konka coffee
KONKA

AMAKURU

UKWEZI

Paul Kagame yongeye gutorerwa kuba Chairman wa RPF Inkotanyi

Paul Kagame yongeye gutorerwa kuba Chairman wa RPF Inkotanyi
16-12-2017 saa 19:08' | By Akayezu Jean de Dieu | Yasomwe n'abantu 506 | Ibitekerezo

Perezida wa Repubulika y’u Rwanda akaba yari na Chairman w’Umuryango RPF Inkotanyi, Nyakubahwa Paul Kagame yongeye kugirirwa icyizere atorerwa kuyobora uyu muryango imyaka itanu iri imbere nk’umugabo ufite ibigwi ntagereranywa kandi ugifite byinshi yageza ku banyamuryango, abanyarwanda n’igihugu muri rusange

Mu matora y’abagize komite nyobozi y’umuryango RPF Inkotanyi yabaye kuri uyu wa Gatandatu, tariki 16 Ukuboza 2017, ku cyicaro cy’uyu muryango I Rusororo mu karere ka Gasabo, ahari hateraniye imbaga y’abanyamuryango ba RPF bamaze iminsi itatu muri kongere ijyanye no kwizihiza isabukuru y’imyaka 30 uyu muryango umaze ubayeho.

Muri aya matora yari ayobowe na Guverineri w’intara y’Amajyepfo, Marie Rose Mureshyankwano , hagombaga gutorwa Chairman w’Umuryango RPF Inkotanyi, Umwungirije ndetse n’Umunyamabanga mukuru hakaza kandi n’abakomiseri rusange 10 ndetse n’abakomiseri 12 bahagarariye urubyiruko ku rwego rw’igihugu.

Mu batowe bagize komite nyobozi ya RPF Inkotanyi nta mpinduka zigeze zibamo cyane ko ari Paul Kagame wari usanzwe ari Chairman, Bazivamo Christophe wari umwungirije ndetse na Ngaramnbe Francois wari Umunyamabanga mukuru bose bongeye kugirirwa icyizere bityo bakaba bagiye gukomezanya n’umuryango muri manda y’imyaka itanu iri imbere.

Ku mwanya wa Chairman w’Umuryango wa FPR Inkotanyi ku rwego rw’igihugu , Abatoye 2342 naho abatoye neza 2340 mu hghe Impgabusa: 02
Paul Kagame wari wiyamamaje kuri uyu mwanya yatowe n’abantu 2340 ku bantu batoye 2342 bingana na 99,9% .

Ku mwanya wa Vice Perezida wa FPR Inkotanyi nawo wari uriho Bazivamo Christophe nk’umukandida umwe rukumbi mu bagera kuri 2342 batoye, 2282 nibo bamutoye bangana na 97,8%.

Ku mwanya w’Umunyamabanga mukuru wa RPF Inkotanyi, Ngarambe Francois nawe wari usanzwe kuri uyu mwanya yongeye kugirirwa icyizere aho mu bagera kuri 2342 batoye harimo 2285 bamutoye naho 15 babaye impfabusa mu gihe 42 bifashe, bityo abagera kuri 97,5% aba aribo batoye Ngarambe Francois

Muri aya matora kandi hatowe abakomiseri 10 bahagariye urubyiruko ku rwego rw’igihugu, hatorwa kandi n’ababakomiseri bakuru harimo Gasamagera Wellars wari unasanzwe ari Komiseri mukuru wa RPF, Musoni James, Uwacu Julienne, Francis Kaboneka, Habumuremyi Pierre Damien, Mukasine Marie Claire, Gasinzigwa Oda n’abandi bombi bakaba bagera kuri 12 batowe nk’abakomiseri ba RPF Inkotanyi ku rwego rw’Igihugu. Aba bombi bongeye kugirirwa icyizere


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...