konka coffee
KONKA

AMAKURU

UKWEZI

Perezida Kagame yikomye abiyomoye kuri RPF anakomoza kuri Diane Rwigara

Perezida Kagame yikomye abiyomoye kuri RPF anakomoza kuri Diane Rwigara
15-12-2017 saa 10:30' | By Akayezu Jean de Dieu | Yasomwe n'abantu 4159 | Ibitekerezo 2

Perezida wa Repubulika y’u Rwanda akaba n’umuyobozi mukuru w’Umuryango RPF Inkotanyi, Nyakubahwa Paul Kagame yakomoje kuri bamwe mu bahoze ari abanyamuryango ba RPF ndetse banafatanije nayo kubohora u Rwanda nyuma bakaza kugera nyuma bakumvira ababashuka babizeza ibyiza nyuma bakabihinduka. Kagame kandi yanakomoje kuri Diane Rwigara washatse kwiyamamariza kuba Perezida akaba kuri ubu akurikiranyweho ibyaha bitandukanye.

Ibi Perezida Kagame yabigarutseho kuri uyu wa Kane tariki 14 Ukuboza 2017, I Rusororo ku cyicaro cy’umuryango wa RPF Inkotanyi ubwo yatangizaga inama nkuru yahuriranye no kwizihiza isabukuru y’imyaka 30 uyu muryango abereye Chairman umaze ushinzwe.

Perezida Kagame yavuze ko hari abo abanyamahanga babeshya bamwe mu bahoze ari abanyamuryango ba RPF ko ari ibitangaza ndetse ko Isi ari bo igenderaho, ko baruta abandi bakoranaga bityo bakwiriye kuba ari bo bakwiye kuba bahagaze imbere y’abanyarwanda babayobora bakabavana mu Rwanda bibizeza ko bazabona ibintu byiza muri ibyo bihugu by’amahanga baba bagiyemo, bagatungurwa no kugerayo bakisanga bikorera amakarito cyangwa se bashinzwe umutekano ku mabaraza ya banki na za kioski.

Yagize ati “Ibaze kuba uri umurinzi urinda kuri banki cyangwa urinda kioske, ni mumbwire kuva hano wari uri igitangaza abantu barakugize igitangaza ariko muri izo ntege nke ukiyibagiza ibyo byose Abo banyamuryango bagiye batatira amahame y’umuryango bagashyira inyungu zabo bwite imbere y’inyungu z’abanyarwanda bose cyangwa se iz’umuryango wa RPF Inkotanyi, icyo gihe bishyize mu banyantege nke mu maso y’abanyamahanga, icyakurikiye ni iki?

Yakomeje agira ati “Icyakurikiye ni ukuvuga ngo uwananiwe kuturwanya ari hanze ngo adusenye byaramworoheye gukoresha abo baturimo ndetse bakabikoresha ariko mu nyungu zabo, bakaza muri twe bakatubwira ko babona abo bafite integer nke ndetse ntibababwire ko bafite intege nke ahubwo bakababwira ko ari ibitangaza bakabwira ko bafite ibintu abandi batabonye, bakababwira ko baruta abo bakoranaga bakababwira ko baruta abo bitangiye hamwe

Hari abo birangira bagiye kota umuriro muri gereza

Perezida Kagame kandi yavuze kuri Diane Rwigara washatse kwiyamamariza kuba Perezida ariko akaza kugaragara ko atujuje ibisabwa ndetse akaza kuvugwa ko yakoresheje inzira zitemewe n’amategeko mu gushaka imikono y’abamusinyira bahamya ko akwiye kuba Perezida ariko mu gisinyisha iyi mikono Diane agasinyisha na bamwe mu bantu bitabye Imana ari na bimwe mu byaha akurikiranweho kugeza ubu aho anafunzwe by’agateganyo.

Perezida Kagame yavuze ko abanyarwanda kimwe n’abandi bose bashukwa ngo bazashyigikirwa n’abo banyamahanga babizeza ibitangaza, ku banyarwanda badatinya ibyo ari byo byose byabahungabanyiriza umutekano

Yagize ati “Ukumva ko abo bantu bagushuka bazagushyigikira bati humura tuzavuza induru tuvuge ko mu Rwanda, mu Rwanda (…..) bafashe umwana w’umukobwa muto washakaga kuba Perezida bamubuza amahoro, none dore banamufunze bakagusezeranya ko aribyo bazavuga kandi ko tuzabitinya kubera ko tudashaka kugaragara nabi”

Yakomeje agira ati “Ariko iyo byasanze abantu nka FPR Inkotanyi batabiha amatwi cyane ngo babyumve, baza batubaza ibibazo nk’ibyo tukabasubiza ibyo bakwiriye kubwira, ndetse tukabereka ibibazo ahubwo batera biri inyuma cyangwa biri n’iwabo wa muntu baramwihakana bakajya ku mukoreza amakarito cyangwa agakomeza kota umuriro wo muri Gereza, ariko urumva ko biba bifite aho bihuriye, baraza bakabagira ibitangaza.Ngira ngo twebwe guharanira ubumwe bwacu nk’uko n’ahandi babigenza, ntabwo kuri twe byadutera ubwoba ntan’ubwo byatubuza guharanira ubumwe bwacu, umutekano wacu no gushyira hamwe imbaraga zacu kugira ngo twigeze kure hashoboka."

Perezida Kagame kandi yasabye abanyamuryango ba FPR Inkotanyi n’abanyarwanda bose gukomeza kubaka imbaraga zacu kugira ngo bagire ubushobozi bubaha gukomeza gutera imbere no kurinda ibyo bubaka kugira ngo bidasenyuka banakomeza n’umuco mwiza wo kwiga, gukorana n’abandi ari abaturanyi ari n’abari kure mu mahanga yabo.
Chairman w’Umuryango RPF Inkotanyi, Paul Kagame n’Umunyamabanga w’Umuryango, Francois Ngarambe
, Uhereye i Busomo: Francois Ngarambe, Umunyamabanga wa RPF, Paul Kagame, Chairman ndetse na Bazivamo Christophe, Visi Chairman
Madamu wa Perezida wa Repubulika y’u Rwanda, Jeannette Kagame


INKURU ZA :
Tanga Igitekerezo
Ibitekerezo 2
GAGA Kuya 16-12-2017

Akumiro uri akumiro koko umva UVUZE KO.....SI WE UB UMWISHE!!!REBA CADAFFI uburyo yakundaga abaturage be n uko bamugize,ninde mu PRESIDENT ukundwa n abanyagihugu 100%?museveni?nkurunziza?kabila?trump....ninde nuko rero ntawukundwa na bose twebwe MUZEHE WACU NI NUMBER ONE nabo birirwa bamoka hanze y igihugu uwabashyiraho baryana barwanir ubutegetsi namba na we yikundira abaturage be MUZIYAHURE!!!!

Akumiro Kuya 15-12-2017

Ushatse wareka gushinyagurira abantu gutyo kuko ba Kadafi, Sadam nabandi ntiwigeze ubarusha ubuhangange

IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...