niba amashuri yujuje ibisabwa icyo nikibazo, niba atabyujuje icyo nikindi kwitwa, kaminuza ntibihagije uko zikora mumyigishirize nicyo kirebwa, banyirazo bamwe bazihinduye ibigo, byubucuruzi mujya, mwumva mo, abanyamigabane barwana, bafungwa, urugero rusizi, ntibazishiga, rero arimpuhwe niba zidakwije ibisabwa abantu bagasabako, zifungurwa sibyo kuko ntaburezi bwaba burimo, ntabwo rero leta yakwemera ko abantu bajya bavuga ko barangije kaminuza ntacyo bize!

Habibu@gmal.com Kuya 4-05-2017

Niga kuri INES tuvuye guhura n’abari gukora Audit ariko rwose nasanze labo zacu zisa nkizo nirirwaga ndeba kuri net.Nabonye na audit team yabibonye rwose!Yego twataye umwanya ariko ubumenyi bwo ntaho tuzaba dutandukaniye n’i Burayi.

Berwa Kuya 4-05-2017

Baratinze cyane rwose, kuba bazabasura ni byiza ariko bitondere kongera gufata ibyemezo bihubutse bisa nibirimo amarangamutima adafite aho ashingiye n’ukuri kuri amwe mu mashuri makuru na kaminuza(Gitwe, INES na Kabgayi).

Berwa Kuya 4-05-2017

Baratinze cyane rwose, kuba bazabasura ni byiza ariko bitondere kongera gufata ibyemezo bihubutse bisa nibirimo amarangamutima adafite aho ashingiye n’ukuri kuri amwe mu mashuri makuru na kaminuza(Gitwe, INES na Kabgayi).

Mubandi Kuya 4-05-2017

Friends(my brother’s and sister’s) rules and regulations must useful so steel wait any where be paccient for all who has problem relay on Education thank u.

Mug Kuya 4-05-2017

Birababaje kabisa... Najye niga Jomo Kenyatta nayo iri muzafunzwe ariko kuva igihe yafungiwe tubaza abayobozi igihe uzafungurirwa maze bakatubwira ko bategereje mineduc gukora audit... Izo audit zitarangira zo ni shyashya , jyewe mbona byarajemwo ruswa...wasanga Ayandi ma universities yarayitanze kugirango bazishakire abakiliya hama bakananiza izindi kaminuza

Kabundi Kuya 4-05-2017

Hahahahaha HE niyitabaze izindi nzego kuko niba kaminuza zivuga ko zavuguruye ibyo basabwe harabura iki ngo dusubire kwishuli NIGA MURI INES_Ruhegeri ariko ejo bundi mva gisenyi narahanyuze nsanga ama labs yahindutse Smartboard gusa ariko HE ntirabasubiza ngo dusubire kwishuli so His excellence turamugora ntabwo ibi byagakwiye pe nigihombo kubene gihugu

Yes Kuya 4-05-2017

Uyu mubyeyi ndamushimye rwose, iki kibazo cy’abanyeshuri batari kwiga cyakemurwa na H.E kuko abakagikemuye bisa nh’aho byabananiye barabitindije cyane. Ariko ngo batangiye gusura ubu bari muri INES-Ruhengeri. Niba n’abandi bazasurwa ubuzima bugakomeza byaba ari intambwe nziza itewe.

gigi Kuya 4-05-2017

baravuga ibibabaje ababyeyi nawe ngo baramuramya wowe kutanditse iyawe uvuga ibikubabaje mujye mugabanya amatiku

Nesto Kuya 4-05-2017

Byo birakwiye ngo H.E agireicyo akora kuri iki kibazo kuko ndabona Mineduc na HELC batagicyemura vuba kdi abanyeshuri bahadindirira cg umanza byarabacanze.

H.E badufashe akavuyo kari muri Mineduc kavemo. Barashakira umuti w’ikibazo aho utari. Barashakira ireme ry’uburezi bahereye muri Kaminuza kdi bagakwiye guhera mu mashuri y’incucye, primaire ndetse na Secondaire. Murebe uko abana biga mu primaire, secondaire kuri iki gihe noneho basuzume cya giti bashaka gusarurira muri Kaminuza uko cyazamutse maze barebe niba igikomeye cyane niba ari uko biga muri Kaminuza yego naho bikwiye kuvugururwa ariko igiti kigororwa kikiri gito.

Aroni Kuya 4-05-2017

Iyi baruwa yanditse mu cyubahiro yego ariko ni icyubahiro kurenzeurugero kirimo gukabiriza igeze aho imera nk isengesho umuntu ari kubwira Imana ayisaba...ayinginga ati Nyakubahwa nako Nyagasani...ubwoba buraturenze.Nyamara iki kibazo ni byo koko kirakomeye hamwe n ibindink imisoro ndenga kamere,za mitiweli,ibiciro ku masoko...ibyo kumwandikira ni byinshi Nyakubahwa....

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...