konka coffee
KONKA

AMAKURU

UKWEZI

Twirinde kuba ba ruvumwa ahubwo dukore inshingano zacu neza- Min. Kaboneka

Twirinde kuba ba ruvumwa ahubwo dukore inshingano zacu neza- Min. Kaboneka
12-01-2018 saa 09:58' | By Akayezu Jean de Dieu | Yasomwe n'abantu 954 | Ibitekerezo

Ibi Minisitiri Kaboneka yabigarutseho kuri uyu wa Kane tariki 11 Mutarama 2018, i Nyamata mu karere ka Bugesera ubwo yasozaga ku mugaragaro amahugurwa y’iminsi itatu yahuzaga abakozi bashinzwe irangamimerere mu mirenge yose y’igihugu. Aho yabasabye kuzuza inshingano bafite zo guha serivisi nziza abaturage aho kugira ngo babagire iciro ry’imigano birirwa babavuma hejuru yo kwirengagiza inshingano.

Aba bakozi bashinzwe irangamimerere mu mirenge y’igihugu bari bamaze iminsi bahugurwa ku bijyanye no gutanga serivisi nzinza ku babagana hagamjiwe kubaka u Rwanda rwifuzwa n’abanyarwanda.

Mu mpanuro zisoza aya mahugurwa, Minisitiri w’Ubutegetsi bw’Igihugu, Francis Kaboneka yongeye kwibutsa aba bayobozi ko iyo wakiriye neza umuturage ataha yishimiye ko afite ubuyobozi bwiza, anababwira ko iyo Perezida Kagame asezeranyije abaturage kubaha serivisi nziza bitaba bivuze izo mu biro bye cyangwa ibiro bya Minisitiri n’abandi bayobozi bakuru ahubwo ko biba bivuze serivisi zitangwa kuva mu nzego z’ibanze.

Yagize ati “Aho mukorera muri indorerwamo y’ubuyobozi bukuru bw’igihugu cyacu, kandi icyo bwifuza ni uko buri Munyarwanda wese abona icyo akwiriye mu gihe gikwiriye kandi mu buryo bushimishije.

Yakomeje agira ati “Iyo udahaye serivisi nziza umuturage, uba umuvukije uburenganzira bw’ibanze bwa muntu, uba umudindije mu majyambere, uba unandindije iterambere ry’igihugu, nyamara nawe ntuba wisize kuko iyo igihugu giteye imbere n’umukozi wa Leta atera imbere.”

Yunzemo ati “Iyo udahaye serivisi nziza umuturage nawe ubwawe uba widindije mu buryo bumwe cyangwa ubundi. Umuturage wahawe serivisi nziza atera imbere agakora ibikorwa maze nabyo bigatanga umusaruro ku gihugu.”

Minisitiri Kaboneka kandi yibukije aba bayobozi ko burya nta cyiza kibaho ku muturage nko guhabwa amahirwe yo gukorera igihugu cye no kumva ko ari kugitangaho umusanzu, ahera ko asaba abayobozi kubyaza umusaruro ubwo bushake bw’abaturage.

Ati “Twirinde kuba ba ruvumwa ahubwo dukore inshingano zacu neza kandi ndizera ko aya mahugurwa agira icyo abongerera mu bushobozi bwo kuzuza neza inshingano, hari ibibazo bihari ariko turi kubikemura uko amikoro y’igihugu agenda yiyongera.

Yakomeje agira ati “Gusa ibibazo ntibikatubuze kuzuza inshingano zacu. Aya mahugurwa ni amwe mu ntambwe zo gukemura ibyo bibazo. Nimugenda mugakoresha ubumenyi muvanyemo, ubutaha hazaba hari icyakemutse.”


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...