konka coffee
KONKA

AMAKURU

UKWEZI

MIGEPROF yikomye abaha akato abana baterwa inda batarageza imyaka y’ubukure

MIGEPROF yikomye abaha akato abana baterwa  inda batarageza imyaka y’ubukure
6-11-2017 saa 05:33' | By Akayezu Jean de Dieu | Yasomwe n'abantu 1368 | Ibitekerezo

Minisiteri y’Uburinganire n’iterambere ry’umuryango MIGEPROF ivuga ko nta mwana w’umukobwa uzongera kuvutswa uburenganzira bwo kwiga n’ibindi ibyo aribyo byose bitewe n’uko yatewe inda. Iyi Minisiteri kandi ivuga ko abatera inda abana batarageza imyaka 18 bagiye kujya bakanirwa urubakwiye dore ko hari gutegurwa uburyo bwihariye bwo kuzaburanisha abakora ibi byaha byo gusambana abana batarageza imyaka y’ubukure.

Ibi ni ibisobanurwa na Minisitiri w’uburinganire n’iterambere ry’Umuryango, Madame Nyirasafari Esperance nyuma y’abana b’abakobwa bagiye bavugwaho kwirukanwa mu mashuri bitewe n’uko batwite, si aba gusa cyane ko hari n’abakobwa batwite bakunze kujya bavutswa bumwe mu burenganzira bwabo ahanini bitewe n’uko batewe izi nda nk’urugero rw’abakobwa babagera kuri 22 baherutse kwirukanwa mu itorero n’umutoza w’Intore, Bamporiki Edouard bazira kuba bari batwite ibi ngo bikaba byarakozwe kubw’uko hari gahunda zimwe ziba zateguwe mu itorero zirimo n’imyitozo ngororamubiri itagenewe umugore utwite.

Muri 2015 nabwo uwari Umuyobozi wa Komisiyo y’Itorero ry’Igihugu, Boniface Rucagu, yavuze ko abakobwa 96 bangiwe kwitabira itorero kubera ko bari batwite, hashingiwe ko hari gahunda zari ziteguwe cyane cyane imyitozo ngororamubiri batari bemerewe gukora.

Minisitiri Nyirasafari yavuze ko iki kibazo cy’abirukanwa mu itorero bagomba kucyigaho kuko bashobora gukora imyitozo ijyanye n’ubuzima barimo cyane ko hari n’amasomo ahatangirwa. Avuga kandi ko gutwita bitavuze ko ubuzima buba buhagaze cyane ko n’abagore batwite bakomeza gukra akazi nk’uko bisanzwe ariyo mpamvu iyi Minisiteri itazongera kwemera ko aba bakobwa bongera gukorerwa iryo vangura ngo ni uko batewe inda..

Ku kibazo cy’abatera izi nda abana batarageza imyaka y’ubukure, Minisitiri Nyirasafari avuga ko Leta yatangiye kubafatira ingamba zikakaye ku bufatanye na Polisi y’u Rwanda cyane ko kuri ubu iki cyaha cyo gusambanye ku gahato umwana utagejeje imyaka 18 gihanishwa igifungo cya burundu.

Yagize ati “Umwana utaragira imyaka 18 ntiyemerewe gukora imibonano mpuzabitsina, nukuvuga ngo umuntu wese uzakorana imibonano mpuzabitsina n’umwana utarageza imyaka 18 aba asambanyije umwana (……) Akenshi rero iyo umusambanyije umwana w’umukobwa ashobora gukuramo ingaruka zitandukanye zirimo kwandura indwara zandurira mu mibonano mpuzabitsina ndetse akaba yatwita inda itateguwe”

Yakomeje agira ati “Turasaba rero aba bana baba basambanijwe kugana Isange One Stop Center ubundi batange ikibazo Polisi ihita ibikurikirana turasaba n’imiryango y’abo bana kubaherekeza turashaka guhana aba bantu ku buryo bukomeye ikindi mu gihe kiri imbere tuzagira igihe kihariye cyo kuburanisha aba bantu bakoze ibi byaha byo gusambanya no guhohotera abana”

Ubusanzwe ingingo ya 190 y’igitabo cy’amategeko ahana y’u Rwanda, isobanura ko icyaha cyo ‘gusambanya umwana’ ari imibonano mpuzabitsina yose ishingiye ku bitsina ikorewe umwana uko yaba ikozwe kose n’icyaba cyakoreshejwe cyose.

Muri iki gitabo kandi, ingingo ya 191, ivuga ko umuntu wese usambanyije umwana, ahanishwa igifungo cya burundu y’umwihariko. Minisitiri w’uburinganire n’iterambere ry’Umuryango, Madame Nyirasafari Esperance


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...