konka coffee
KONKA

AMAKURU

UKWEZI

Impunzi z’Abarundi zidakozwa ibyo kwivuza no kurya ibyo mu nganda zatashye iwabo

Impunzi z’Abarundi zidakozwa ibyo  kwivuza no kurya ibyo mu nganda zatashye iwabo
1-04-2018 saa 09:32' | By Akayezu Jean de Dieu | Yasomwe n'abantu 3838 | Ibitekerezo 1

Mu gitondo cyo kuri uyu wa 01 Mata 2018, nibwo impunzi 1607 z’abarundi mu zari zicumbikiwe by’agateganyo mu nkambi ya Gashora iri mu karere ka Bugesera zambutse umupaka zerekeza iwabo mu Burundi. Izi mpunzi zifite imyitwarire idasanzwe n’imyemerere y’uko zidashobora kurya ibivuye mu nganda, kwivuza no kubarurwa cyangwa kubahiriza amategeko ayo ariyo yose agenga impunzi.

Kuwa 7 Werurwe 2018, nibwo impunzi z’Abarundi 2579 zabaga mu Nkambi ya Kamanyola muri Repubulika iharanira Demokarasi ya Kongo, zambutse zishaka ubuhungiro mu Rwanda kuko zari zifite ikibazo cy’umutekano wazo, aho zabaye zicumbikiwe mu nkambi y’agateganyo ya Nyarushishi mu karere ka Rusizi izindi zijyanwa mu nkambi ya Gashora mu Bugesera, izindi zijyanwa mu nkambi y’agateganyo ya Muyira mu karere ka Nyanza.

Imyumvire ishingiye ku myemerere y’aba Barundi, yakomeje kuba inzitizi zikomeye kuri Leta y’u Rwanda kuko kuba batemera kwivuza, kwikingiza, kurya ibyaciye mu nganda n’ibindi bigaragaza ko kubakira no kubacumbikira bitoroshye kandi bakomeje gutsimbarara ku myemerere yabo idasanzwe.

Mu byo izi mpunzi zavugaga byaziteye guhunga ziza mu Rwanda ngo ni uko Leta ya Congo na HCR bazisabaga kwiyandikisha, kuvurwa no kwandikwa mu bitabo by’impunzi ariko zo ngo kubw’imyemerere yazo ntabwo ibi byose babikozwa ari nayo mpamvu zahise zifata umwanzuro wo kwambuka ziza mu Rwanda kuri ubu zimwe muri izi mpunzi zikaba zimaze kuva mu Rwanda zerekeza mu gihugu cyabo cy’u Burundi.

Ahagana i saa mbiri z’igitondo cyo kuri iki Cyumweru tariki 1 Mata 2018, nibwo izi mpunzi zigera ku 1607 zambutse ku mupaka wa Nemba aho u Rwanda n’u Burundi bihanira imbibe, aho zari ziherekejwe n’abahagarariye Minisiteri ishinzwe impunzi no gukumira Ibiza , MIDMAR, ndetse n’ishami ry’umuryango w’abibumbye ryita ku mpunzi HCR.

MIDMAR yavuze ko izi mpunzi zakorewe ibijyanye n’ibyifuzo byabo dore ko ari bo basabye gusubizwa mu gihugu cyabo cy’u Burundi bishingiye ku kuba badashaka kuzuza ibisabwa ngo bahabwe ubuhungiro. Muri aba batashye kandi harimo na bamwe mubo Polisi y’u Rwanda yari iherutse guta muri yombi bakekwaho kugumura bagenzi babo no gushaka guteza umutekano muke mu nkambi.

Biteganyijwe kandi ko na bamwe mu mpunzi ziri mu nkambi zisigaye zirimo iya Muyira mu karere ka Nyanza n’izasigaye mu Nyarushishi mu karere ka Rusizi, abazifuza gutaha muri bo bazabaha uburenganzira nabo bakaba bajya mu gihugu cyabo cy’Uburundi


INKURU ZA :
Tanga Igitekerezo
Ibitekerezo 1
luke Kuya 2-04-2018

Ubundi se zihunga iki mu Burundi, uretse kubashuka

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...