konka coffee
KONKA

AMAKURU

UKWEZI

Kagame yafunguye Isoko ry’ubwikorezi bwo mu kirere rihuriweho na Afurika yose –Amafoto

Kagame yafunguye Isoko ry’ubwikorezi bwo mu kirere rihuriweho na Afurika yose –Amafoto
29-01-2018 saa 14:35' | By Akayezu Jean de Dieu | Yasomwe n'abantu 1858 | Ibitekerezo

Perezida wa Repubulika y’u Rwanda, Paul Kagame ari nawe muyobozi w’Umuryango wa Africa Yunze Ubumwe yafunguye ku mugaragaro Isoko rimwe ry’ubwikorezi bwo mu kirere “Single African Air transport market”; kubwe, ngo iyi ni intambwe ikomeye ku bwikorezi.

Perezida Kagame watangiye kuyobora Umuryango wa Africa Yunze Ubumwe kuri uyu wa 28 Mutarama 2018, umwanya azamaraho igihe kingana n’umwaka, Yavuze ko kimwe mu byo ashyize imbere ari uguhuriza hamwe imbaraga za Afurika mu kugera ku iterambere rirambye kandi ryifuzwa n’amahanga.

Kuri uyu wa Mbere tariki 29 Mutarama 2018, nibwo Perezida Kagame yafunguye ku mugaragaro Isoko rimwe ry’ubwikorezi bwo mu kirere “Single African Air transport market”, aho yari aherekejwe na bamwe bakuru b’ibihugu bya Afurika barimo na Perezida wa Guinea Alpha Conde wayoboye AU kuva muri Mutarama umwaka ushize wa 2017.

Perezida Kagame kandi yavuze ko uretse gufungura iri soko rya “African Air transport market” ryafunguwe uyu munsi, muri gahunda afite harimo no gufungura isoko rimwe rihuza umugabane wa Afurika

Ibyo gufungura iri soko, Perezida Kagame akaba n’umuyobozi wa AU, yari yavuze ko umugabane wa Afurika uri hafi gushyiraho isoko rimwe (continental free trade area) kandi bikeneye gukorwa uyu mwaka.

Yagize ati "Korohereza urujya n’uruza rw’abantu (freedom of movement of people) muri Afurika nabyo ni ngombwa kandi bizagerwaho muri 2018.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...