konka coffee
KONKA

AMAKURU

UKWEZI

Mu mafoto: Abayobozi bakuru b’igihugu bifatanyije n’urubyiruko muri ‘Walk to Remember’

Mu mafoto: Abayobozi bakuru b’igihugu bifatanyije n’urubyiruko muri ‘Walk to Remember’
8-04-2018 saa 07:40' | By Akayezu Jean de Dieu | Yasomwe n'abantu 4166 | Ibitekerezo 1

Ku mugoroba wo kuri uyu wa Gatandatu tariki 7 Mata 2018, Madamu wa Perezida wa Repubulika y’u Rwanda, Jeannette Kagame ari kumwe n’abayobozi bakuru b’igihugu bifatanyije n’urubyiruko mu rugendo rwo kwibuka aho bavuye ku Nteko Ishinga Amateko y’u Rwanda bakagera kuri sitade Amahoro , I Remera mu rugendo rwuje umutuzo bagenda bibuka amateka mabi yaranze u Rwanda.

Walk To Remember ni urugendo ubuyobozi bwifatanya n’urubyiruko ibihumbi mu muhango wo kwibuka abazize Jenoside yakorewe Abatutsi muri Mata 1994, aho bagenda batuje bibuka Abatutsi basaga miliyoni bishwe muri Jenoside yateguwe kandi igashyirwa mu bikorwa n’ubuyobozi bubi bwaranze u Rwanda.

Madame wa Perezida wa Repubulika y’u Rwanda, Jeannette Kagame wari uyoboye uyu muhango yageze muri Sitade Amahoro aha urumuri rw’icyizere urubyiruko.

Mu butumwa bwatangiwe muri uyu muhango, Minisitiri w’Umuco na Siporo, Uwacu Julienne yashimiye ababyeyi n’abaze baje kwifatanya n’urubyiruko avuga ko n’ubwo igihugu cyaranzwe n’amateka mabi ariko hari kuri ubu abanyarwanda bamaze kwiyubaka kubw’ubuyobozi bwiza.

Minisitiri Uwacu yavuze ko hakiri byinshi byo gukora cyane ko abateguye umugambi wa Jenoside bakayishyira mu bikorwa bakomeje gukora kandi bagifite ubukana, asaba urubyiruko gufata iya mbere kurwanya bivuye inyuma bakanashyira imbaraga mu kurwanya abafite ingengabitekerezo ya Jenoside n’abashaka gupfobya no kugoreka amateka. Aha Madamu wa Perezida wa Repubulika y’u Rwanda yari ageze ku Nteko Ishinga Amategeko ku Gishushu ahagombaga gutangirira uru rugendo rwa ’Wlak to Remember’ Berekeza kuri Sitade Amahoro mu ijoro ryo kwibuka aho Madamu Jeannette Kagame yahereje urumuri rw’icyizere urubyiruko
Abayobozi bakuru b’igihugu barimo Madamu Jeannette Kagame, Ministiri w’Intebe n’abandi batandukanye bifatanyije n’urubyiruko muri Walk To Remember yo kuwa 7 Mata 2018 Abo mu ngeri zitandukanye baba baje kwifatanya n’urubyiruko mu rugendo rwo kwibuka Abazize Jenoside yakorewe Abatutsi
Abashinzwe umutekano w’igihugu barimo ingabo zabohoye u Rwanda zikanahagarika Jenoside nabo bitabiriye ’Walk To Remember’ Abayobozi bakuru b’igihugu bari bageze muri Sitade Amahoro ahateraniye urubyiruko rwitabiriye ijoro ryo kwibuka Jeannette Kagame yahaye urubyiruko urumuri rw’icyizere Hasomwe amazina y’abantu 100 bhagarariye abazize Jenoside
AMAFOTO: Kigali Today


INKURU ZA :
Tanga Igitekerezo
Ibitekerezo 1
nkunda Kuya 9-04-2018

Nkunda ziriya ngabo zamarere reba abo ba Generals uko mubabona bagenda ninako binjiye Kigali Inzira bwoba zirahunga sinakubwira naho Politicians mubareke bazajye bishyira imbere nyamara baryarya.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...