konka coffee
KONKA

AMAKURU

UKWEZI

Minisitiri Ngirente yasabye ubufatanye mu guhangana n’ibibazo byugarije abana

Minisitiri Ngirente yasabye ubufatanye mu guhangana n’ibibazo byugarije abana
7-12-2017 saa 11:30' | By Akayezu Jean de Dieu | Yasomwe n'abantu 451 | Ibitekerezo

Minisitiri w’intebe w’u Rwanda, Dr Ngirente Edouard, yavuze ko Abanyarwanda bose basabwa gusenyera umugozi umwe mu gushaka umuti wa bimwe mu bibazo bicyugarije abana nk’abakobwa baterwa inda, abana bata ishuri bakajya mu buzererezi cyangwa mu gukoreshwa imirimo mibi ndetse n’abana bakoresha ibiyobyabwenge.

Ibi Minisitiri Ngirente yabigarutseho kuri uyu wa Kane tariki 7 Ukuboza 2017, ubwo yatangizaga ku mugaragaro inama nkuru ya 12 y’abana ifite insanganyamatsiko igira iti ’Uburere buboneye: inkingi yo kubaka u Rwanda twifuza’, iyi nama iri kubera i Kigali mu ngoro y’Inteko Ishinga Amategeko y’u Rwanda.

Minisitiri Ngirente yavuze ko iyo umwana ahawe uburere bwiza bitanga icyizere ku muryango we n’igihugu muri rusange, asaba ababyeyi guha uburere bwiza abana babo kugira ngo u Rwanda rw’ejo ruzarangwe n’iterambere rirambye

Yagize ati "Umuntu wese wifuza iterambere rirambye ry’Igihugu cyangwa ry’Umuryango we, aha agaciro gakwiye abana. Abatoza bakiri bato kuba abantu bafite ubumuntu Abatoza kuzahora barangwa n’indangagaciro zizabafasha mu buzima bw’abo bw’igihe kirekire"

Yakomeje agira ati "Twibuke ko icyo turi cyo uyu munsi tugikesha ahanini uburere twahawe tukiri bato. Aka gaciro gakomeye k’abana ni ko katumye u Rwanda rwiyemeza gushyiraho ingamba zo guha abana bacu urubuga rwo gutanga ibitekerezo byabo kuri gahunda z’iterambere ry’Igihugu cyacu"

Minisitiri Ngirente kandi yavuze ko Abafite hagati y’imyaka 13 na 30 bo bangana na 27%. Ahamya ko iyi mibare ubwayo irivugira kandi igaragaza ko abana n’urubyiruko aribo mizero y’u Rwanda rwiza rw’ejo twifuza. Ati "Nimwe muzusa ikivi tuzabasigira mukazaterura n’icyanyu mugomba kuzasigira abazabakomokaho".

Minisitiri Ngirente kandi yasoje abwira abana ko bafite inshingabo zo gukunda igihugu ati "Mufite n’inshingano yo gukunda Igihugu cyanyu no guharanira ko cyatera imbere. Kwiga mushyizeho umwete nabyo ni inshingano mugomba gukomeraho"


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...