konka coffee
KONKA

AMAKURU

UKWEZI

Ibyo guca Caguwa biracyaganirwaho kandi bizatanga imyanzuro itazagira ingaruka – Mushikiwabo

Ibyo guca Caguwa biracyaganirwaho kandi bizatanga imyanzuro itazagira ingaruka – Mushikiwabo
13-03-2018 saa 15:42' | By Vincent Nsengiyumva | Yasomwe n'abantu 2653 | Ibitekerezo 6

Minisitiri w’Ububanyi n’amahanga, Louise Mushikiwabo, yatangaje ko hari ibiganiro hagati ya Leta y’Amerika n’ibihugu byo mu karere k’Afurika y’iburasirazuba n’u Rwanda rurimo, bigamije gufatira hamwe imyanzuro ku cyemezo batavugaho rumwe cyo guca imyenda n’inkweto bya Caguwa byoherezwa muri aka karere.

Hashize iminsi bimwe mu bihugu bigize Umuryango wa Afurika y’Iburasirazuba nka Uganda, Tanzania ndetse n’u Rwanda bifashe icyemezo cyo guca imyenda n’inkweto byambawe bizwi nka Caguwa, mu rwego rwo guteza imbere inganda zikora imyenda n’izitunganya impu zikorera imbere muri ibi bihugu.

Mu kiganiro n’abanyamakuru kuri uyu wa Kabiri tariki ya 13 Werurwe, Minisitiri Louise Mushikiwabo yavuze ko Leta y’Amerika n’ibihugu byo mu karere k’Afurika y’iburasirazuba n’u Rwanda rurimo biri mu biganiro kugira ngo bifatire hamwe imyanzuro ku cyemezo cyari cyafashwe na bimwe muri ibi bihugu birimo n’u Rwanda.

Minisitiri Mushikiwabo yavuze ko kugeza magingo aya hari icyizere ko ibi biganiro bari kugirana na Leta zunze Ubumwe z’Amerika bizasozwa neza hari ingingo zifashwe kandi zidafite ingaruka runaka ku bukungu bw’ibihugu byose birebwa n’iki kibazo.

Leta Zunze Ubumwe za Amerika yarakajwe n’uyu mwanzuro ndetse inawamaganira kure aho yagaragazaga ko iki cyemezo gishobora kuzagira ingaruka zikomeye ku bucuruzi bw’ibihugu bikorana na yo binyuze muri gahunda ihuza icyo gihugu n’ibindi bya Afurika yo munsi y’ubutayu bwa Sahara,“African Growth and Opportunity Act (AGOA).

Umuyobozi w’ibiro bishinzwe ubukungu bwa Afurika mu ishami rishinzwe Afurika rya Minisiteri y’ububanyi n’amahanga ya Leta zunze Ubumwe za Amerika, Harry Sullivan, aherutse kuvuyga ko ibi bihugu byo muri EAC bigomba gukuraho imyanzuro yo guca caguwa byafashe muri 2016 cyangwa se bikazafatirwa ibihano ngo kuko byarenzze ku masezerano byagiranye na US.

Icyo gihe uyu Sillivan yavuze ko Politiki y’u Rwanda, Uganda, na Tanzania yo guhashya Caguwa nta kintu izafasha rubanda nyamwinshi ngo kuko itazaborohereza kubona imyenda ihendutse.

Sillivan yanashimangiye ko n’iyo urwego rw’inganda muri kano gace k’Afurica y’Uburasirazuba rwatera imbere, ngo byagirira akamaro abifite gusa, ariko rubanda rugufi rukahazaharira.

Guca caguwa ni gahunda yahawe imbaraga cyane, aho imisoro kuri ibi bicuruzwa yazamuwe cyane, igiciro cy’umusoro ku myenda yinjizwa mu Rwanda kirazamurwa kiva ku madorali 0,2 kigera ku madorali 2,5; naho inkweto za caguwa, umusoro uva ku madorali 0,2 yishyurwaga agera ku madorali 4,5 ku kilo kimwe.

U Rwanda, Uganda, Tanzania na Sudani y’Epfo biherutse gufata umwanzuro w’uko muri 2019 nta mwambaro n’umwe wa caguwa uzongera kwinjizwa muri ibi bihugu mu rwego rwo guteza imbere inganda zabyo.

Mushikiwabo yavuze ko icyemezo cyo guca caguwa cyari cyafashwe na bimwe mu bihugu bya EAC kiri kuganirwaho ndetse ko hari icyizere cy’uko hazafatirwamo imyanzuro izanyura impande zose

Urwanda rwari rwafashe umwanzuro ko muri 2019 nta mwambaro wa Caguwa uzaba ukinjira mu Rwanda


INKURU ZA :
Tanga Igitekerezo
Ibitekerezo 6
Bazubagira Djalia Kuya 21-03-2018

Caguwa ntacyo yari itwaye pe niba mushaka kureba uburyo abaturage bayikunda muzakore ubusshakashatsi ubundi murebe ni nziza irahendutse muri bake rubanda rugufi yari idufatiye runini kandi kuva mvutse niyo nambaraga ndinze ngana gutya nta kibazo irantera. muyitugarurire mwaba mugize neza

kacu Kuya 16-03-2018

caguwa nibayireke rwose kuko ifatiye runini rubanda,nyamwinshi nubwo arubukoroni tukirimo

kacu Kuya 16-03-2018

caguwa nibayireke rwose kuko ifatiye runini rubanda,nyamwinshi nubwo arubukoroni tukirimo

kacu Kuya 16-03-2018

caguwa nibayireke rwose kuko ifatiye runini rubanda,nyamwinshi nubwo arubukoroni tukirimo

impopo Kuya 14-03-2018

caguwa yaciwe hagendewe ku mibare ya tekiniki, muyireke yongere icuruzwe.
Igihe twayambariye indwara yateye ni iyihe?
muzakore ibarura (nta tekinikie) muzasanga abaturage barenga 500.000 baracuruzaga caguwa. None imirimo bakoraga yasimbujwe iyihe?
imiryango bari batunze itunzwe n’iki?

faki Kuya 13-03-2018

Rega nimuyireke caguwa kko ingaruka zo zirahari nuko twe abaturajye ntacyo twakora ariko musyizeho amatora yuko abaturajye tubyumva mwabona ukuri

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...