konka coffee
KONKA

AMAKURU

UKWEZI

Jeannette Kagame arageza ijambo ku bitabiriye gusengera Amerika barimo na Trump

Jeannette Kagame arageza ijambo ku bitabiriye gusengera Amerika barimo na Trump
8-02-2018 saa 15:18' | By i | Yasomwe n'abantu 3122 | Ibitekerezo

Madamu Jeannette Kagame ari mu ruzinduko i Washington DC muri Leta Zunze Ubumwe z’Amerika, aho ari bwitabire amasengesho yo gusengera iki gihugu ndetse anagezeho ijambo ku bitabiriye iri sengesho rizwi nka “National Breakfast Prayer” barimo na Perezida Donald Trump.

‘National Prayer Breakfast’ ni ihuriro ngarukamwaka ryitabirwa n’abaperezida ba US. Iri huriro rijya riba ku wa kane w’icyumweru cya mbere cya Gashyantare, ryatangijwe mu mwaka wa 1953 .

Ibiro bya Mme Jeannette Kagame byatangaje ko yatumiwe muri uyu muhango ndetse akaba ari buze kugeze ijambo yateguye ku bayobozi bakomeye bazaba bitabiriye aya masengesho.

Uyu muhango watumiwemo abantu bagera kuri 3 500 biganjemo abakomeye muri politiki, abacuruzi ndetse n’imiryango itegamiye kuri Leta barimo abagera ku 100 baturuka mu bihugu bitandukanye byo hirya no hino ku Isi.

Muri ‘National Prayer Breakfast’ bafata umwanya bagasengera igihugu barangiza bakaganira ku ngingo zitandukanye bibanda ku byabafasha mu gukomeza guteza igihugu imbere ndetse bakanasangira.

Si ubwa mbere Madamu Jeannette atumirwa muri uyu muhango kuko aherutse gutumirwamo nanone muri 2014 ndetse anahabwa ijambo aganiriza abari bawitabiriye ndetse anabagaragariza isura nyayo y’igihugu cy’u Rwanda nyuma ya Jenocide yakorewe Abatutsi yabaye muri Mata 1994.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...