konka coffee
KONKA

AMAKURU

UKWEZI

Mpayimana ushaka kwiyamamariza kuba depite arasaba ko yazasonerwa mu gushaka abamusinyira

Mpayimana ushaka kwiyamamariza kuba depite arasaba  ko yazasonerwa mu gushaka abamusinyira
9-01-2018 saa 09:46' | By Vincent Nsengiyumva | Yasomwe n'abantu 1648 | Ibitekerezo

Philippe Mpayimana uherutse gutsindwa mu matora aheruka guhatanamo y’umukuru w’igihugu umwaka ushize, akomeje kugaragaza ko azatanga kandidatire mu bazahatanira imyanya mu Inteko Nshinga Amategeko umutwe w’Abadepite.

Uyu munyapolitike ushaka kwiyamamaza nk’umukandida wigenga avuga ko hari byinshi binaniza abakandida bigenga bashaka kwiyamamariza kuri uyu mwanya aho abifata nk’ingaruka zo kuba kugeza magingo aya nta mukandida wigenga uratsindira umwanya w’Ubudepite, asaba Komisiyo yigihugu ishinzzwe amatora ko yagira icyo ikora nabo ikaborohereza.

Mu kiganiro yagiranye na Radio Ijwi ry’Amerika Mpayimana Philippe avuga ko umubare w’amajwi asabwa abakandida bigenga agomba kugabanywa akavanwa kuri 5% agashyirwa munsi yayo ndetse no gushakisha mu baturage imikono y’abantu 600 bamusinyira byakurwaho ngo kuko ari bimwe mu nzitizi zikomeye bahura nazo.

Yagize ati “ Ibijyana n’uriya mubare w’amajyi 5% babe babigabanya. Niba hari imyanya 80 y’abadepite umukandida wigenga aba aharanira umwanya umwe, kuki batamusaba kimwe cya 80, cyangwa se tuvuge imyanya yagenewe amashyaka kuko ni imyanya 53 kuki batamuharira kimwe cya 53 cy’amajwi mbese biri munsi ya 2%. Babyoroheje mu nama y’igihugu ishinga amategeko hazzajya habamo n’abakandida bigenga benshi.”

Gusa Mpayimana ku ruhande rwe asaba Komisiyo y’igihugu y’amatora ko yazamusonera maze ntiyongere gushakisha mu baturage imikono 600 y’abamusinyira ngo kuko yayibonye ubwo yiyamamarizaga umwanya w’umukuru w’igihugu umwaka ushize.

Imikono isabwa umukandida wigenga iteganywa mu itegeko rigena amatora ryo mu mwaka wa 2010 mu ngingo yaryo ya 94 aho iryo tegeko risaba umukandida wigenga ushaka kwiyamamariza umwanya w’Abadepite, urutonde byibura rw’abantu 600 bashyize umukono cyangwa igikumwe ku ilisiti ye harimo 12 babarurirwa muri buri karere.

Mpayimana avuga ko mubyo yimirije imbere ko yahindura agiye mu Inteko ishinga amategeko harimo guca ubuhunzi, kugabanya imbyaro ndetse no guha ingufu itangazamakuru.

Yagize ati “Nifuza cyane bamwe mu banyarwanda bumva batumvwa ko bumva ko hari undi mushya bagomba kwisunga. Abantu bari hanze bumvise bati hari umudepite wiyemeje kutuvuganira hari bimwe mu byahindura mu bituma ubuhunzi budacika, n’ubwo abenshi mu batuye hanze basa n’abatanyizera kuko tutabona umwanya wo kuganira […] nzakomeza mbavuganire kugeza igihe bazanyizerera.”

Yunzemo ati “ Ibijyana cyane cyane no guha ingufu itangazamakuru, muzi ko abanyamakuru uyu mwaka urangiye bagiye bitwa amazina wumva abatesha agaciro nsanga ko mu mategeko y’u Rwanda hakwiye kubamo iriha ingufu abanyamakuru.”

Philippe Mpayimana ukomeje kugaragaza ko afite inyota yo kwinjira muri politike y’u Rwanda aherutse gutsidwa amatora ya Perezida wa Repubulika yabaye umwaka ushize aho yegukanye umwanya wa 2 n’amajwi 0.73% ahwanye n’amajwi y’abamutoye agera ku bihumbi 50 gusa ubwo yari akurikiye Perezida Kagame wagize amajwi 98%.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...