AMAKURU

UKWEZI
ubumwe

Ikarita y’ itora yavanweho, ikifuzo cya Depite Habineza cyatewe utwatsi

Ikarita y’ itora yavanweho, ikifuzo cya Depite Habineza cyatewe utwatsi
23-07-2019 saa 07:15' | By Nsanzimana Ernest | Yasomwe n'abantu 3978 | Ibitekerezo

Abagize Inteko ishinga amategeko y’ u Rwanda bemeje ko ikarita y’ itora ikurwaho igasimburwa n’ irangamuntu y’ ikoranabuhanga, gusa ingingo isaba umukandida wigenga gusinyirwa n’ abantu 12 muri buri karere yo yagunyeho.

Kuri uyu wa Mbere tariki 22 Nyakanga 2019, nibwo abadepite batoye itegeko ngenga rigenga amatora, ryavanyweno IKARITA y’ITORA kuko INDANGAMUNTU ikoze mu ikoranabuhanga rishobora gutuma hamenyekana ko utora cyangwa utorwa ari kuri lisiti y’itora bityo iyo karita ikaba itagikenewe.

Mu zindi ngingo zavuguruwe mu itegeko ngenga rigenga amatora mu Rwanda harimo izijyanye n’imigendekere y’amatora ku bijyanye n’itora ry’Abajyanama b’Umujyi wa Kigali hakurikijwe amavugururwa ateganijwe.

Izindi ngingo abadepite bifuje ko zavugururwa ariko ntibikunde, harimo ijyanye n’abantu basabwa ku mukandida ushaka kwiyamamariza kuba Perezida wa Repubulika cyangwa umudepite, aho umukandida wigenga asabwa abantu 600 mu gihugu bamusinyiye, naho umutwe wa politike wo ugasabwa abantu 200 gusa.

Depite Frank Habineza yagize ati “Abakandida bigenga basabwa abantu 12 muri buri karere, naho umutwe wa Politike wo ugasabwa abantu 200 mu gihugu cyose, ko umutwe wa politike ariwo ukomeye kurusha umukandida wigenga kubera iki umukandida wigenga udafite ubushobozi nk’umwute wa Politike bamusaba abantu 600 mu gihugu?, twumva hari ikintu cyakagombye guhinduka kugira ngo abo bantu nabo bagire amahirwe yo kwiyamamaza”.

Minisitiri w’ubutegetsi bw’igihugu Prof Shyaka Anastase wari witabiriye inteko rusange, yavuze ko bitakumvikana uburyo umuntu ushaka guhagararira abantu miliyoni 12 mu gihugu, yabura abantu 600.

Yavuze ko uramutse wabuze abantu 12 kandi ushaka guhagararira miliyoni 12, cyaba ari ikibazo.

Kugeza ubu mu Rwanda nta mudepite cyangwa Perezida wa Repubulika uratorwa atavuye mu ishyaka. Abakandida bigenga bariyamamaza ariko ntawe uratsinda amatora.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...