konka coffee
KONKA

AMAKURU

UKWEZI

Ngoma:Umugabo yatawe muri yombi ashinjwa kuvuga ko kwibuka ari ’umunsi mukuru w’Abatutsi’

Ngoma:Umugabo yatawe muri yombi ashinjwa kuvuga ko kwibuka ari ’umunsi mukuru w’Abatutsi’
8-04-2018 saa 11:04' | By Akayezu Jean de Dieu | Yasomwe n'abantu 9487 | Ibitekerezo 9

Mu gitondo cyo kuwa Gatandatu tariki 7 Mata 2018, Polisi ikorera mu Ntara y’Uburasirazuba yataye muri yombi umugabo witwa Nsengiyumva Francois wo mu mudugudu wa Kiyanja, akagari ka Rugese., Umurenge wa Rurenge ho mu karere ka Ngoma , ukurikiranyweho ingengabitekerezo ya Jenoside aho ngo mu ijoro ryo kuwa Gatanu tariki 6 Mata buracya ngo hatangizwe Icyumweru cyo kwibuka ku nshuro ya 24 Jenoside yakorewe Abatutsi muri Mata 1994, yavuze ko ejo ari ‘umunsi mukuru w’abatutsi’

Uyu mugabo w’imyaka 35 yafashwe ahagana saa mbiri za mugindo aho bivugwa ko aya magambo agamije gukomeretsa no gufpobya Jenoside yakorewe Abatutsi yayavuze ahagana moya n’igice z’umugoroba aho ngo akimara kuvuga ibi yahise ajya kugura umuhoro mushya ngo atangira kuvuga ko ari buteme abaturaga.

Uyu Nsengiyumva akimara gufatwa yavuze ko yabitewe n’ubusinzi gusa hari andi makuru agera ku kinyamakuru Ukwezi.com yemeza ko uyu mugabo atari ubwa mbere avuga amagambo nk’aya agamije gukomeretsa abaturage dore ko ngo umwaka ushize ubwo habaga ibikorwa byo kwibuka ku nshuro ya 23 nabwo uyu mugabo yumvikanya avuga amagambo nanone ajya gusa nk’aya.

Umunyamabanga Nshingwabikorwa w’Umurenge wa Rurenge, Nyamutera Emmanuel yahamirijeUkwezi.com iby’uyu mugabo yavuze avuga ko ngo yavuganye n’umuyobozi ushinzwe umutekano mu mudugudu amubwira ko ubwo ejo ari ‘Umunsi mukuru w’Abatutsi’ twari gutangira kwibuka, ariko yabonaga asa nk’uwasinze

Gitifu Nyamutera yakomeje avuga ngo uyu mugabo yavuze ko hari abantu bigeze kumwiba umuhoro agura umuhoro ahagarara mu muhanda ubahuza n’umurenge wa Rurembo ahagarara aho mu muhanda avuga ko aratema abantu bose baranyura aho ngaho kugeza ubwo abashinzwe umutekano ku mudugudu aribo bamufashe bamushyikiriza ubuyobozi ariko ngo nawe ntabwo yigeze ahakana ibyo yavuze ahubwo yakomezaga avuga ko yasinze

Kuri ubu Nsengiyumva Francois afungiye kuri Sitasiyo ya Polisi ya Kibungo muri aka karere ka Ngoma aho akiri gukorwaho iperereza kuri ibi byaha akurikiranyweho by’ingengabitekerezo ya Jenoside Nsengiyumva Francois ukurikiranyweho ibyaha by’ingengabitekerezo ya Jenoside

Ingingo ya 2 y’itegeko N° 18/2008 ryo ku ya 23/07/2008, ivuga ko ingengabitekerezo ya jenoside ari urusobe rw’ibitekerezo bigaragarira mu myifatire, imvugo, inyandiko n’ibindi bikorwa bigamije cyangwa bihamagarira abantu kurimbura abandi hashingiwe ku bwoko, inkomoko, ubwenegihugu, akarere, ibara ry’umubiri, isura, igitsina, ururimi, idini cyangwa ibitekerezo bya politiki, bikozwe mu gihe gisanzwe cyangwa mu gihe cy’intambara.

Ingingo ya 3 y’iri tegeko isobanura ko icyaha cy’ingengabitekerezo ya jenoside kigaragarira mu myifatire irangwa n’ibimenyetso bigamije kwambura ubumuntu umuntu umwe cyangwa itsinda ry’abantu bafite icyo bahuriyeho, nko gutoteza, gutera ubwoba, gutesha agaciro mu mvugo, mu nyandiko cyangwa mu bikorwa bisebanya, birangwamo ubugome cyangwa byenyegeza urwango.

Iki cyaha kandi kigaragarira mu gushyira mu kato, gushinyagurira, kwigamba, kwandagaza, guharabika, gutesha isura, kuyobya uburari hagamijwe gupfobya jenoside yabaye, guteranya abantu, kwihimura, kwangiza ubuhamya cyangwa ibimenyetso bya jenoside yabaye.

Kigaragarira kandi mu kwica, gutegura umugambi wo kwica cyangwa kugerageza kwica undi bishingiye ku ngengabitekerezo ya jenoside.

Ni muri urwo rwego hashyizweho amategeko kugira ngo hahanwe abakoze ndetse n’abategura gukora iki cyaha cyibasira inyokomuntu, no kurwanya ko cyakongera kuba ukundi mu Rwanda.

Ingingo ya 135 y’igitabo cy’amategeko ahana y’u Rwanda ivuga ko umuntu wese ukoze icyaha cy’ingengabitekerezo ya jenoside n’ibindi byaha bifitanye isano nayo ahanishwa igifungo kirenze imyaka itanu (5) kugeza ku myaka icyenda (9) n’ihazabu y’amafaranga y’u Rwanda kuva ku bihumbi ijana (100.000) kugeza kuri miliyoni imwe (1.000.000).


INKURU ZA :
Tanga Igitekerezo
Ibitekerezo 9
ARIKO Kuya 12-04-2018

Abantu nk’aba birashoboka ko bakiri benshi,njye ntekereza ko baba bafite ikintu runaka gifitanye isano na Genocide yakorewe abatutsi 1994.
Twakwibaza ngo mbese uyu asinda gusa buracya hatangira icyunamo?
Ababishinzwe bakwiye gukora iperereza ryimbitse,bakamenya koko niba nta kindi kintu kibyihishe inyuma.Birababaje.

Valerie Kuya 9-04-2018

Si umusinzi numushinyaguzi ahubwo aratoneka imitima yabenshi aribeshya harimana kd twariyubatse

Mumanzi Kuya 9-04-2018

Ariko sinzi niba ari shitani ni kuki abantu banga bagahorana umutima wa kinyamaswa? harimo izihe nyungu? Kuki batareka ubugome?aho bahereye bica KO ntacyo bigeze bunguka kuki Ubu bugome ? Abasenga dukomeze amasengesho

lg Kuya 8-04-2018

umuntu iyo yasinze avuga ibyali, bimuri, kumutima haraho ubuyobozi bujenjekera nkuyu urumva ko umwaka ushize nabwo aliya magambo, yayavuze aliko ntakurikiranwe none arabyongeye ndetse agura numupanga, buriya biriya avuga afite aho abikura, kuki se atawise, uwaba,hutu ko genocide iba alibo bari mu munezero bica basahura nibindi byose bashatse ntankurikizi aba bantu bajye bahanwa uko amategeko ali naho kubarebera.mubona icyo abahishe ali iki! !ubutaha azabatema,!!avuge ko yasinze naho ali inyigisho bamuraze,

musengayezujeandeDieu Kuya 8-04-2018

uyumugabo, akwiyeguhanwa.

musengayezujeandeDieu Kuya 8-04-2018

uyumugabo, akwiyeguhanwa.

Jay Kuya 8-04-2018

Aba baracuabaho harya??

john Kuya 8-04-2018

umuntu ufite umutima nkuyu nta kwiye kuba muri society

gakuba Kuya 8-04-2018

haraho ubuyobozi bujenjekera bariya bantu bakabona ko alindakoreka benshi babivuga baranabikoze cyangwa bahabwa inyigisho niwabo umwaka ushize yarabivuze, baramwihorera uyu mwaka abisubiyemo agura nu mupanga ejo bamurekure ngo yari yasinze ubutaha azatema, abantu bamufunge, nkuko amategeko a bivuga amafranga yo nayo kugura ipantaro yarayabuze, umuvumo wo kwica baracyawufite,

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...