konka coffee
KONKA

AMAKURU

UKWEZI

Perezida Kagame na Madamu bakiriye abahagarariye ibihugu byabo mu Rwanda banasangira amafunguro-Amafoto

Perezida Kagame na Madamu bakiriye abahagarariye ibihugu byabo mu Rwanda banasangira amafunguro-Amafoto
16-01-2018 saa 19:22' | By Vincent Nsengiyumva | Yasomwe n'abantu 3343 | Ibitekerezo

Perezida Paul Kagame na Madamu Jeanette Kagame bakiriye Abadipolomate bahagarariye ibihugu byabo mu Rwanda ku gicamunsi cyo kuri uyu wa Kabiri tariki ya 16 Mutarama, bagirana ibiganiro bitandukanye ndetse banasangira amafunguro mu rwego rwo kwifurizanya umwaka mushya wa 2018.

Perezida Kagame yavuze ko u Rwanda ruri gutera imbere mu ngeri zitandukanye aho yagaragaje ko byose ari uko rukomeje kwimakaza ubufatanye n’ibindi bihugu ndetse no kwigira ku byo abanyarwanda banyuzemo.

Mu kiganiro Kagame yagejeje kuri aba badipolomate bahagarariye ibihugu bitandukanye mu Rwanda ko u Rwanda, yabijeje ko u Rwanda ruzakomeza guharanira ubukungu budaheza, anashimangira ko umubano mwiza rufitanye n’abaturanyi hamwe n’abafatanyabikorwa uzakomeza kuba ingenzi mu iterambere rya buri wese.

Umukuru w’igihugu kandi yanagarutse ku kibazo cy’abimukira b’abanyafurika bari muri Libya mu buzima bubi, avuga ko u Rwanda rwiteguye kwakira ababishaka nk’uko rwakunze kubigaragaza.

Yagize ati “Ikibazo cy’abimukira bari muri Libiya cyadukoze ku mutima. U Rwanda rwiteguye kwakira ababishaka bose muri bo, ari abashaka kuza hano, ndetse n’abifuza kuhanyura gusa.”

Yunzemo ati “Amateka yatwigishije ko nta gihugu gishobora kuba gito ngo kinanirwe kwakira abaturage bacyo.”

Perezida Kagame yanijeje aba bahagarariye ibihugu byabo kuzakomeza gukorana neza n’ibihugu byose bigize n’Umuryango wa Afurika Yunze Ubumwe mu gushakira umuti urambye ikibazo cy’abimukira gihangayikishije umugabane wa Afurika ku buryo kizacika burundu.

Ati “Tuzakomeza gukorana n’Umuryango wa Afurika Yunze Ubumwe (AU), Leta zitandukanye, n’imiryango itandukanye mu gukemura iki kibazo no guharanira ko kitasubira.”

Aha kandi umukuru w’igihugu yanatanzze icyizere ko muri iyi manda yatorewe kuyobora Umuryango wa Afurika Yunze Ubumwe, azaharanira ukwishyirahamwe kwa Afurika ku buryo umugabane uzagera ku ntego wihaye.

Yagize ati “Nk’igihugu kigiye kuyobora Umuryango wa Afurika Yunze Ubumwe, u Rwanda ruzaharanira ukwishyirahamwe kwa Afurika. Twiteguye gufatanya n’abasaza bacu na bashiki bacu hirya no hino ku mugabane tugamije kugera ku ntego twihaye.”

Perezida kagame kandi yanavuze ko Abanyafurika bari gukoza imitwe y’intoki ku nzozi bahoranye kuva na kera aho bifuzaga kwishyira hamwe, gusurana nta mananiza, guhahirana hagati yabo, no gukorana n’ibindi bice by’Isi mu bwubahane ubu bikaba bigenda bigerwaho.

Yanavuze ko imbaraga ziri gushyirwa mu gushyigikira ibikorwa by’ Umuryango wa Afurika Yunze Ubumwe, bigaragaza impinduka ndetse zikomeye zishimangira ahazaza heza h’umugabane wa Afurika

JPEG - 129.9 kb
JPEG - 130.8 kb
JPEG - 77.8 kb
JPEG - 62.9 kb
JPEG - 87.5 kb
JPEG - 138.5 kb
JPEG - 116.7 kb
JPEG - 117.9 kb


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...