AMAKURU

UKWEZI
cheno 2020

Kayonza: Abanyeshuri 327 bakopejwe ikizamini cya Leta bararira ababakopeje bigaramiye

Kayonza: Abanyeshuri 327 bakopejwe ikizamini cya Leta bararira ababakopeje bigaramiye
5-03-2017 saa 10:29' | By Akayezu Jean de Dieu | Yasomwe n'abantu 9140 | Ibitekerezo 8

Abanyeshuri bakoze ikizamini gisoza amashuri abanza umwaka w’amashuri 2016, ku bigo bya GS Muzizi, GS Buhabwa na GS Rwimishinya biherereye mu murenge wa Rukara mu karere ka Kayonza, baravuga ko babayeho nabi nyuma yo gukopezwa ikizamini bikabaviramo kubura amanota yabo bamwe muri bo bakaba baremerewe gusibira mu mwaka wa gatandatu abandi kuri ubu bakaba barataye ishuri burundu, mu gihe abarimu bashinjwa kubakopeza bo bari mu kazi kabo nk’ibisanzwe.

Aba banyeshuri babarirwa muri 327 bakaba bose barigaga kuri ibi bigo 3, ntibigeze basohoka ku rutonde rw’ababonye amanota yasohotse muri uyu mwaka ndetse n’amazina yabo akaba atarigeze agaragara ku rutonde rw’abanyeshuri bakoze iki kizamini gisoza amashuri abanza 2016. Nyuma y’uko ibi bibaye ariko ubuyobozi bw’ibi bigo bwafashe umwanzuro wo gusibiza bamwe muri aba bana ariko ku rundi ruhande bamwe bakaba barahise bata ishuri kubw’impamvu zo kwanga gusibira. Abashyirwa mu majwi mu kuba intandaro y’ibura ry’aya manota ngo ni abarimu bari bashinzwe gucunga aba bana mu kizamini cyane ko bivugwa ko ari bo bemereye aba bana gukopera.

Bamwe mu banyeshuri baganiriye n’ikinyamakuru Ukwezi.com bemera koko ko bakopeye ndetse bakandika ibisubizo bihuye n’ibya bagenzi babo ariko bakavuga ko bo ikibazo atari icyabo ahubwo ari abari bashinzwe kubacunga muri icyo gihe bakoraga ikizamini. Muri aba kandi hakaba harimo na bamwe muri aba bagarutse gusibira mu mwaka wa gatandatu nyuma yo kubona ibi bibaye.

Uwitwa Joselyne yagize ati “Njyewe nabonaga twandukura ibisubizo abandi banditse ndetse n’abarimu bari baduhagarariye bakatwihorera ariko nyuma naje kubona amanota yanjye adasohotse ndetse n’abandi bagenzi banjye twakoreye mu cyumba cy’ishuri kimwe mpita numva ko impamvu ari iyo ngiyo”

Nyiraneza Angelique ni umwe mu babyeyi bafite abana basibijwe, bavuga ko iki kibazo cyabatunguye cyane ndetse avuga ko atumva impamvu abarimu bakwemerera abana gukopera kandi bazi neza ko bishobora kubagiraho ingaruka. Angelique yagize ati “Urumva nanjye nagiye kumva numva umwana ambwira ko atigeze abona amanota nyuma tubajije ku ishuri twumva n’abandi niko bimeze nta manota bigeze babona, rero twumva batubwira ko umwanzuro ari ukureka abana bagasibira, gusa njyewe nanenga cyane abarimu bemeye ko abana bakopera kandi bazi ko bitemewe”

Nyiraneza Angelique, umwe mu babyeyi bafite abana basibijwe kubera gukopera

Rwakayigamba Ferdinand, umuyobozi ushinzwe amasomo ku Kigo cya G.S Muzizi, kimwe mu muri ibyo bigo byakopeje abanyeshuri, yatangarije ikinyamakuru Ukwezi.com ko mu banyeshuri 186 bakoreye ikizamni kuri iki kigo abanyeshuri 105 bose batasohotse ku rutonde kubera gukopera. Gusa uyu muyobozi yahamirije ikinyamakuru Ukwezi.com ko kugeza ubu abarimu bagize uruhare muri iki kibazo bose bashyikirijwe amabaruwa n’ubuyobozi bw’akarere kugirango bisobanure.

Rwakayigamba yagize ati “Ni ikibazo natwe nk’ubuyobozi twabonye ariko nanone byumvikane ko niba ari REB yabonye ko hashobora kuba harabayeho gukopera hagati y’abana ndetse igafata umwanzuro wo kudasohora amanota yab, urumva twe icyo twaketse nk’impamvu yabiteye ni iyo ari nabwo twabimenyesheje ubuyobozi bw’akarere bukaba bukiri gukurikirana abo barimu”

Rwakayigamba Ferdinand, umuyobozi ushinzwe amasomo ku Kigo cya G.S Muzizi

N’ubwo uyu muyobozi yaduhamirije ko aba barimu bakekwaho kugira uruhare mu ibura ry’amanota y’aba bana boherejwe amabaruwa abasaba kwisobanura ariko kugeza ubu baracyari mu mirimo yabo nk’uko uyu muyobozi yakomeje abitangaza.


INKURU ZA :
Tanga Igitekerezo
Ibitekerezo 8
LUCIEN tuyi Kuya 18-01-2020

gusaba imbabazi

bimawuwa Kuya 6-03-2017

mistake yambere ntabwo ibizamini bya mashuri bya nyuma bicungwa na barimu ubundi haba hari abashinzwe kubacungakandi ntabwo bigomba ko baba ari abarimu.umwarimu akazi ke kaba kararangiye igihe yigishaga umunyeshuri rero kugirango ajye gucunga umwana yigisha ngo adakopera mujye mwibuka ko mwarimu aba azi umunyeshuri we neza kurusha reta , rero amakosa yabaye ntazongere gukorwa ntabwo ibizamini bya reta bicungwa na barimu kuva mu mashuri abanza kugeza kaminuza. aba cunga baturuka muri ministeri kandi ntibagomba kuba abarimu bagenda babohereza ahatandukanye kuburyo nabo ubwabo baba batazi aho bazajya mu gihe cyi bizamini.

kingi Kuya 6-03-2017

Nibyo KAKA, ubikomojeho, ndi hano aho byabereye, abarimu bakora ibyo babwirijwe nabo hejuru rwose nkuko bisanzwe. Ntiwambwirako ibizamini bicungwa nakarere ndetse nimbunda zaba police ziba zihari nabandi bibikomerezwa baba bahawe za fuel birirwa birukanka ngobarakora supervision yibizamini, mwarimu yabikopeza atabibwirijwe nabamukuriye, kuzihe nyunguse abo bana babahaye ruswa kandi!!!!! Hoya, iteki9nika abarimu basanzwe barikora baribwirijwe na Leta ibayobora, ninako byagenze rero birenganya abanyeshuri na barimu. Abarimu mu matora iyo akarere kababwiye kaati ukenewe nuyu, nuko babigenza, nako bigenda no mubindi bizamini byose bikorwa mu gihugu, ugahabwa agahabwa mbere yuko ibizamini bikorwa rwose ntawe utabii ibi tuvuga nigahunda ngo za leta. bareke banyakwigendera bashake uwatanze amabwiriza niba yarayatanze nabi nuko nyine

KAKA Kuya 6-03-2017

Bibeshyera abarimu, ninkabana, ninsina ngufi aho ubajyanye bajyaho, ibi na Nyaruguru byarahabaye hafungwa abarimu kandi barakoze ibyo bategetswe nibukuru muribimwe ngobyazanywe nicyama byitwa BIRIFINGI!!!! Bahawe iyo BRIFINGI, bayikurikiza nkuko bisanzwe bigenda mubikorwa bashorwamo nkamatora nibindi, baruhira banyiri ukuruhirwa!!!! TEKINIKE, BIRIFINGI, SISITEME,Ibi bintu simbona bisankaho byabaye itegeko muturere koko, ubwo abarimu ntibarengana? Bishoboka bite ibizamini bigenzurwa nakarere bikarindwa nimbunda, mwarimu adahawe izo burifingi yamenerahe koko!!!!

seed Kuya 6-03-2017

MR Rwakayigamba Ferdinand! Please FYI ngendumva urutonde rwabo rwakabaye rwarashyikirijwe Police kugirango ibikurikirane.

kaka Kuya 5-03-2017

Ariko ubwo ako sakarengane koko!!!abo barimu bari guhebwa naho abana barasibira !!!!ako nakarengane gakorewe abo banyeshuri

Ihimbazwe Aderine Kuya 5-03-2017

Nukuri Ibyabo Banyeshuri Birababajepe!! Ibyo Ntibyakagobye Kubaho Abobarimu Bagombwa Gukurikiranwa.

Huh Kuya 5-03-2017

Kubwanjye ndumva ntcyo nashinja abarimu kuko urumva barabaretse barakopera nyuma barabitangaza gusa ikibi nuko baba barabakopeje!

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...