konka coffee
KONKA

AMAKURU

UKWEZI

Prof.Shyaka yagaragaje ibintu bitatu by’ingenzi RPF imaze kugeraho

Prof.Shyaka yagaragaje ibintu bitatu by’ingenzi RPF imaze kugeraho
12-12-2017 saa 16:13' | By Akayezu Jean de Dieu | Yasomwe n'abantu 497 | Ibitekerezo

Prof Shyaka Anastase, Umuyobozi mukuru w’ikigo k’igihugu cy’imiyoborere (RGB), yavuze ko u Rwanda ruyobowe na RPF Inkotanyi yizihiza Isabukuru y’imyaka 30 ibayeho rwageze kuri byinshi byo kwishimira, ariko ibintu bitatu birimo indangagaciro’ amahoro n’umutekano, komora ibikomere no gushyiraho ubuyobozi butagira uwo buheza aribyo bituma u Rwanda rufatwa nk’igihugu cy’indashyikirwa haba mu bukungu n’umutekano.

Ibi Prof Shyaka yabigarutseho mu kiganiro ku byafasha ibihugu bya Afurika kugera ku iterambere ryabyo n’uburyo Afurika yagera ku iterambere ikoresheje ubushobozi bwose ifite, cyayobowe na Louise Kanyonga, ukora mu kigo cy’Iterambere mu Rwanda.

Iki kiganiro kandi cyarimo Prof Shyaka Anastase, Umuyobozi mukuru w’ikigo k’igihugu cy’imiyoboreremu Rwanda (RGB) , Dr Jendayi Frazer wahoze ari umunyamabanga wungirije wa Leta Zunze Ubumwe za America, Diko Mukete impuguke mu by’amategeko akaba n’Umushakashatsi mu bya Politiki, Dr Kimonyo Jean Paul, Umunyamategeko n’inzobere mu by’Ubukungu wo muri Cameroon, na James Mwangi, Umunyamabanga Nshingwabikorwa w’ikigo Dalberg cyo muri Kenya.

Diko Mukete impuguke mu by’amategeko akaba n’Umushakashatsi mu bya Politiki yavuze ko ibirebana no kwigira bisa n’ibyakunze kunanirana muri Afurika ariko ku muryango wa RPF Inkotanyi iki cyo cyamaze kugerwaho aho abanyarwanda bose bamaze gutozwa umuco wo kwigira ndetse ko n’iyo myumvire yamaze kubacengera.

Muri iki kiganiro, Prof Shyaka yavuze ko muri byinshi Umuryango RPF Inkotanyi wagezeho harimo ibintu bitatu by’ingenzi kandi igihugu cyose cyagakwiye kuba kifuza kugeraho.

Yagize ati “Hari ibintu bitatu bikomeye RPF Inkotanyi yashoboye kugeraho birimo indangagaciro, amahoro n’umutekano, komora ibikomere no gushyiraho ubuyobozi butagira uwo buheza.”

Agaruka ku mpinduka Afurika ikeneye nk’imwe mu ngingo nyamukuru ziri kwigirwa muri iyi nama, Prof Shyaka yavuze ko igikenewe kugira ngo izi mpinduka zigerweho kandi mu buryo bwihuse ari ubuyobozi bwiza

Ati “Ubuyobozi bwiza buzafasha kugera kuri izi mpinduka turi kuvugaho uyu munsi, nituvuga ku muyobozi mwiza twahera ku muyobozi w’Umuryango wacu, akaba na Perezida w’igihugu cy’u Rwanda, Nyakubahwa Paul Kagame , ni ubuyobozi buha ijambo abaturage, umuyobozi ushyira mu bikorwa aho kuvuga gusa, ubwo buyobozi bumeze gutyo nibwo buzafasha muri izo mpinduka.”

Yunzemo ati “Nk’uko Perezida w’igihugu cyacu akunze kubivuga, Afurika ni igihugu cyacu, Afurika ni mu rugo, rero ubuyobozi bwiza ni ubuyobozi bukorera hamwe mu guharanira izo mpinduka. Niba tuvuga kwibohora ndetse n’impinduka, Afurika ni iwacu dukeneye gukorera hamwe n’ibihugu duturanye kugira ngo tubohoze Afurika yose nk’iwacu mu rugo.”

Prof Shyaka kandi yasoje asubiramo amagambo yavuzwe na Perezida Kagame ati “Afurika dufite ibyo dukeneye ngo tugere ku ntsinzi, gutsindwa kwa Afurika ntabwo byababarirwa.”


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...