konka coffee
KONKA

AMAKURU

UKWEZI

U Rwanda ntirworohewe n’Abarundi batemera kwivuza, kwikingiza no kurya ibyaciye mu nganda

U Rwanda ntirworohewe n’Abarundi batemera kwivuza, kwikingiza no kurya ibyaciye mu nganda
13-03-2018 saa 11:41' | By Chief Editor | Yasomwe n'abantu 7574 | Ibitekerezo 16

Mu cyumweru gishize, u Rwanda rwakiriye impunzi z’Abarundi 2579 zabaga mu Nkambi ya Kamanyola muri Repubulika iharanira Demokarasi ya Kongo, zambutse zishaka ubuhungiro kuko zari zifite ikibazo cy’umutekano wazo, ubu zikaba zicumbikiwe mu nkambi y’agateganyo ya Nyarushishi. Imyumvire ishingiye ku myemerere y’aba barundi, ntabwo yoroheye Leta y’u Rwanda kuko kuba batemera kwivuza, kwikingiza, kurya ibyaciye mu nganda n’ibindi bigaragaza ko kubakira no kubacumbikira bitoroshye kandi bakomeje gutsimbarara ku myemerere yabo idasanzwe.

Mu kiganiro yagiranye n’Abanyamakuru kuri uyu wa Kabiri tariki 13 Werurwe 2018, Minisitiri w’Ububanyi n’Amahanga n’Umuryango wa Afurika y’Uburasirazuba akaba n’Umuvugizi wa Leta y’u Rwanda, Louise Mushikiwabo, yasobanuye uburyo izi mpunzi zifite imyumvire iteye ikibazo Leta y’u Rwanda.

Minisitiri Mushikiwabo ati: "Ni impunzi ziteye ikibazo kuko zifite imyumvire idasanzwe yo kutemera kubarurwa hakoreshejwe ikoranabuhanga kandi ari bwo buryo dufite bwo kubarura impunzi... Ntabwo zemera kwivuza, ntabwo zemera gukingizwa no gukingirizwa abana, ntabwo zemera kurya ibyaciye mu nganda..."

Minisitiri Louise Mushikiwabo avuga ko uretse n’u Rwanda, nta kindi gihugu cyakwemera kwakira abantu bafite imyumvire yo kwinangira ishobora guteza ikibazo abaturage muri rusange, kuko kuba izi mpunzi zitemera kwivuza no kwikingiza kimwe n’ibindi bishobora kubarinda gushyira ubuzima bwabo mu kaga, byatuma bazanduza n’abandi baturage indwara zandura baramuka barwaye kuko batemera kwikingiza bakaba batemera n’ubuvuzi bugezweho.

Icyakoze Minisitiri Louise Mushikiwabo avuga ko bazakomeza kuganiriza izi mpunzi bakareba ko bashobora kwemera guhindura imyumvire yabo idasobanutse bavuga ko ishingiye ku myemerere yabo.

Izi mpunzi zivuga ko zidashobora kurya ibiribwa byose byaciye mu ruganda cyangwa kuvurwa n’abaganga cyangwa se kwikingiza, ngo n’ubuvuzi iyo babukeneye baravurana ubwabo. Ntibarya amavuta, umunyu, isukari n’ibindi bica mu nganda kandi nta munyamakuru wemerewe kubafata amashusho abagaragaza mu maso kuko bavuga ko batinya ko yabafata imboni zabo bityo bikabagiraho ingaruka mbi nk’uko babishimangira.

Nta muntu wemerewe kuzibara kereka ari bo babyikoreye hagati yabo. Ku bijyanye n’iyi myemerere yabo idasanzwe, bo bahamya ko ari abemeramana bo mu idini ya Kiliziya Gatolika, bakaba barahunze igihugu cy’u Burundi kubera ko ubuyobozi bw’igihugu cyabo butemeraga amabonekerwa bavuga ko babonekewe na Bikiramariya nyina wa Yezu.


INKURU ZA :
Tanga Igitekerezo
Ibitekerezo 16
Gihozo Kuya 15-03-2018

Ngewe ndumva bafite imyemerere ikakaye nibabanze batozwe nkintore bigishwe kirazira namahame yintore inkumba bamareyo amezi abiri bazaza baragororotse ari intore mubone kubatuza murwatubyaye maze muubagaburire ibigori nigikoma cyamasaka ntaruganda biba byanyuzemo

Gihozo Kuya 15-03-2018

Ngewe ndumva bafite imyemerere ikakaye nibabanze batozwe nkintore bigishwe kirazira namahame yintore inkumba bamareyo amezi abiri bazaza baragororotse ari intore mubone kubatuza murwatubyaye maze muubagaburire ibigori nigikoma cyamasaka ntaruganda biba byanyuzemo

james Kuya 15-03-2018

abo nabo kwa zebiya businde aabo nabo gutera akavuyo gusa ic nokubwira ugye gusengerayo ntugaruka kand ahubw abo sibo bikoresha bakoreshwa nibibrimwo ukabona bavuye kwizima nzoce nangara nimb ari abaraho nzi batuzonze.

Umusesenguzi Kuya 14-03-2018

Sabarundi bonyine kimwe nabanye congo igihe cyose tuzakomeza kwibombarika kumahanga ko tuzi kugendera kumahame runaka kuruhando mpuzamahanga,haraho bizabangamira abene gihugu nkurugero muminsi ishize impunzi za Congo zarigaragambije zinubira icyemezo cyo kugabanya inkunga zigenerwa impunzi icyo gihe ntibyaribyoroheye ku Rwanda kuko benshi bahasize ubuzima abandi barakomereka kubera iyo myigaragambyo,yabag, bigera naho 11 bahatakariza ubuzima ukibaza ese u Rwanda rwungungukirahe kumpunzi ziteza umutekano mucye kugeza naho batakaza ubuzima???

dada Kuya 14-03-2018

Mwabashubije iwabo muritera ibabazo byiki?hmmmm

Justine Kuya 14-03-2018

Ndumva ahubwo Leta igomba gushishoza bashobora kuba bari kujijisha bafite ikibazanye!Ndumva ngize amakenga pe.

Danny Kuya 13-03-2018

Abobarundi iwabo basemgaga uwo bita zebiya

Danny Kuya 13-03-2018

Abobarundi iwabo basemgaga uwo bita zebiya

uwizeye Kuya 13-03-2018

ufite umurwaza bwira arabye kane

Anne Myriam Kuya 13-03-2018

None se ko wumva Bali muli kiliziya gatolika kandi bazi bibliya hali aho babonye ibyo bakora byanditswe?Ntawufasha utifashije jye ndabona ahubwo ali n’abaswa n’abapagani cyane.Babareke bihamagalire bonyine urupfu bo kunaniza urwatubyaye

eliya Kuya 13-03-2018

Aba barundi basubizwe iwabo,biduteza ibibazo umuntu aragucumbikira ukamutegeka icyo agukorera

fatu Kuya 13-03-2018

aba barundi bakiza numvise mugaya,leta ya Congo ko ifaahe aba Bantu nabi,mwumva ari ishema mubarushije kubakira,koko iyo baza kuba ari abantu bazima barikumva ibyakorewe impunzi za kiziba,bakabirengaho bakaza I Rwanda.nimubumve kabisa barababiza icyuya

nyakarundi Kuya 13-03-2018

basubize iwabo izo mbwa

nyakarundi Kuya 13-03-2018

basubize iwabo izo mbwa

pazo Kuya 13-03-2018

ibyo bihoni ra ni bijuju gusa mbega ibiswa hhhhhhh ndumiwe cg babihe peter

Claude Kuya 13-03-2018

Imyemerere iragwira!abo barundi nimubarungike mu burundi nta wundi muti.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...