konka coffee
KONKA

AMAKURU

UKWEZI

Kagame afunguye Inama y’Umushyikirano, ashimira inzego z’Ubuzima anasaba impinduka mu burezi

 Kagame afunguye Inama y’Umushyikirano, ashimira  inzego z’Ubuzima anasaba impinduka mu burezi
18-12-2017 saa 11:30' | By Vincent Nsengiyumva | Yasomwe n'abantu 2424 | Ibitekerezo 6

Perezida wa Repubulika y’u Rwanda Paul Kagame, afunguye Inama ya 15 y’Umushyikirano, ashimira inzego z’Ubuzima kubwo kunoza imikorere no guha Abanyarwanda Serivisi nziza, anahwitura urwego rw’Uburezi mu gushaka impinduka mu kuzamura ireme ry’Uburezi.

Ibi Perezida Paul Kagame abitangaje kui uyu wa Mbere tariki ya 18 Ukuboza 2017, ubwo yafunguraga ku mugaragaro Inama y’igihugu y’Umushyikirano ya 2017, izamara iminsi 2 muri Kigali Convention Center.

Iyi nama ya 15 y’umushyikirano yahuriyemo abayobozi b’inzego z’ibanze n’abayobozi bakuru b’igihugu, amatorero n’amadini, imiryango itari iya leta, abikorera n’abanyarwanda baba mu mahanga basaga 2000 iribanda cyane kuri gahunda y’igihugu igamije impinduka, iterambere ry’ubukungu, kwihaza kw’igihugu no kureba ku rubyiruko nk’imbaraga z’igihugu muri izo gahunda.

Iyi nama ngarukamwaka iteganywa n’Itegeko Nshinga ryo mu 2003 mu ngingo ya 168, ikaba urubuga ruha Abanyarwanda uburyo bwo kujya impaka ku byerekeye Igihugu, Ubuyobozi bw’ibanze n’ubumwe bw’Abanyarwanda, iya mbere ikaba yarabaye kuwa 28 Kamena 2003.

Iyi nama y’Umushyikirano irakurikirwa mu buryo bw’ikoranabuhanga n’abanyarwanda bakoraniye mu bice bitandukanye by’igihugu, harimo abari mu Inkera y’Imihigo muri Petit stade i Remera, na site za Nyamasheke, Gatsibo, Musanze na Huye.

Mu ijambo yagejeje ku mbaga y’abitabiriye iyi nama y’Umushikirano ya 15 bari muri Kigali Convetion Center ndetse n’abari kubikurikiranira hirya no hino ku Isi, Perezida kagame yashimye byinshi bimaze kugerwaho kubera imikoranire myiza y’inzego zitandukanye n’abaturage, agaragaza ko ariko ibitaragerwaho aribyo9 byinshi kurushaho.

Umukuru w’igihugu yashimiye Urwego rw’Ubuzima rwagaragaje impinduka zikomeye muri uyu mwaka, kubera imikoranire n’izizndi nzego ndetse no gutanga serivise zinoze.

Yagize ati “Inzego zijyanye n’ubuzima, bigaragara ko iyo udafite ubuzima nta n’ibindi ashobora gukora, ntabyo yageraho. Inzego z’ubuzima ziragenda ziyubaka, ziragenda zifasha abanyarwanda kugira ubwo buzima bwiza, ndetse ibyo bikaduha n’imbaraga zo guhangana n’ibibazzo bisanzwe cyangwa se ibishya bidenda bivuka buri gihe.”

Yunzemo ati “Ndibwira ko icyo navuga ni ugukomeza izo nzego kugira ngo nazo zikomeze ziduhe ibyiza bizivamo dukeneye.”

Umukuru w’igihugu yagaragaje ko iri terambere no gukomera k’uru rwego rw’ubuzima bishingiye ku mikoranire n’izindi nzzego ndetse kwitanga gukomeye kugira ngo ubuzima bw’Abanyarwanda bukomeze kugenda neza.

Ati “ Mu buzima , icyiza cyabyo ni uko byagiye bigashingira no ku bakoranabushake benshi ariko bafite ibindi bikorera ariko bakagira n’umwanya wo kugeza ubuzima bwiza no kubukorera kugira ngo abanyarwanda bose bibagereho.”

Yunzemo ati “Byaba guhera ku bikorwa no ku bindi byemezo byunganira ibijyanye n’ubuzima, yaba abantu ubwwabo n’imikorere yabo n’ibyo bageza ku banyarwanda, yaba guhangana n’indwara dusanzwe tumenyereye ari malariya, ndetse n’ibindi byagiye bihungabanya abantu mu Rwanda no ku isi hose bijyanye na Sida bijyanye n’indwara nyinshi zimwe zituma ababyeyi, abana baba bakivuga zikababuza ubuzima, ibyo ugiye kureba intambe izo nzego zimaze kugeraho imaze kutugezaho mu kuduha ubuzima bwiza, birashimishije, icyo nakongeraho, dufatanyije tuzakomereza aho dukore ku buryo twagera no ku bindi byinshi”.

Umukuru w’igihugu kandi yahwituye urwego rw’uburezi mu ngeli zose asaba ko hagomba kugira igikorwa vuba na bwangu, ireme riri mu icuraburindi rikazamurwa rikagera ku kigero cyifuzwa.

Yagize ati "Ndumva ko impinduka mu ireme ry’Uburezi ku nzego zose, igomba kuba kimwe muri gahunda dushyira imbere. Uburezi bugera kuri bose nk’uko byagenwe, uburezi burera neza bujyana n’ibihe tugezemo, bikerekana niba abantu tubaha ubumenyi, ubushobozi, ibyamgombwa kandi bifasha mu gutwara igihugu cyacu imbere."

Yunzemo ati "Dushobora gutangira dusuzuma ndetse n’ubushakashatsi niba nabyo bikorwa mu ikoranabuhanga, dukoresha ibigezweho , bityo hagashyirwaho gahunda y’ibikorwa ibereye ibyo byose twifuza ndetse n’uburyo tubayeho."


INKURU ZA :
Tanga Igitekerezo
Ibitekerezo 6
SANDE FRED Kuya 19-12-2017

igitecyerozo kungabihe ya mashuri murwanda mubyigane ubushishozi kuko muzi isi turimo kutiga mumpeshyi byakwangiza byinshi kurusha ibyo byakiza kuko habaharizuba abana badafite icyo bakora bigatuma banjya muburaya nibindi bibywabwenge bitandukanye ntimushingire kumaranga mutima ya bamwe muzaturebere ibidufitiye akamaro.

-xxxx- Kuya 18-12-2017

ndashimira nyakubahwa wacu kubyiza yatugejejeho

-xxxx- Kuya 18-12-2017

ndashimira nyakubahwa wacu kubyiza yatugejejeho

Damas Kuya 18-12-2017

Dore bimwe mubyangiza ireme ry’uburezi cyane cyane muri tekiniki:_Abayobozi b’ibigo batabyigiye(batabifitemo ubumenyi)
_Ubunyangamugayo buke bw’abayobozi b’ibigo
_Amashuri adafite ibikoresho bihagije
_Amashuri adafite abarimu b’inzobere
_Ibigo by’amashuri cyane private byambura abarimu
_Umushahara utajyanye n’ubumenyi bw’umwarimu ukenewe
_Curriculum zikorwa zigasohoka zitagenzuwe n’abafite uburambe mu kwigisha ibya tekiniki
_Kuba amashuri ba nyirayo, private,barayahinduye Commercial,aho birirwa bashakisha effectif,aho kureba ubushobozi bw’umunyeshuri
_Ubugenzuzi budahagije cg SE bukorwa n’amarangamutima
_Uburyo abana bava mu cyiciro bajya mu kindi,bitangije ireme ry’uburezi kuri Bose
_Motivation zitaboneka henshi mu bigo byigenga
_Abayobozi b’amashuri babeshya ababyeyi ,bababwira ko byose ari sawa sawa,kdi bafite ibibazo interne byabarenze badashaka kugaragaza
_Abayobozi b’ibigo private badafite self confidence,batinya gufata ibyemezo ubwabo, bakageñdera mu murongo WA ba nyir’ibigo, Owners.
_Etc...

Damas Kuya 18-12-2017

Dore bimwe mubyangiza ireme ry’uburezi cyane cyane muri tekiniki:_Abayobozi b’ibigo batabyigiye(batabifitemo ubumenyi)
_Ubunyangamugayo buke bw’abayobozi b’ibigo
_Amashuri adafite ibikoresho bihagije
_Amashuri adafite abarimu b’inzobere
_Ibigo by’amashuri cyane private byambura abarimu
_Umushahara utajyanye n’ubumenyi bw’umwarimu ukenewe
_Curriculum zikorwa zigasohoka zitagenzuwe n’abafite uburambe mu kwigisha ibya tekiniki
_Kuba amashuri ba nyirayo, private,barayahinduye Commercial,aho birirwa bashakisha effectif,aho kureba ubushobozi bw’umunyeshuri
_Ubugenzuzi budahagije cg SE bukorwa n’amarangamutima
_Uburyo abana bava mu cyiciro bajya mu kindi,bitangije ireme ry’uburezi kuri Bose
_Motivation zitaboneka henshi mu bigo byigenga
_Abayobozi b’amashuri babeshya ababyeyi ,bababwira ko byose ari sawa sawa,kdi bafite ibibazo interne byabarenze badashaka kugaragaza
_Abayobozi b’ibigo private badafite self confidence,batinya gufata ibyemezo ubwabo, bakageñdera mu murongo WA ba nyir’ibigo, Owners.
_Etc...

Damas Kuya 18-12-2017

Prezida WA Republika areba kure rwose. Mu burezi nihongerwemo ingufu,hakemurwe inzitizi zose n’ababeshyabeshya. Tekiniki nazo nizibe tekiniki, Ba nyiri amashuri bere gupfunyikira abana,nta bikoresho,nta barimu babishoboye kdi bafite uburambe, na Curriculum bazihe igihe gihagije CYO kuzikora kdi zisohoke zagenzuwe bihagije n’abantu bafite uburambe n’ubumenyi bihagije.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...