konka coffee
KONKA

AMAKURU

UKWEZI

Karongi :Gitifu w’akarere n’abakozi batatu beguye, harakekwa gukoresha nabi ibya Leta

Karongi :Gitifu w’akarere n’abakozi batatu beguye,  harakekwa gukoresha nabi ibya Leta
11-01-2018 saa 14:16' | By Akayezu Jean de Dieu | Yasomwe n'abantu 3038 | Ibitekerezo 4

Mu gitondo cyo kuri uyu wa Kane tariki 11 Mutarama 2018, nibwo Umunyamabanga nshingwabikorwa w’Akarere ka Karongi Emmanuel Muhire yashyikirije Njyanama y’aka karere ibaruwa y’ubwegure bwe ahamya ko yeguye kuri iyi mirimo ku mpamvu ze bwite. Ibi bikaba byaje bikurikira abandi bayobozi batatu muri aka karere nabo bari beguye ku munsi w’ejo bivugwa ko ubwegure bwabo bufite aho buhuriye n’imicungire mibi y’amashyamba ya Leta.

Gitifu w’akarere ka Karongi, Muhire Emmanuel ngo yaba yeguye kubw’ikibazo cyavuzwe mu gihe gishize cy’amande y’ubukererewe bwo kurangiza ibitaro yaciwe rwiyemezamirimo wubatse ibitaro by’Akarere ka Karongi.

Abandi bayobozi batatu bivugwa ko nyuma y’uko bashyikirije amabaruwa y’ubwegure Meya w’akarere ka Karongi ku wa Gatatu tariki 10 Mutarama 2017, Mu gitondo cyo kuri uyu wa Kane ngo ntabwo bigeze bagera ku kazi bishimangira koko ko bamaze kwegura burundu ku mirimo yabo n’ubwo hataramenyekana impamvu nyamukuru yatumye aba bayobozi begura

Amakuru y’Ubwegure bw’aba bayobozi yemejwe na Perezida w’Inama Njyanama y’akarere ka Karongi, Mutangana Frederic wabwiye Ukwezi.com ko ubuyobozi bw’akarere bwamaze kwakira amabaruwa y’aba bayobozi.

Perezida wa Njyanama kandi yatubwiye ko uretse Gitifu Muhire abandi bayobozi beguye ari Tuyishime Jean Damascene ushinzwe ibikorwa remezo mu karere ka Karongi, Eric Habyarimana ushinzwe amashyamba mu karere ka Karongi hamwe n’undi tutaramenya neza umwanya yari afite.

Kugeza ubu ntiharamenyekana impamvu nyamukuru yateye aba bayobozi gusezera ku nshingano zabo ariko hari amakuru agera ku kinyamakuru Ukwezi.com avuga ko mu byaba byatumye aba bayobozi begura harimo ikibazo cy’imicungire y’amashyamba ya Leta mu karere, aho bivugwa ko yagiye atemwa mu nyungu z’abantu bwite. Tuyishime Jean Damascene na Eric Habyarimana Emmanuel Muhire,wari Umunyamabanga nshingwabikorwa w’Akarere ka Karongi


INKURU ZA :
Tanga Igitekerezo
Ibitekerezo 4
Damas Kuya 12-01-2018

Naze dufatanye kwihangira imirimo.Ahubwo yarangije kwishyura inguzanyo irimo imodoka yahawe? Uzàmusimbura abyungukiyemo.

Hubert Ossagha Kuya 11-01-2018

Nabandi badashoboye nibegure kuko icyodushaka ni iterambere.

Hubert Ossagha Kuya 11-01-2018

Nabandi badashoboye nibegure kuko icyodushaka ni iterambere.

Justine Kuya 11-01-2018

Gusa Muhire nubwo agiye yari umukozi w’umuhanga kandi ukunda akazi ke kuba gitif byari biri mu maraso ye.Mumubabarire ntiyishyure ariya mafaranga muzayake rwiyemezamirimo ni umukire naho ubundi niyihangane mbona no kwikorera yabishobora afite ibitekerezo bizima kandi aracyarimuto.

IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...