konka coffee
KONKA

AMAKURU

UKWEZI

Perezida wa Sena yikomye abarekura abahamijwe ibyaha bya Jenoside batarangije ibihano

Perezida wa Sena yikomye abarekura abahamijwe ibyaha bya Jenoside batarangije ibihano
13-04-2018 saa 12:20' | By Vincent Nsengiyumva | Yasomwe n'abantu 1311 | Ibitekerezo

Perezida wa Sena y’u Rwanda Bernard Makuza yikomye bikomeye abacamanza b’abanyamahanga barekura bamwe mu bahamwe ibyaba bya Jenoside yakorewe Abatsi mu 1994 batarangije ibihano, avuga ko u Rwanda rugiye kubahagurukira.

Ibi Perezida wa Sena Makuza yabigarutseho kuri uyu wa Gatanu tariki ya 13 Mata 2018, mu muhango wo gusoza icyumweru cy’icyunamo, wabereye ku rwibutso rwa Jenoside rwa Rebero ruri mu murenge wa Gikondo akarere ka Kicukiro rushyinguyemo abanyapolitike bishwe muri Jenocide.

Senateri Makuza yavuze ko kugeza magingo aya hakiri ibihugu bibitse abakoze Jenoside yakorewe Abatutsi, aho bidegembya muri ibyo bihugu kandi bizwi neza ko basize bakoze ayo mahano mu Rwanda.

Yagize ati “ N’ubwo hari abatarashyira imbaraga cyangwa bakirengagiza nkana ibijyanye no kugeza mu butabera abagize uruhare muri Jenoside yakorewe abatutsi bakidegembya iyo iwabo. Ese baba batazi ko ubutabera butinze cyane buba butakiri bwo cyangwa buba ari ntabwo? Bari bakwiye kubyumva kuturusha bagakora iugikwiye gukorwa.”

Yavuze ko hari ibyo abanyarwanda bakwiye guhaguruka bakamaganira kure, birimo ibyo bamwe mu bacamanza bo mu bihugu by’amahanga bakora bijyanye no kurekura abanyarwanda bahamwe n’ibyaha ndengakamere bya Jenoside batarangije ibihano, aho bisa n’agasuzuguro kuko binyuranyije n’amategeko.

Yagize ati “ Hari ibyo dukwiye kwamagana kuko hiyongeraho n’ikibazo tuzi cy’umucamanza ufata ibyemezo byo kurekura abahamijwe ibyaha bya Jenoside yakorewe Abatutsi n’urukiko mpuzamahanga batarangije ibihano byabo, ni agahomamunwa kuko binakorwa mu buryo bunyuranyije n’amategeko akabihindura uko yifuza ariko yari akwiye kumenya cyangwa akibutswa ko icyaha cya Jenoside ari icyaha ndengakamere cyibasira inyokomuntu.”

Yavuze ko ikibazo cy’abacamanza barekura abakoze ibyaha ndengakamere bya Jenoside yakorewe Abatutsi muri Mata 1994 gihangayikishije u Rwanda, cyane ko abari kurekurwa ari bamwe mu bari abayobozi bayiteguye bakanayishyira mu bikorwa.

Ati “Kurekura abahamijwe ibyaha cya Jenoside batarangije ibihano kuri icyo cyaha ndengakamere, cyane cyane ko abo ngabo bari mu bayobozi bateguye Jenocide, ni ikibazo tugomba guhagurukira tukakigaragaza kuko ubutabera ntabwo ari umuntu ubugaraguza agatoki uko yifuza, hari amategeko n’amahame mpuzamahanga areba icyaha nk’iki cya Jenoside .”


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...