AMAKURU

UKWEZI
ubumwe

Minisitiri Uwacu wavutse ku muhutu n’umututsi, yatanze ubuhamya bw’ibyo yaciyemo mu 1994

Minisitiri Uwacu wavutse ku muhutu n’umututsi, yatanze ubuhamya bw’ibyo yaciyemo mu 1994
12-12-2016 saa 15:48' | By Chief Editor | Yasomwe n'abantu 16255 | Ibitekerezo 37

Kuri uyu wa Mbere tariki 12 Ukuboza 2016, Minisitiri w’Umuco na Siporo, Uwacu Julienne, yatanze ubuhamya bwakoze benshi ku mutima ubwo yaganirizaga urubyiruko ruri mu Itorero urunana rw’Urungano riri kubera i Gabiro, rigizwe n’abasore b’inkumi baba mu Rwanda no mu mahanga. Yasobanuye ubuzima yanyuzemo mu gihe cya Jenoside yakorewe abatutsi mu 1994.

Ubwo yasobanuraga iby’umuryango akomokaho n’uburyo wishwe, Minisitiri Uwacu yagize ati: "Navutse kuri Papa w’Umuhutu na Mama w’umututsi. Mu ishuri nahagurukaga mu byiciro byose. Muri 1994, ababyeyi banjye bishwe n’abasirikari ba leta y’abatabazi. Imitungo yacu yasahuwe n’abaturanyi ndetse na bene wacu. Mu gukura nk’imfubyi, nanze bene wabo wa papa."

Minisitiri Uwacu Julienne yakomeje asobanura uburyo yibazaga impamvu abahutu batakoze Jenoside, ntacyo bakoze ku bahigwaga. Aya yabisobanuye agira ati: "Nahoraga nibaza impamvu Abahutu batahigwaga ntacyo bakoze ngo bahishe Abatutsi bicwaga... Nyuma ya Jenoside yakorewe Abatutsi, nagombaga kwiga amashuri yanjye no kurera abavandimwe banjye... Uyu munsi mfite igihugu cyanjye, ndi umugore ufite agaciro. Ibyo bituma nishimira kuba muri uru Rwanda rushya."

Urubyiruko rwitabiriye itorero rwari ruteze amatwi Minisitiri Uwacu Julienne atanga ubuhamya

Minisitiri Uwacu Julienne kandi yaratiye uru rubyiruko ibyo Minisiteri ayobora ikora nk’inshingano zayo, anabereka ibyiza by’Itorero. Yagize ati: "MINISPOC ifite inshingano zo kurera umunyarwanda mwiza ubereye u Rwanda twubakiye ku muco wacu. Kuba itorero ryaragarutseho ni kimwe mu bigaragaza ko u Rwanda rushaka kurerera abarwo mu muco nyarwanda... Dukeneye kugarura za kirazira Kiliziya yari yaraciye. Muzajya mu mahanga ariko muzirinde kuzimirira muri urwo ruvange rw’imico."


INKURU ZA :
Tanga Igitekerezo
Ibitekerezo 37
Daniella Kuya 3-07-2019

Mwese mumaze kurengwa nimwivuge kko muri mugihugu cyamahoro mutazi uko abakirwaniye ububabare bagize none mumaze kurengwa mutangiye kwivuga icyo muricyo mutuze kdi mubane mumahoro hekugira uwongera kuduteza ibibazo

Jassy Kuya 29-07-2017

Mbega umuntu!!
Ugatinyuka ukavuga utyo?!Abantu nkamwe bazabace mu gihugu kuko nimwe mubiba inzangano mu bantu!Ubwo iryo ni isomo wari ubonye ryo kwigisha urubyiruko?!
Ese ubwo iyo uri iwawe abana bawe uwapakiramo ibingana iki?! Wakwanaga so na bene wabo,menya neza ko genes se/zabo zikutimo !

kaka Kuya 15-12-2016

iyo bahagurutsaga abanyeshuri wahagurukaga hose ? Ugahaguruka mu bahutu no mu batutsi ugahaguruka . Mujye mubeshya abatari mu RWANDA . nonese niba utari uzi aho ugomba guhaguruka na mwarimu ntiyari akuzi en plus umwana wa BURUGUMESITIRI . Tujye tuvuga ibintu uko byari biri wahagurukaga mu bahutu;

Julien Kuya 14-12-2016

Twese turi Benekanyarwanda: nta muhutu, nta mututsi, nta mutwa. Amoko ni ay’ abanyapolitiki mu kurengera inyungu n’ inda zabo ndetse n’ intebe bicayeho. Harya twese mu mukino wa politique turira ku mbehe imwe ra?

gihozo Kuya 14-12-2016

ndabona ibyo twirirwamo arukwibeshya no kubeshya imana gusa mu rwanda amoko arahari kandi akabije nkundane numuhungu hanyuma papa we amubaze ngo wabona uri ikigoryi utazi ubwoko bwumukobwa mukundana hanyuma umuhungu aza kubumbaza maze kubumubwira ubwo se amubwirako bidashoboka umuhungu nawe ati ntitwakomeza gukundana ngubwoko bwacu nikizira yewe mwicececyere kandi se ngo numuyobozi ra nakumiro naho ubundi turabeshyana kuko no mu kazi baguha akazi bamaze kumenya icyo uri cyo

Emmanuel Kuya 13-12-2016

Abantu ku isi turi ubwoko bumwe. kuko dushobora kubyarana tukororoka,ari abazungu ari abirabura.Amoko aba mu nyoni n’ibisimba.Ibyo rero twita amoko(hutu,tutsi,twa)kuvuga ngo ntibikiriho, ni uburyarya ,ni ikinyoma rwose. Kandi buretse ububi bw ’abantu, ese ubaye ubwoko nkaba ubundi byaba bidutwaye iki?Uzanshishoreze cyane niba ibyiciro by’ubudehe cyera kabaye bitazaba amoko!

Natus Kuya 13-12-2016

Burya bwose Juliene amateka ye ni aya yose. None se uyu munsi yumva ari umututsi kurusha uko ari umuhutu ! umva ayo mateka si ayawe gusa uretse benshi babuze aho bayavugira gsa ni ubuhamya bwakagombye gutangwa hagamijwe kwubaka ubunyarwanda kko ushatse amaraso ya Tutsi gusa n’amaraso ya Hutu gusa wasanga ntaho wayasanga ni benshi bavangavanze keretse nabo nibakorerwa ibarura bakagira uko bafatwa muri iki gihugu twirirwa tubeshyana kandi ariko twica ahazaza h’abazadukomokaho tubakangurira kubaho bashyira imbere kumenya ubwoko bwabo kurusha ibindi byagirira twese akamaro. IKIBAZO MFITE BURI WESE IYO UMUBAJIJE IBYE AKUBWIRA KO ARI UMUTUTSI... (Narumiwe..)

Emmanuel Kuya 13-12-2016

maze gusoma inkuru yuzuye ibinyoma, amacoyinda gucabiranya, huhakirizwa no gutoza abana bato urwango mu ijambo minisitiri Uwayo julienne yavuze numva ndumiwe.
ariko namanutse nsoma na comments abantu bashyizeho numva ziranyubatse.
iyo ibisahiranda by,abategetsi biriho bitayanjwa kugirango biramuke rubanda rurarebera rugacejeka bakagirango ntabwenge rufite.
niba ukeka ko ibyo julienne yabeshye rubanda batabibona ndagusaba gusoma comments z,abantu.

Emmanuel Kuya 13-12-2016

maze gusoma inkuru yuzuye ibinyoma, amacoyinda gucabiranya, huhakirizwa no gutoza abana bato urwango mu ijambo minisitiri Uwayo julienne yavuze numva ndumiwe.
ariko namanutse nsoma na comments abantu bashyizeho numva ziranyubatse.
iyo ibisahiranda by,abategetsi biriho bitayanjwa kugirango biramuke rubanda rurarebera rugacejeka bakagirango ntabwenge rufite.
niba ukeka ko ibyo julienne yabeshye rubanda batabibona ndagusaba gusoma comments z,abantu.

intore Kuya 13-12-2016

igihe kirageze ko urubyiruko rukorera igihugu kubera mateka yaturanze atarabaye meza niyo mpamvu abayobozi badushishikariza kubaka igihugu cyacu dushyize hamwe nkabanyarwanda aho gushyira imbere amoko

david Kuya 13-12-2016

imvugo niyo ngiro bana burwanda twubake igihugu cyacu cyane ko aho cyavuye twese tuhazi naho kigana bigaragarira buri wese ka twese nkabitsamuye dufatane urunana twibubakire urwatyaye nkurubyiruko rwejo hazaza hurwanda

zawa Kuya 13-12-2016

muntu watekereje guhuza uru rubyiruko ndagushimiye kuko bamwe baba mu mahanga bagira ibitekerezo bapakirwamo nababa iyo babashya ko mu Rwanda bicika ndetse nta cyizere cy’ahazaza rufite none baje bibonera aheza u rwanda rufite bityo bazasubirayo bavuga ibitandukanye nibyo babwirwaga.well done Rwandan govt

kana Kuya 13-12-2016

Mbere na mbere reka nshinire uwateguye kino gikorwa cyo guhuza abana badahuje amateka ariko bose bakaba ari abanyarwanda ni ukuri iyo ndebye u Rwanda mpita mbona ko byose bishoboka kuko mu myaka 22 ishize ibi ntabwo byari bukunde kubera ubuyobozi bubi kandi buvangura abanyarwanda, impamvu rero mbashimye nuko ibyo mukora byananiye benshi yemwe n’ababyeyi bakagize uruhare rufatika mukwigisha abana babo bagamije ko bazagira ejo heza usanga babarohamo amacakubiri!, gusa leta yarakoze ni ukuri inyigisho bakuyemo ndahamya ko zizagira akamaro muguteza imbere igihugu muri rusange

kisouba Kuya 13-12-2016

‘dukoze urunana nta muntu ushobora guturuka hirya ngo aze atumeneremo, dufite imbaraga, turareba hamwe, turabona kimwe aho tuvuye, tuzi neza aho turi, turareba kimwe aho tugana kandi imbaraga zubaka igihugu cyacu, ibitekerezo bizubaka igihugu cyacu, inzozi zizubaka igihugu cyacu, ni twebwe bizaturukamo.’’ inama nziza za Min Nsengimana turazishima cyane

lisara Kuya 13-12-2016

gukunda igihugu no kugikorera bigomba kuba mu maraso ya buri munyarwanda. kubera jenoside twaciyemo yatumye benshi bazinuka ari nako abayikoze banayitojwe igihe kinini ubu hari bamwe bakidegembya, turasabwa natwe gukoresha ingufu z’umurengera mukubaka u Rwanda bitari ibyo twaba turi kwikinisha

kalimunda Kuya 13-12-2016

izi nkigisho zahawe runo rubyiruko ni ukuri zikwiye kugera kuri buri rubyiruko rw’u Rwanda kuko zirubaka kandi zirafasha, sinshidikanye ko u Rwanda ruza imbere mu bihugu byigisha urubyiruko ibyiza byagira akamaro mu iterambere ry’igihugu

kibamba Kuya 13-12-2016

kwigisha umwana ni uguhozaho, ni nayo mpamvu buri wese agomba guhabwa inyigisho ku ndangagaciro

simba Kuya 13-12-2016

rubyiruko mukenyere mukomeze duhangane n’abasebya u Rwanda kuko bashaka kudusubiza mu icuraburindi. ubwo dufite ubuyobozi bwiza kandi butwumva ntacyo tutazagera, mureke dukore nk’abikorera hato tutishinga abafite izindi nyungu bashaka gusenya ibyo twagezeho bisa nko gutema ishami ry’igiti twicayeho

Wawa Kuya 13-12-2016

nshimira leta gahunda ishyiraho zo kwigisha urubyiruko cyane cyane kuri gahunda z’ubumwe n’ubwiyunge bw’abanyarwanda, urubyiruko rwacu rwaciye mu muateka mabi ku buryo bakeneye guidance izabafashe nejo hazaza, iyi gahunda ni nziza cyane kandi birashinisha iyo babobye ubuhamya bw’abantu bakomeye nkubu bwa minister. ni ukuri u Rwanda dufite umugisha kuko dufite ubuyobozi bwiza

Kabagambe Kuya 13-12-2016

Min uwacu wakoze ku nama watanze bizatuma nta mubyeyi wongera kupakira umwana we ibitekerezo bisenya

ndumunyarwanda Kuya 13-12-2016

alikwababo bikanzikira?

claudine Kuya 13-12-2016

Uwavu yiyibagije kubabwira ko ise ya burugumestiri wa komine Mutura.

zach Kuya 13-12-2016

Reka babivuge kuko bibabeshejeho! None batavuze ko bagowe bazamukira kuki? Ko murwanda ari uguhora dusimburana kubutoni cyangwa kumibabaro, tukaba tutazigera tugira amateka duhuriyeho twabigenza dute?bati ntakwiga kwari guhari, Kandi barize! OK, bashobora kuvuga ibyo bashaka byatuma bagumana umugati ariko nibitondere kwegura iturufu y’amokoko kuko muburyo bumwe cyangwa ubundi yababaje abanyarwanda bose. Bariya bana babwira nabo nibahe agaciro ubumenyi bakuye mumahirwe yo kwiga mumashuri meza nuko bamaze kumenyerwa ko hari amashuri meza n’amabi, naho emotions z’abantu kugiti cyabo ntacyo byabongerera

SHYAKA Kuya 13-12-2016

Mwagakwiye kutubwira ibitwubaka nk,abayobozi gusa iibabaje nuko namwe mumeze nkabikeka amababa
Twubakire kuri ntumunyarwanda nukuri mugabanye ibidusubiza inyuma dushaka iterambere
Gusa IMANA iborohereze mubyomukora byose

Karenzi Kuya 13-12-2016

Murahaze sha !!! harya ba Rwigara Assinapol, Assiel Kabera, Patrick Karegeya, Kayitare, Seth Sendashonga nizindi nzirakarengane zitabarika bo barazira iki !?!?!? Imfubyi n’anapfakazi basize bavuga iki ??? Time will tell

Vision 2020 Kuya 13-12-2016

Mme minister rwose wibiba inzangano murubyiruko. ubu buhamya bwawe ntibwubaka burasenya. kandi mujye mumenya nimvugo mukoresha muruhame natwe zadufasha kumva koko ko muli abayobozi mubereye kutuyobora. Ngo wanze abahutu bene wabo waso ? yewe ndumiwe ko mutubwira ko irondakoko ryarangiye mu rwanda none kkaba ndeba ahubwo rigenda rifata indi ntera murigisha urubyiruko. Mbega abayobozi ! urongera uti ndi umugore wagaciro.abandi banyarwandakazi se bo bakaba iki ? ubwo se ufite agaciro nka kangahe la ?

Alice Kuya 13-12-2016

mami@umenye ko hari nabahutu bapfaga bazize abagore babo ibyo byarabaye nshuti yanjye,cg akazira ko adashyigikiye abicanyi,ntabwo abahutu Bose ariko bishe,uzakurikire neza amateka.kandi nabishe ngabo bagenda bivamo,uwamennye amaraso wese biramugaruka byanga bikunda harigihe bigaruka umuryango wawe,bari bavuga se?tegereza biracyaza....

king king Kuya 13-12-2016

ariko mujye musoma mwunve neza icyo bashakaga kuvuga cg ikigenderewe. bashakaga kukwigisha wowe ugifite ibitekerezo bya kera ngo wunve icyo bita urwanda rusha rutarangwamo amacakubiri , ironda karere naho ibyo kuvuga ngo abahutu babuze akazi none se ntabatutsi bakabuze ndetse banarurwaniye nkatswe wowe wirirwa usakuza gusa. mujye mugabanya ingengabitekerezo

ngahoda Kuya 13-12-2016

ngaho da! burya bwose iwacu ni umuhutu kazi! umunyarwandakazi yise umwana we bazivamo Christopher!

mami Kuya 13-12-2016

minister iwacu araducanze rwose! nonese ko mama we yazize kuba yari umututsi, papa we yazize iki? ambabarire ko nta kintu nkuye m
u buhamya bwe pe! ahubwo ubuhamya bwa Philbert burasobanutse!

Lado Bamenya Kuya 13-12-2016

Nyakubahwa Minister ntabwo rwose ari byiza gutoza urubyiruko kwanga abandi ubahoye ubwo bwabo. Reka nkubwire nanjye mvuka kuli data w’ umuhtu na mama w’ umututsi w’ umwegakazi benewabo bose babaga i Bugandi barahungiyeyo . Ariko genocide yo yankozeho kukuryo data na mama bishwe na bene wabo wa mama jye sinigeze mbanga kandi abo bene wabo wa mama baranatsebyeho bene wacu bo kwa data yewe na nyma ya Genocide, mushiki wanjye interahamwe zaramushwanyaguje ziterea mu musarani ngo zirica umututsi kazi benewabo wa mama bica umugabo we wari umuhutu impfubyi yasigaye yonka abmabere yanyina wapfuye, we yaje kwa sekuru w’ umuhutunyirakuru w’ umututsikazi nyuma imyaka itatu nkuko nabivuze haruguru benewabo wamama baraza barabica, aka kana gacika wk’ icumu ubwa cumi. Nagumye gusaba ko umurambo wa mushiki wanjye wahambwa mu cyubahiro , ibi biba muli 2013 yarishwe 1994, iyo mpfubyi ntizi uko ubufasha bwagenewe abacitse kwicumu busa kuko ibye ni uruvangitirane rutuma atitwa nyabyo uwacitse ku icumu rya genocide, yewe na Farge ntiyigeze imulihira yize bimugoye kuko yari impfuye itagira numwe wasigaye, cyakora yabonye inguzanyo yiga kaminuza imyaka itatu ibi kubera ubwenge bwe. Ibi ntibyabujije ko yicara nta kazi nyine ntakivugira. kuko ku ruhande rwo kwa nyirakuru w’ umututsikazi bari barashiriye i Buganda ndetse hari bamwe bishwe na Idi Amin, ku ruhande rw sekuru w’ uhutu nabo bose barashize kandi bari nk’ umuryango urenga igihumbi, MUJYE MWIBUKA IBYABEREYE I BUGANZA KUKO INTERAHAMWE ZAVUGAGA NGO nta muhutu nta mututsi w’ i Buganza. Bene wabo wa manma babo ngirango niko bitekereje batsemba tsmaho wenda bishakira amasambu meza yo gushyiramo inka zabo no guhinga. Rero ba Ministre ibintu nkibi mujye mwitonda kuko nimushyiramo amarangamutima ya Politiki hari abo muzaba mukomeretse bo babona bararindagiye ndetse bamwe baragwingiye

fkaaa Kuya 12-12-2016

abayobozi ko muducanga ngo tube ndumunyarwanda kd mwe mukatubwira ibyo muribyo nkubu umwana wumva minista avuga gurya wwe uzamwumvisha guteko ntamoko aba murwanda ahaaaa

Anita Kuya 12-12-2016

Yego rata! "Mu gukura nk’impfubyi, nanze bene wabo wa papa"

edrice Kuya 12-12-2016

abahutu muri injiji ESE mutekereza ko ubwo buhamya bwanyu haricyo bumaze???anyway I wont song called Muburoko by Social mura sent for me pls

sawasawa Kuya 12-12-2016

Rimwe ngo nta moko ari mu gihugu, aba bo baturutse he. Muradusebya nk’abanyarwanda, mushake ibindi mwavuga byatwubaka nk’abanyarwanda muvane ibyo aho.
Ngo abahutuuuu, muri kwiyamamaza se??

-xxxx- Kuya 12-12-2016

Arega nubundi iyo umuhutu amaze kwijuta niko bigenda

musa Kuya 12-12-2016

Yakuze ate? Yize ate ? Yabonye akazi ate........

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...