konka coffee
KONKA

AMAKURU

UKWEZI

Perezida Kagame yagiranye ibiganiro na mugenzi we w’u Bufaransa

Perezida Kagame yagiranye ibiganiro na mugenzi we  w’u Bufaransa
19-09-2017 saa 09:09' | By Vincent Nsengiyumva | Yasomwe n'abantu 2282 | Ibitekerezo

Perezida Kagame yahuye na mugenzi we Emanuel Macron w’Ubufaransa bagirana ibiganiro byihariye. Aba baperezida bombi bahuye New York muri Leta Zunze Ubumwe za Amerika aho bitabiriye inama rusange y’Umuryango w’Abibumbye iterana muri Nzeri buri mwaka.

Ibiro by’Umukuru w’Igihugu, Village Urugwiro, byatangaje ko ibiganiro by’aba bakuru b’ibihugu bombi byibanze ku bufatanye bw’ibihugu byombi bugamije inyungu rusange ku ndetse bagaruka no ku ngingo y’amahoro n’umutekano muri Afurika.

Hashize imyaka myinshi umubano w’u Rwanda n’u Bufaransa utifashe neza kuko u Bufaransa bwakunze gushyirwa mu majwi mu kugira uruhare runini mu itegurwa n’ishyirwa mu bikorwa rya Jenocide yakorewe Abatutsi mu Rwanda igahitana abasaga Miliyoni abandi ikabasigira ibikomere ku buryo bukomeye.

Mu myaka isaga 23 mu Rwanda habaye Jenocide, umubano w’ibihugu byombi wakunze kugaragaramo agatotsi, cyane ko abaperezida bagiye bayobora u Bufaransa bose bagiye bahakana uruhare rwabo muri Jenocide yo mu 1994.

Perezida Kagame yakunze kumvikana agaruka ku ruhare rw’Ubufaransa muri Jenocide yakorewe Abatutsi mu Rwanda muri 1994, ariko akagaragaza ko ari ibintu bikwiye kuganirwaho n’impande zombi kugira ngo urwo rujijo ruveho ibihugu bibane neza.

Abanditsi benshi bakomeye bakunze kwandika bagaragaza uruhare rw’u Bufaransa muri Jenocide yakorewe Abatutsi mu Rwanda ariko iki gihugu kikabitera utwatsi.

Nyuma y’uko Perezida Kagame agiranye ibiganiro na perezida Macron, yahuye na minisitiri w’intebe wa Israel Benjamin Netanyahu ndetse na Minisitiri w’Intebe w’Ububiligi Charles Michel, nabo bagirana ibiganiro byihariye.

JPEG - 83.8 kb

Perezida Kagame yahuye na Emmanuel Macron w’u Bufaransa

JPEG - 108.3 kb

Perezida Kagame na Minisitiri w’Intebe wa Isiraheli Benjamin Netanyahu

JPEG - 100 kb

Perezida Kagame na Minisitiri w’Intebe w’Ububiligi, Charles Michel

Amafoto: Village Urugwiro


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...