konka coffee
KONKA

AMAKURU

UKWEZI

N’ubwo waba uvuga ndakuramutsa Mariya Ijana ntibyakugeza kuri ’Table d’honneur’- Kagame

N’ubwo waba uvuga ndakuramutsa Mariya Ijana  ntibyakugeza kuri ’Table d’honneur’- Kagame
17-12-2017 saa 18:38' | By Akayezu Jean de Dieu | Yasomwe n'abantu 5188 | Ibitekerezo 6

Perezida wa Repubulika y’u Rwanda, Paul Kagame yabwiye urubyiruko ko kugira ngo babashe kwicara ku ntebe y’icyubahiro (Table d’Honneur) bisaba kubiharanira kabone n’ubwo waba uvuga Ndakuramutsa Mariya ijana ku munsi ariko utakoze ngo unagire imyumvire ifashije bitaguhesha kwicara kuri iyo ntebe.

Ibi Perezida Kagame yabigarutseho kuri iki Cyumweru tariki 17 Ukuboza 2017, Ubwo yagezaga ijambo ku rubyiruko rwaturutse mu ntara zose z’igihugu, abiga mu mashuri makuru na za kaminuza, urubyiruko rusoje itorero urunana rw’urungano, urubyiruko rubarizwa muri diaspora ndetse n’urubyiruko ruhagarariye ibihugu bitandukanye rwaje kwifatanya na bagenzi babo b’abanyarwanda aho bitabiriye Inkera y’Urubyiruko.

Iyi nkera y’urubyiruko 2017 (Youth Connekt 2017) yahuje abasaga 3000, iri kuba ku matariki ya 17 kugeza 19 Ukuboza 2017, aho ifite insanganyamatsiko igira iti “Uruhare rw’urubyiruko mu kwihutisha iterambere”, Iyi nkera y’urubyiruko kandi yitabiriwe n’abahagarariye za Minisiteri z’urubyiruko mu bihugu bigera kuri 11 birimo Nigeria, Cameroon n’ibindi bihugu.

Mu mpanuro yagejeje kuri uru rubyiruko, Perezida Kagame yavuze ko urubyiruko rukwiye kumenya gushyira hamwe aribyo bizabafasha gukemura ibibazo byaba iby’igihugu cyabo ndetse n’ibya Afurika muri rusange

Yagize ati “Imbaraga ubumenyi n’ubushobozi byacu bikubiye hamwe, connect rero bivuze ngo dushyire imbaraga zacu hamwe dukenmure ibibazo duhura nabyo byose, izo mbaraga rero iyo dushyize hamwe nta kitunanira”

Yakomeje agira ati “Niyo mpamvu rero urubyiruko rw’u Rwanda na Afurika, ibibazo dufite ni bimwe, rero u Rwanda ni rwiherera rugashaka gukemura ibibazo byarwo byonyine, bizakemuka ariko ntabwo bizakemuka byose, ariko ni dushyira hamwe tuzabikemura byose ibyo duhuriraho ndetse n’ibyo tudahuriraho bizashakirwa umuti hamwe”

Perezida Kagame kandi yavuze ko u Rwanda rw’ejo ruzagira abayobozi beza bafite indangagaciro ari uko habayeho gushyira hamwe. Kagame kandi yasabye urubyiruko kugira umuco wo gukunda kwiga kumenya, no kwemera kunengwa aho bitagenze neza.

Ati “Tugomba kumenya ko tugomba kwemera kwiga, tukamenya ko kwiga bitarangira, ntabwo birangira ikindi kandi tukanenga tukanengwa, kugira ngo niba bakunenze umenye aho ufite ikibazo ugikosore, nawe ariko ntabwo wagakwiye kwicara ngo utegereze kunengwa, nibyo iyo batunenze tumenya ko hari ikitagenda neza kigakosoka (…….) ariko se wowe ntabwo ubona? Nawe ushobora kureba udategereje ko abandi baza kubibona “

Perezida Kagame kandi yasabye urubyiruko kugira umuco n’indangagaciro ndetse bagaharanira gukora neza ibyo bakora

Ati “Ikindi rero ni ukugira umuco mu byo dukora byose, kwa kwiga kubigira umuco, kwa gushaka kumenya kubigira umuco, kwa kwiga neza ni umuco, inyungu zange, izawe n’izundi nazo ni umuco ariko umuco ukubiyemo indangagaciro z’uburyo dukemura ibibazo byacu. Ni nko kuvuga ngo gushaka gushyiraho sosiyete y’ubwisanzure”

Perezida Kagame kandi asoza ubutumwa yagarutse cyane ku ijambo Table d’Honneur aho yabwira urubyiruko kurangwa n’umuco wo guharanira kuza mu b’imbere no guharanira kuba abatekerezwaho mbere abasaba gutana n’imyumvire yo kumva ko badashoboye

Ati “Nugira imitekerereze ikubwira ngo n’ubwo mfite imbaraga nke uyu munsi, uko ndimo kwiga, kwa gushaka , muzi iriya ntebe iba yicayeho abayobozi mu gifaransa bita table d’honneur? Iriya ntebe rero buriya nujya ujya mu birori bitandukanye ukabona abandi bayicayeho wowe ukicazwa ahasanzwe, jya wibaza impamvu atari wowe uhicaye kandi uharanire kuhicara. Ngewe akenshi iyo tugiye muri ziriya nama n’abandi bayobozi n’iyo ntayicayeho uyu munsi ntaha mvuga ngo ubutaha nzayicareho, ariko hariya abahashaka barahakorera bakahagera, n’ubwo waba ujya gusenga ukavuga za Ndakuramutsa Mariya ijana utakoze ntabwo wagera kuri table d’honneur”

Yakomeje agira ati “Iyo bibaye ngombwa abandi barara n’amajoro batekereza uko bagera hahandi bashaka, bakigomwa n’ikiruhuko ariko, ariko nanone ushobora gukora ukarara n’amajoro ariko ntugere kuri table d’honeur, bitewe n’uko ibyo ukora ntaho bihuriye n’imtekerereze, rero mugomba kumenya ko ibyo mukora bijyana n’imitekerereze, nta bandi ibi nabibwira usibye mwebwe urubyiruko rwacu, muharanire kwicara kuri Table d’honneur”


INKURU ZA :
Tanga Igitekerezo
Ibitekerezo 6
isirikoreye jean de la terre Kuya 19-12-2017

Mubyukuri njye ndumiwe iki kigereranyo kiranyumije gusa ’ Niyo ikura ku cyavu ikicaranya n’ibikomangoma, yiyretse daniel w’umunyagano imuzamura muntera mugihugu kitari icy’iwabo imuha kuba icyegera cy’umwami yicazwa mubikomangoma ( table d’honner muvuga), Yosefu ari mu egiputa yamuzmuye muntera imukuye munzu y’Imbohe imuha kuba icyegera cy’umwami yicazwa mubikomangoma, njye rero nshyigikiye muzee dukore ariko Imana yavuze ntawakongeraho.

isirikoreye jean de la terre Kuya 19-12-2017

Mubyukuri njye ndumiwe iki kigereranyo kiranyumije gusa ’ Niyo ikura ku cyavu ikicaranya n’ibikomangoma, yiyretse daniel w’umunyagano imuzamura muntera mugihugu kitari icy’iwabo imuha kuba icyegera cy’umwami yicazwa mubikomangoma ( table d’honner muvuga), Yosefu ari mu egiputa yamuzmuye muntera imukuye munzu y’Imbohe imuha kuba icyegera cy’umwami yicazwa mubikomangoma, njye rero nshyigikiye muzee dukore ariko Imana yavuze ntawakongeraho.

isirikoreye jean de la terre Kuya 19-12-2017

Mubyukuri njye ndumiwe iki kigereranyo kiranyumije gusa ’ Niyo ikura ku cyavu ikicaranya n’ibikomangoma, yiyretse daniel w’umunyagano imuzamura muntera mugihugu kitari icy’iwabo imuha kuba icyegera cy’umwami yicazwa mubikomangoma ( table d’honner muvuga), Yosefu ari mu egiputa yamuzmuye muntera imukuye munzu y’Imbohe imuha kuba icyegera cy’umwami yicazwa mubikomangoma, njye rero nshyigikiye muzee dukore ariko Imana yavuze ntawakongeraho.

isirikoreye jean de la terre Kuya 19-12-2017

Mubyukuri njye ndumiwe iki kigereranyo kiranyumije gusa ’ Niyo ikura ku cyavu ikicaranya n’ibikomangoma, yiyretse daniel w’umunyagano imuzamura muntera mugihugu kitari icy’iwabo imuha kuba icyegera cy’umwami yicazwa mubikomangoma ( table d’honner muvuga), Yosefu ari mu egiputa yamuzmuye muntera imukuye munzu y’Imbohe imuha kuba icyegera cy’umwami yicazwa mubikomangoma, njye rero nshyigikiye muzee dukore ariko Imana yavuze ntawakongeraho.

b Kuya 18-12-2017

N’ubwo abantu babona bakoresheje imbaraga nyinshi kugira ngo bagere ku iterambere bifuza , hari ikibanze. Kugira ubuzima, kandi burya ubuzima ntibutangwa n’imiti, ahubwo butangwa n’uwabuhanze. ahubwo abaganga n’abandi bagira uruhare mu iterambere ry’ubuvuzi bakaba ibikoresho cg imiyoboro y’ibyo Imana ishaka kugeza ku bantu.

Kugera ahantu cyangwa ku kintu, uko byagenda kose ukora urugendo. burya n’umujuru kugira ngo yibe, amara igihe akora plan y’uko aziba. niyo watoragura amafaranga cg se ukayahabwa, kugira aguteze imbere bisaba gukora.

Ni akahe kamaro ko gusenga mu iterambere ry’umubiri?
- gusenga bituma umuntu akorera mu mutuzo w’umutima bigatuma anoza neza umurimo akora

- gusenga bitumwa umuntu yirwanyamo icyaha cy’ubunebwe n’ubujura bigatuma umusarura w’ibyo akora cg akorer abandi uzamuka.

- Gusenga bituma igihugu kigira umugisha mu byo gikora , abaturage bakabana neza kandi bakabaho bubahana.

- Gusenga bituma umutu yigiramo indangagaciro nyobokamana zirwanya ibyaha Leta yirwa ihanganye nabyo.

- Gusenga bigabanya cg bigakura guhangayika, kwiheba, kwiyahura kuko imber y’Imana haba inzira nyinshi ikibazo umuntu cyacyemukakamo kabone n’ubwo isi yaba yagutereranye.

Gusenga no gukora ntibitandukana kuko Imana ikunda umuntu wihesha agaciro mu mibereho ye.

Alice Kuya 18-12-2017

Ahaaaa. Mbega ikigereranyo.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...