konka coffee
KONKA

AMAKURU

UKWEZI

Rwakazina Marie Chantal yatorewe kuba umuyobozi mushya w’Umujyi wa Kigali.Ni muntu ki?

Rwakazina Marie Chantal yatorewe kuba umuyobozi mushya w’Umujyi wa Kigali.Ni muntu ki?
25-05-2018 saa 12:00' | By Chief Editor | Yasomwe n'abantu 9598 | Ibitekerezo 6

Rwakazina Marie Chantal wari usanzwe ari Umukozi mu Muryango w’Abibumbye (UN) niwe watorewe kuba Umuyobozi mushya w’Umujyi wa Kigali wasimbuye Nyamurinda Pascal uherutse kwandika ibaruwa ivuga ko asezeye kuri uyu mwanya ku mpamvu ze bwite.

Mu matora y’Umuyobozi w’Umujyi wa Kigali habanje gutorwa Umujyanama rusange uhagarariye Umurenge wa Nduba mu nama Njyanama y’Akarere ka Gasabo, hatorwa uyu Rwakazina Marie Chantal ndetse ahita atorerwa kujya muri Njyanama y’Umujyi wa Kigali ahagarariye aka karere ka Gasabo.

Me Murekatete nawe yari yiyamamaje kuri uyu mwanya

Rwakazina yiyamamaje ahatanye n’umunyamategeko Me Murekatete Herniette, aba bombi bakaba ari nabo bonyine bamamajwe kuri uyu mwanya maze amatora arangira Rwakazina Marie Chantal ari we ugize ubwiganze bw’amajwi 146 ku majwi 8 ya Me Murekatete maze ahita aba Umuyobozi mushya w’Umujyi wa Kigali.

Bicye mu byo wamenya kuri Rwakazina Marie Chantal:

  • Rwakazina Marie Chantal afite imyaka 45 y’amavuko, arubatse afite umugabo n’abana babiri.
  • Yize muri Kaminuza y’u Rwanda ndetse aza kuyigishamo kuva mu 2000 kugeza muri 2008
  • Kuva mu 2010 kugeza muri 2013 yabaye umuyobozi wungirije wa RALGA
  • Kuva mu 2013 kugeza ubu, yakoraga mu muryango w’Abibimbye. Yari umuhuzabikorwa w’inkunga z’Umuryango w’Abibumbye mu bikorwa bya Leta.
  • Rwakazina yagize uruhare mu gutegura gahunda ya Guverinoma y’imyaka irindwi, mu cyiciro cy’ubukungu.


Nyuma ya Jenoside yakorewe abatutsi, Umujyi wa Kigali wagiye uyoborwa n’abantu batandukanye barimo ababaye aba Perefe Kigali igifatwa nka Perefegitura, hakabamo n’ababaye aba Meya. Kuva mu 1994 kugeza muri 2001, abayoboraga umujyi wa Kigali babaga ari aba Perefe naho nyuma yaho batangiye kuba aba Meya.

Lt Col Rose Kabuye (wari ufite ipeti rya Major icyo gihe) yabaye Perefe wa Kigali kuva mu 1994 kugeza mu 1997. Yasimbuwe na Musoni Protais wayoboye Kigali kuva mu 1997 kugeza mu 1999, naho uwa nyuma wabaye Perefe ni Kabanda Marc wayiyoboye kuva mu 1999 kugeza muri 2001.

Aho umujyi wa Kigali utangiriye kuyoborwa n’aba Meya (Mayor), uwa mbere wawuyoboye ndetse wavugishije benshi ku gihe cy’ubuyobozi bwe, ni Mutsindashyaka Theoneste wabaye Meya kuva muri 2001 kugeza muri 2006, agasimburwa na Aissa Kirabo Kacyira wabaye Meya kuva muri 2006 kugeza muri 2011, hakaza Fidèle Ndayisaba wabaye Meya kuva muri 2011 kugeza muri 2016 hanyuma hakazaho Dr Mukaruliza Monique wayoboye igihe gito, kuva tariki 29 Gashyantare 2016 kugeza ubwo yahindurirwaga imirimo n’Inama y’Abaminisitiri yateranye kuwa Gatanu tariki 3 Gashyantare 2017, agahita agirwa ambasaderi w’u Rwanda muri Zambia.

Muri iyo nama y’Abaminisitiri, ninaho hatangarijwe impinduka mu kigo cy’igihugu gishinzwe Indangamuntu (NIDA) cyari gisanzwe kiyoborwa na Pascal Nyamulinda, ubu iki kigo kikaba cyarahawe undi muyobozi mushya witwa MUKESHA Josephine, naho Nyamurinda yasimbuye akaba yaratorewe kuba Meya w’Umujyi wa Kigali muri Gashyantare 2017, akaba yarasezeye tariki 10 Mata 2018 yari amaze umwaka n’amezi abiri ayobora uyu mujyi.


INKURU ZA :
Tanga Igitekerezo
Ibitekerezo 6
bimawuwa Kuya 26-05-2018

Reka dutegereze ubwe gure bwe mu gihe cyavuba

kubwimana elyse Kuya 25-05-2018

Ndakunda cyane kumakuru yinjyenzi mutujyezaho murakoze amahirwe mass

kubwimana elyse Kuya 25-05-2018

Ndakunda cyane kumakuru yinjyenzi mutujyezaho murakoze amahirwe mass

kubwimana elyse Kuya 25-05-2018

Ndakunda cyane kumakuru yinjyenzi mutujyezaho murakoze amahirwe mass

kubwimana elyse Kuya 25-05-2018

Ndakunda cyane kumakuru yinjyenzi mutujyezaho murakoze amahirwe mass

kubwimana elyse Kuya 25-05-2018

Ndakunda cyane kumakuru yinjyenzi mutujyezaho murakoze amahirwe mass

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...