konka coffee
KONKA

AMAKURU

UKWEZI

Kuvana igihugu ku busa ukakigeza aho kigeze mu myaka 23 gusa ntabwo byumvikana – Kagame

Kuvana igihugu ku busa ukakigeza aho kigeze mu myaka 23 gusa ntabwo byumvikana – Kagame
22-07-2017 saa 17:04' | By Vincent Nsengiyumva | Yasomwe n'abantu 1742 | Ibitekerezo 3

Umukuru w’igihugu yabwiye abaturage ibihumbi n’ibihumbi bya Nyagatare bari baje kumushyigikira nk’umukandida wa FPR Inkotanyi ko gukura igihugu aho cyari cyageze mu myaka 23 ishize ari ibintu byasabye imbaraga zidasanzwe. Yahise anabasaba ubufatanye kugira ngo ibyagezweho bizakomeze gusigasirwa.

Ubwo yaganizizaga imbaga y’abaturage ba Nyagatare mu murenge wa Nyagatare, umukandida wa FPR Inkotanyi yabizeje ko mu myaka irindwi iri imbere aka Karere kagiye kugira impinduka zidasanzwe.

Akigera mbere y’abari bamutegereje ngo abagezeho imigabo n’imigambi ye, Kagame yabanje gushimira byimazeyo abaturage bo muri aka karere kubera ubwitabire budasazwe ndetse n’ubwuzu bamugaragarije akihagera.

Yagize ati “Bantu ba Nyagatare mwakoze kuza,mwadutumiye natwe twabitabye. Inama ni iyo ku itariki ya 4 Kanama hanyuma tugatora umukandida wa FPR Inkotanyi, tugakomeza ubumwe, tugakomeza amajyambere, tugakomeza umutekano, imiyoborere myiza, uburezi, ibikorwa remezo … Mvuge iki ndeke iki, FPR Oyeeee.”

Kagame kandi yikije cyane ku mateka u Rwanda rwanyuzemo agasiga igihugu gisenyutse bikomeye ku buryo kucyubaka byasabye ko bahera ku busa.Aha yanasabye Abanyarwanda muri rusange by’umwihariko abaturage ba Nyagatare ko bagomba kureba aho igihugu cyavuye bakareba n’aho kigeze ubu maze bakahakura isomo rikomeye ryabafasha gukomeza gusigasira ibyagezweho

Yagize ati “[….] Amatungo, amashuri, amavuriro, imihanda, ibi byose mubona bibayeho muri iyi myaka 23. Mu myaka 23 gusa kuvana ikintu ku busa ukakigeza aho Nyagatare igeze ubu ntabwo byumvikana.”

Yunzemo ati “Icyo mbasaba rero ni ugukorera hamwe tugasigasira ubumwe bw’Abanyarwanda. Ibibereye Nyagatare byiza ntibikwiye guhera muri Nyagatare bikwiye no kugera mu Rwanda hose.”

Umukandida wa FPR Inkotanyi kandi yanashimangiye ko kuzamutora nk’abaturage ba Nyagatare ari ugushimangira amajyambere n’iterambere ry’umuturage wo muri aka karere ndetse no mu gihugu hose.

Yagize ati “Nyagatare, murorora mukagwiza, murahinga mugasarura mukihaza, mugatwara ku masoko mu tundi turere no hanze y’u Rwanda, ibi bibaye mu myaka 23 gusa. Ndabashimira cyane rero kandi ndagira ngo dukomereze aho duhereye ku itariki 4 z’ukwezi kwa munani dutora umukandida wa FPR Inkotanyi. Umukandida wanyu, amajyambere yanyu.”

Yanavuze ko mu myaka 7 iri imbere Nyagatare izaba yateye imbere ku rwego rudasanzwe ku buryo umuntu uzajya ahagera nyuma y’imyaka 2 atahageze azajya ahayoberwa. Yanasabye abaturage bo muri aka karere gukomera ku muco wo gukorera hamwe mu rwego rwo kutazagira usigara inyuma.


INKURU ZA :
Tanga Igitekerezo
Ibitekerezo 3
Peter Kuya 25-07-2017

Kagame iyo avuga yahereye kuri 0 bindya ahantu. Sibyo rwose
Butare yari Umujyi uteye imbere urimo abantu n’amafaranga none inzu zakorerwagamo mbere y’indege ubu zirafunze ahandi ni amatongo. Hagire umunyabutare uvuga ko Kagame yabateje imbere.

Mbere ya Genocide imihanda y’ingenzi ihuza intara n’umujyi wa Kigali yari ihari kdi ari kaburimbo
Ubu koko wabwira urubyiruko ute ko wahereye ku busa mbere ya Genocide twaridufite stade amahoro na stade regional de Kigali harya ubwo hiyongereyeho izihe?
Igikomeye kurushya ibindi: Abanyarwanda bahingaga ibishyimbo ibijumba ibirayi n’amasaka bakeza bakarya bakanywa ibigage bakenga inzarwa n’imitobe ariko ubu u Rwanda rwabaye urwamafaranga abona abatarenze 5%.

Navuga byinshi ariko rwose tujye tuvugisha ukuri dukore analyse ntabwo Kagame yahereye kubusa. Nibyo u Rwanda ruratera imbere ariko ni ibisanzwe kuko inkunga z’amahanga ziraza, imisoro iratangwa ndetse na zabank mondial n’izindi baduha inguzanyo ntakuntu rero twasubira inyuma ntantambara ihari. Ntanubwo iterambere dufite rishamaje kuko report ya bank y’isi igaragaza ko igihugu turusha iterambere muri EAC ari uburundi gusa kdi nibyo.
Imvugo ya politique yuko FPR yahereye ku busa irapfobya abanyarwanda twiyushye akuya muri za 70 na za 80 twubaka u Rwanda.
Sintukanye ntanze facts

Barinda Kuya 23-07-2017

GICUMBI District mwayigejeje he ahubwo ko yasubijwe inyuma n’amateka!!!!

Barinda Kuya 23-07-2017

GICUMBI District mwayigejeje he ahubwo ko yasubijwe inyuma n’amateka!!!!

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
  • munyemana Muli 2 Petero 3:13,Bible yigisha ko dutegereje "Ijuru rishya n’Isi Nshya".Abantu benshi beza,"bazasigara" kandi bature mu isi ya Paradizo iteka ryose.Naho ababi bose bazakurwa mu isi,bapfe burundu.Bisome muli Imigani 2:21,22 na Zaburi 37:29.Abandi beza bazajya mu Ijuru,nibo bazategeka Isi izaba Paradizo.Bisome muli Daniel 7:27 na Ibyahishuwe 5:10.Gehinomu,ni Igiheburayo "Ge Hinnom",bisobanura "Ikibaya cya Hinnom",cyabaga hafi n’i Yeruzalemu.Bahoraga batwikiramo imyanda n’intumbi z’abantu,bakaba ivu.YESU yavuze ko abanyabyaha bazajya muli Gehinomu,ashaka kuvuga ko "bazapfa burundu ntibongere kubaho".Byari ikigereranyo cy’icyo kibaya.Muli Abaroma 6:23,Bible ivuga ko igihano cy’icyaha ari "URUPFU" rwa burundu,nta kongera kubaho.Ntabwo ari Umuriro utazima.Bigenda gute iyo dupfuye?Ese tujya mu Ijuru?Nta hantu na hamwe Bible yigisha ko umuntu upfuye aba yitabye imana.Dore uko Bible yigisha ku Rupfu.Upfuye ntabwo aba yumva (Umubwiriza 9:5).None se yakitaba imana gute kandi atumva?Umwuka Imana yashyize muli Adamu,ntabwo ari Roho itekereza nkuko benshi bibeshya.Ahubwo ni “neshamah “ mu Giheburayo (breath mu Cyongereza,Souffle mu Gifaransa).Uwo mwuka imana yashyize muli Adamu,siwo utekereza.Hatekereza “ubwonko gusa†.Umwuka uba mu mubiri wacu,ni imbaraga zidukoresha.Twabigereranya n’amashanyarazi akoresha Radio.Ntabwo rero umwuka wakitaba imana kandi “udatekereza†.Iyo dupfuye,uwo mwuka uragenda,nkuko amashanyarazi nayo agenda,RADIO ntiyongere kuvuga.Dore urugero rwiza rwerekana ko iyo dupfuye tutaba twitabye imana: Igihe Yakobo bamubwiraga ko umuhungu we witwaga YOZEFU yapfuye,ntabwo yavuze ko umwana we yitabye imana.Ahubwo yavuze ko azasanga umwana we mu gitaka (Itagiriro 37:35).Bible yigisha ko upfuye yakoraga ibyo imana idusaba,azazuka “ku munsi w’imperuka†,agahembwa ubuzima bw’iteka muli paradizo (Yohana 6:40).Ni Yesu ubwe wabivuze.Abantu bapfa biberaga mu byisi gusa,biba birangiye batazazuka kuko imana ibafata nk’abanzi bayo (Yakobo 4:4 ).Barabora bikarangira (Abagalatiya 6:8).

    ">Wakoze kutubwira Ijambo ry’Imana.Ariko reka nkosore bimwe mu byo wanditse.Ndasaba abasomyi (...)
  • IZINDI NKURU WASOMA
    Loading...