konka coffee
KONKA

AMAKURU

UKWEZI

Min.Uwizeyimana Evode wise abanyamakuru ‘Imihirimbiri’ yibasiwe bikomeye

Min.Uwizeyimana Evode wise abanyamakuru ‘Imihirimbiri’ yibasiwe bikomeye
29-11-2017 saa 11:15' | By Akayezu Jean de Dieu | Yasomwe n'abantu 12840 | Ibitekerezo 20

Me Uwizeyimana Evode, Umunyamabanga wa Leta ushinzwe Itegeko Nshinga n’andi mategeko yibasiwe bikomeye na bamwe mu bakoresha imbuga nkoranyambanga nyuma y’imvugo yakoresheje yita abanyamakuru ‘Imihirimbiri’, aho bavuga ko ibyo yakoze ari ugutesha agaciro ikiremwa muntu no gusuzugura umwuga w’abanyamakuru.

Kuva mu ijoro ryo kuri uyu wa Kabiri tariki ya 28 Ugushyingo 2017 nibwo benshi mu bakoresha imbuga nkoranyambaga bakomeje kugaragaza akababaro ndetse no kwikoma bikomeye Minisitiri Evode Uwizeyimana ukunze kurangwa n’imvugo zikakaye zikunze kugarukwaho n’abantu bavuga ko aba yatandukiriye.

Intandaro yo kwibasirwa k’uyu muyobozi ni amagambo yavuze ku munsi w’ ejo kuwa 28 Ugushyingo 2017, ubwo yari mu Inteko Ishinga Amategeko muri gahunda ya Komisiyo ya Politiki, Uburinganire n’Ubwuzuzanye bw’Abagabo n’Abagore mu Iterambere ry’Igihugu yaganirwagaho n’abagize inteko.

Muri ayo magambo Me Uwizeyimana yakoresheje hari aho yageze avuga ko hari ibinyamakuru byo mu Rwanda bitazwi bipfa kwandika ibyo bibonye, aho n’ababikoraho badasobanutse, avuga ko ngo muri abo hari abo ureba ugasanga ari abantu b’imihirimbiri.

Me Evode kandi yumvikanye avuga ko hari ibibazo bikomeye mu Rwanda mu gushinga ibinyamakuru nta mikoro bifite ngo kuko ahandi umuntu ajya kugishinga afite ingengo y’imari ku buryo usebeje umuntu wabona indishyi utanga, “atari nk’ibi byacu.’

Aha Me Evode yahise akoresha imvugo yo kugereranya kurega abanyamakuru badafite ubwishyu no kurumwa n’imbwa itagira nyirayo igahita yirukira mu gihuru.

Yagize ati “Ese umuntu agusebeje cyangwa akakwandagaza, ukajya kumurega mu manza mbonezamubano ati mpa avoka, ni ukuvuga ngo kwa kubazwa inshingano wenda ntikukikuriho kwabaye ukw’ikinyamakuru ukorera, kuko ni ikinyamakuru kijya kuregwa. Ese kwa kubazwa ibyo ukora biba bigihari? Ese noneho ngiye kukurega, ndagutsinze, ko nzi ko ukennye urampa iki? Byaba se nko kuribwa n’imbwa itagira nyirayo, ikirukira mu gihuru wowe ukajya kwa muganga?”

Ibi byo kwibasira itangazamakuru kwa Minisitiri Evode byatewe n’uko ngo hari ibinyamakuru biheruka kwandika bimwe mu byavugiwe mu Inteko Ishinga Amategeko tariki ya 27 Ugushyingo 2017, ariko ngo ntibyashimisha abagize Inteko kuko bo bumva atari ngombwa gutangaza ibyahavugiwe.

Abantu batandukanye barimo n’abanyamakuru bagaragaje akababaro gakomeye batewe n’iri jambo ‘Imihirimbiri’ ryiswe abanyamakuru, aho bifashishije imbuga nkoranyambaga na hashtag #JeSuisUmuhirimbiri, bikoma uyu munyamategeko bavuga ko umwuga w’itangazamakuru bawufata nk’uwiyubashye bityo ko kubita imihirimbiri ari ukubasuzugura no kubatesha agaciro.

Si ubwa mbere Minisitiri Uwizeyimana akoresha imvugo ntizivugweho rumwe, kuko no mu nama y’igihugu y’Umushyikirano yabaye mu Ukuboza umwaka wa 2016, yabwiye Musenyeri wa Diyosezi ya Byumba, Sylverien Nzakamwita ko impungenge yagaragazaga ku bibazo biri mu muryango nyarwanda atari akwiye kubigarukaho ngo kuko atari mu bagomba kumenya ibibera mu ngo kuko nta rugo agira.

Ingingo ya 169 ivuga ko umuntu uhamwe n’icyaha cyo gusebanya yitwaje ubwisanzure bwo kugaragaza ibitekerezo, ahanishwa igifungo kitari munsi y’imyaka ibiri ariko kitarenze imyaka itatu n’ihazabu itari munsi ya 3 000 000Frw ariko itarenze 5 000 000 Frw cyangwa kimwe gusa muri ibyo bihano.

JPEG - 43.1 kb
JPEG - 49.2 kb
JPEG - 24 kb

INKURU ZA :
Tanga Igitekerezo
Ibitekerezo 20
alain Kuya 2-12-2017

mumurege mu nkiko niba mwumva yatukanye...naho ibyo kuvugira hirya wamugani nk ....imoka itaryana ntacyo bimaze.

dada Kuya 1-12-2017

Ariko mwagiye mureka gukabya,ubwose nibayabise imihirimbiri murinihirimbiri?cgwa murahuta mubayo?never argue with..........!

j Kuya 1-12-2017

Azashyireho amategeko agenga abanyamakuru atuma imihirimbiri itibonamo.niba hari ukuri yararigushaka kuvuga yakoresheje amagambo akakaye"imihirimbiri!!!! imbwa zitagira shebuja? ect..

Justine Kuya 1-12-2017

Ni mwihangane!!! none se ko yasebeje ubuyobozi bw’igihugu bakamuha promotion aho kumufunga,Agatuka abihaye Imana twese tububaha!!murumva arimwe yatinya!!? Ndamubabariye umuntu atanga icyo afite,tuzamufata nkimpuguke mu byamategeko anayaturindire,ariko ibyo kubaha byo ni ukubariza inkuru ku nkanda.mwihangane mube imihirimbiri ku izina ariko mube smart ku mwuga wanyu turabakunda cyane mutuma abayobozi nka ba EVODE bisubiraho.umwanzuro:Bamporiki abisuzume arebe niba yatandukiye amujyane muri ryatorero dusigaye dutorezamo intore zabaye intoraguramayugi.

RUTO Kuya 30-11-2017

URL JAMBO IMIHIRIMBIRI RIRAMPAHAMUYE BARI MPERUTSE KURYUMVA UWARI MINISTRE MY NGOMA HE HABYARA WITWA BIZIMUNGU CASMIL ARYITA INKOTANYI NONE EVODE ARARIGARUYE...HARYA NTIYIGEZE NO KUVUGA NGO RWANDA IYOBOWE N AGATSIKO KAMABANDI.NZABANDORA NUMWANA W UMUNYARWANDA.!!!!

kwelwe Kuya 30-11-2017

Nyamara yavuze ukuri, kuko nange harabombona ukagirango ntibazi akazi kabo.

Rero ukuri nikwiza Nubwo kuryana

bb Kuya 30-11-2017

NTA KOSA MINISTRE YAKOZE NA RIMWE KUKO TURAMUSHYIGGIKIYE TWESE URETSE ABANYAMAKURU MUREKE KUBESHYA NGO YIBASIWE NINDE SE UTAZI BAGAFOTOZI BANYU UKO BABA BASA IMBERE Y ABANTU MUJYE MUREKA BABAVUGE UKO MURI MURIMIHIRIMBIRI NYINE!!!!BAVUG IBIGORAMYE IMIHORO ,.......

CHACHA Kuya 30-11-2017

minister ikosa yakoze nirihe?uretseko abanyamakuru baba bashaka gushyushya imitwe yaba nya politique mumureke yikorere akazi.mumuhe amahoro,wowe wanditse iyi nkuru usubire inyuma ugende uturebere abayobozi bacu bagiye batuka abantu maze mumara gukora ubushakaskatsi ugasanga ari evode wenyine umusabire igifungo.urakoze wamunyamakuruwe wihaye rubanda

br Kuya 30-11-2017

Min ntabwo yatutse ibitangaza makuru cg abanyamakuru bakora neza. yavuze abanyamakuru bamwe nabamwe kandi numunyamategek arabizi.

Moize Kuya 29-11-2017

Yemere asabe imbabazi kuko umusaza nabimenya ntibimugwa amahoro

Moize Kuya 29-11-2017

Yemere asabe imbabazi kuko umusaza nabimenya ntibimugwa amahoro

Fab Kuya 29-11-2017

Sinshyigiye gutukana habe na mba ariko ikintagaza abenshi muvuga iyo ari Evode. Nyamara abenshi mu banyapolitiki b’u Rda baratuakana ngaho ngo Keneth ni imbwa y’interahamwe, ngaho abise abandi imbwa bagomba gupfa nk’imbwa, ngaho abita abandi "sorcière". Urutonde ni rurerure. Ahubwo ndabisabira abanyapolitike bacu kujya batubwira ibidufitiye akamaro aho kwigisha ibitutsi.

Mana Jya Uduha Ubwenge nyakuri

Ruhumuriza richard Kuya 29-11-2017

Evode umva nkubwire ibyo wavuze bishobora kukubera imperuka ku munwa wawe ! iterabwoba ryawe turarirambiwe hamahamwe itangazamakuru rikwereke sha! wahoze urumuvugizi Wa FDRL UKIBABA MUBUHUNGIRO WIRIRWA UTUKA PEREZIDA NGO AYOBOYE AGATSIKO KAMABANDI URAZA USABA IMBABAZI ! Ingabire victoire mwakoranye ahari urahazi! wowe bakubitse mo iki? IMPAMYABIGWI URAZIZI? PEREZIDA ASHIMIRA ABANYAMAKURU NYUMA YAMATORA URABIZI? EVODE NTIBYANTANGAZA ARIKO HAMA HAMWE TUVUGANE PEE!!! UMUNWA NI DANGER! Imihirimbire ni[?????????] cg [.........................]

Ndahiriwe Alexandre Kuya 29-11-2017

Evode bazamujyane i ndera bamusuzume ko nta kabazo yigirira mu mutwe avuye kuru Musenyeri wa Byumba atangiye no gutuka itangazamakuru ryamuhaye umwanya ngo uvura umusazi amaso bwaca akayakuvundurira, icyo nsaba abanyamakuru niba batari imihimbirimbiri bamusabire kwegura kuko ni ubutegetsi kimwe n’ubundi nta gaasuzuguro dushaka muri iki gihugu cyiyubasye natahe ajye guhnga ibijumba yahaze imigati

noha Kuya 29-11-2017

mumwihorere abe avuga ejobazamunyata akakanya yibagiwe uko ukoyasebyaga leta akiri hanze nabe arishongora ikipe arimo ntabwo ayizi muhaye imyaka itatu iindi nimuburoko

Odinga Paul kigarashya Kuya 29-11-2017

Kwita abanyamakuru imihirimbiri nokwita abayoboye igihugu agatsiko kamabandi wamara bikaguhesha kuba minister harikinazo kirimo ariko umwera uturuka ibukuru mumuhe amahoro ibise abandi inigarasha isazi ect... komutabamaganye

Mahoro Kuya 29-11-2017

Gutukana bimaze kujya mu ndangagaciro zanyu! Igihe umuntu (muri Parlement) yatukaga umuyobozi wa human rights ntimwabihaye umugisha? Hari umunyamakuru watinyutse kubigaya? Ibyo mubiba ninabyo muzajya musarura.

fkaaa Kuya 29-11-2017

uyu muyobozi yigize hatari kd ntaziko umunsi we arumwe

Lamina Kuya 29-11-2017

Ijambo Evode yavuze ryumviswe nabi yavuze ati:" HARIMO abo ureba ugasanga ari abantu b’imihirimbiri†. Ijambo HARIMO ntibivuze ko bose ari bo. Gusa habayeho ubusesenguzi bucye bw’abanyamakuru. Ese uwavuze ko hari abanyamakuru b"inzara kuki batamwibasiye?. Ibi byatumye nanjye nungamo ngaragaza ingero 2 ’z ibintu byatangajwe byinjira mu buzima bwite bwa muntu:

URUGERO1: Taliki 26-04-2017 - 15:46’ ,Ikinyamakuru kigalitoday cyasohoye inkuru ifite umutwe uvuga ngo"Guverineri Mureshyankwano yaturitse ararira mu muhango wo Kwibuka"[.http://www.kigalitoday.com/kwibuka/article/guverineri-mureshyankwano-yaturitse-ararira-mu-muhango-wo-kwibuka]. Ibi byageze kuri nyiri kwandikwaho agaragaza ko atishimiye iyi nkuru n uko bigaragara mu kinyamakuru izuba rirashe mu nkuru yacyo yo kuwa 10/07/2017 2:38 ifite umutwe uvuga ngo"Mureshyankwano yababajwe n’inkuru yamwanditsweho ivuga ko yarize mu ruhame"["http://izubarirashe.rw/2017/07/guverineri-mureshyankwano-yababajwe-ninkuru-yamwanditsweho-ivuga-ko-yarize-mu-ruhame/]". Byatumye nibaza ibi bibazo bokurikira:

[1] Ubundi iyi nkuru ni ki yari kumarira umusomyi
[2] Ese dufate ko yarize, hanyumwe imbaga yabantu bari bari kukamonyi niwe wenyine warize?

UMWANZURO: Umunyamakuru watangaje iyi nkuru ni umwe mu mihirimbiri EVODE yavuze.

URUGERO 2: Taliki 11/03/ 2017 , Umunyamakuru witwa Thoeneste ukorera umubavu.com yashyize inkuru kuri Youtube ifite umutwe uvuga ngo" Aline Gahongayire atuka uwamubajije iby’ubushurashuzi bwe". Iyo wumvise iyo audio usanga uyu munyamakuru yagombaga kujyanwa mu rukiko, kuko yinjiye mu buzima bwite bwa muntu kandi bigaragaza ko nyiri ubwite byamubabaje. Aline yaramusubije ati : " ndi kugusubiza wowe nk’umuntu ufite ubwenge ugatinyuka kumbaza ngo Alina yatandukanye n’umugabo niba naratandukanye nawe njya guhura nawe narabatumiye? Ubwo ni ubuzima bwanjye private". Ngahongayire yongeyeho ko ari "abo inzara".

Byatumye nibaza ibi bibazo bokurikira:
[1]Aline Gahongayire ni we utandukanye n’umugabo ku isi ya rurema?
[2] Ngo gushurashura, ubu uyu munyamakuru yari yizeye igisubizo ki abaza iryo jambo?
[3] Ese aho Aline iyo amujyana mu rukiko aho THEONESTE ajyanywe mu rukiko ntiyaba nk’ibyo EVODE yavuze ati:" kurumwa n’imbwa itagira nyirayo".

UMWANZURO: Umunyamakuru watangaje iyi nkuru ni umwe mu mihirimbiri EVODE yavuze.

Hari abandi banyamakuru batangaza ibintu bitari byiza bituma isura yabo ihinduka iy’ abanyamihirimbiri, abinzara, ’kurumwa n’imbwa itagira nyirayo".

munyaneza Kuya 29-11-2017

kubwanjye ndumva atatukanye kuko ntago yavuze ibinyamakuru byose yavuze ko hariho abanyamakuru bamwe nabamwe ubwo rero Ministre ntmumwihe

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...