konka coffee
KONKA

AMAKURU

UKWEZI

Perezida Kagame yatowe nk’Umunyafurika wahize abandi muri 2017

Perezida Kagame yatowe nk’Umunyafurika wahize abandi muri 2017
7-01-2018 saa 10:30' | By Vincent Nsengiyumva | Yasomwe n'abantu 2025 | Ibitekerezo 1

Ikinyamakuru cyitwa ‘African Leadership Magazine’ cyo mu Bwongereza cyatoye abantu b’Abanyafurika babaye indashyikirwa mu ngeri zitandukanye mu mwaka wa 2017, Perezida Paul Kagame aba ariwe utorwa nk’Umunyafurika w’umwaka.

Nk’uko bigagara muri iki kinyamakuru African Leadership Magazine’urutonde rw’abantu batanduukanye bitwaye neza mu ngeri zitandukanye mu mwaka wa 2017 ruyobowe na Nyakubahwa Paul Kagame ari nawe wahawe igihembo cy’Umunyafurika w’umwaka kiswe African Leadership Magazine Persons of the Year Awards 2017’.

Iki kinyamakuru gikomeza kivuga ko gihitamo abantu bazahatanira ibi bihembo, gikurikije abakoze ibikorwa by’indashyikirwa muri politike ndetse no mu bindi bikorwa bitandukanye byazamuye imibereho y’abaturage b’Afurika mu buryo bugaragarira buri wese.

Abahatanira iki gihembo kandi baba ari abantu bakomeye bafite amazina akomeye nk’uko bigarukwaho n’iki kinyamakuru, kikaba gitanzwe ku nshuro ya Gatandatu

Abahatanaga muri uyu mwaka wa 2017 ni Perezida wa Ghana, Nana Addo Dankwa Akuffo Addo; Umushoramari Tony Elumelu wo muri Nigeria, Perezida John Pombe Magufuli wa Tanzania; Umuyobozi Mukuru wa Shanduka Group, Cyril Ramaphosa (Ni na visi Perezida wa Afurika y’Epfo) ,Umuyobozi w’ikigo LADOL cyo muri Nigeria, Oladipo Jadesimi.

Umwanditsi mukuru wa African Leadership Magazine , Ken Giami, yashimiye abagaragaye ku rutonde bose kuko ngo bagize uruhare rukomeye mu guteza imbere umugabane wa Afurika n’abanyafurika muri rusange.

Yagize ati “Gutoranywa muri miliyari 1.2 z’abatuye uyu mugabane bisobanuye ibintu byinshi. Abatowe bose bakozze ibikorwa by’indashyikirwa byazamuye imibereho y’abatuye ku mugabane w’Afurika. Bose ni abakunzi ba Afurika, bakora ibikorwa by’ubwitange bikagira impinduka kuri rubanda ndetse bikagira Afurika ahantu habereye abahatuye.”

Abandi bantu bahawe igihembo gikuru cy’Umunyafurika w’umwaka nk’icyahawe Perezida Kagame, barimo Dr. Mo Ibrahim watangije ibihembo by’imiyoborere byamwitiriwe wagihawe muri 2010, Perezida wa Liberia, Ellen Johnson Sirleaf, mu 2011, Atiku Abubakar wabaye Visi Perezida wa Nigera, mu 2012, Xavier Luc-Duval wabaye Minisitiri w’Intebe Wungirije wa Mauritius akaba na Minisitiri w’imari,wagihawe muri 2013, Jakaya Kikwete wayoboye Tanzania agihabwa muri 2014, Goodluck Jonathan wayoboye Nigeria agihabwa muri 2015 ndetse na Mo Dewji, Umuyobozi Mukuru wa MeTL muri Tanzania, uherutse kugihabwa muri 2017.

Abegukanye ibihembo muri 2017

Umunyafurika w’umwaka wa 2017: Perezida Paul Kagame

Umuyobozi w’Umunyafurika w’umugore, wa 2017: Bethlehem Tilahum Alemu washinzwe soleRebels, wo muri Ethiopia n’Umuyobozi wa Tanjet Aviation, Suzan Mashibe wo muri Tanzania.

Umunyafurika w’umwaka wa 2017 mu guteza imbere uburezi : Strive Masiyiwa washinze Econet wo muri Zimbabwe

Umunyafurika w’umwaka wa 2017 mu gutanga imirimo: Kwame Nana Bediako, Perezida akaba n’Umuyobozi Mukuru wa Petronia Ghana

Umunyafurika w’umwaka wa 2017 mu miyoborere ya politiki: Marc Ravalomanana wabaye Perezida wa Madagascar

Umunyafurika w’umwaka wa 2017 mu bugiraneza: Manu Chandaria, Umuyobozi Mukuru wa Comcraft Group muri Kenya

Umunyafurika w’umwaka wa 2017 ukiri muto: Umuyobozi Mukuru wa Abacus Kenya, Joel Macharia nawe wo muri Kenya.

Iki kinyamakuru cyavuze ko aba batowe bazashyikirizwa imidali y’ishimwe kuwa 24 Gashyantare 2018, i Johannesburg muri Afurika y’Epfo.
I


INKURU ZA :
Tanga Igitekerezo
Ibitekerezo 1
nkunda Kuya 15-01-2018

Kweri habuze u comenting hano. Congs your excellence numenya najye uzanyibuke even my child likes you so much

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...