konka coffee
KONKA

AMAKURU

UKWEZI

Ibitutsi nibyo byateye Mukuralinda kwandika igitabo ku by’urubanza rwa Ingabire Victoire

Ibitutsi nibyo byateye Mukuralinda kwandika igitabo ku by’urubanza rwa Ingabire Victoire
8-03-2018 saa 17:05' | By Akayezu Jean de Dieu | Yasomwe n'abantu 5144 | Ibitekerezo

Alain Muku uzwi nk’umuhanzi akaba n’umwanditsi ndetse akaba yaranabaye igihe kirekire umuvugizi w’Ubushinjacyaha bw’u Rwanda, kuri uyu wa Kane tariki 08 Werurwe 2018, yamuritse igitabo gikubiyemo ibyaranze urubanza rwa Ingabire Victoire na bagenzi be. Uyu mugabo yavuze ko icyamuteye kwandika iki gitabo ngo kizajye no mu mateka ari ibitutsi benshi bamukurikije nyuma y’uru rubanza banamushinja gutekinika no guhimba ibimenyetso.

Ubwo yamurikaga iki gitabo yise “Qui manipule qui ?: Victoire Ingabire Umuhoza, des Pays-Bas au Pays des Mille Collines” gikubiyemo ibyaranze urubanza rwa Ingabire Victoire wo mu Ishyaka FDI Inkingi na bagenzi be, Alain Mukuralinda yavuze ko uru rubanza rwamaze igihe kigera ku myaka ine yose. Yavuze ariko ko hari ikintu cyakunze kubaho ugasanga hari abantu batizeraga amakuru atangwa n’urukiko ahubwo bakizera amakuru yatangajwe n’amaradiyo mpuzamahanga arimo na BBC.

Yagize ati “Twamaze imyaka itatu, hafi ine tuburana amasaha hafi atandatu ku munsi ariko umuntu wo kuri BBC yavuga akantu k’umunota umwe abantu bakabigenderaho bavuga ngo niko byagenze”

REBA VIDEO HANO: Ingabire Victoire na bagenzi be bateye Alain Mukuralinda kwandika igitabo

Alain Mukuralinda kandi yakomeje avuga ko mu gihe ubutabera bw’u Rwanda bwacaga uru rubanza ndetse na nyuma yarwo, hari benshi bakomeje kutizera ibyavuye muri uru rubanza aho bamwe bakomeje gushinja ubutabera bw’u Rwanda, gutekinika no guhimba ibimenyetso. Hari kandi n’abatarahwemye kuvuguga ko urubanza rwa Ingabire Victore na bagenzi be rwari urwa Politiki.

Yagize ati “Icyanteye kwandika iki gitabo ni Ibitutsi, abashinjacyaha, abacamanza ndetse umuntu wese wagize uruhare muri ruriya rubanza, baradututse, yewe n’igitabo kikimara gusohoka bakomeje kuntuka ariko ntawe urambwira ngo mu byo twanditse hari icyo bajoramo cyangwa ngo babihinyuze”

Mukuralinda kandi yanavuze ko mu byo bakoze ngo harimo kuba abantu bari bazi ko Ingabire Victoire yari gufatwa nk’indahangarwa kandi imbere y’ubutabera bidashoboka ari nabyo byakozwe agakurikiranwa n’amatageko ndetse agahabwa ubutabera n’ubwo hari benshi batakiriye icyemezo cy’urukiko. Mu byo iki gitabo kigamije, harimo kubasha kwereka abantu ukuri n’ibimenyetso hanyuma bakibonera umwanzuro.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...